Amos 8:14 - Ebaibul

¹⁴ Emunyarosi ka nyeyarete nabo jik ŋituŋa ŋulu ikoŋete enyarito ekiro ŋolo ka Asima a akuj a ŋina a Dan a ŋina eyai Samaria, ido ebasi, kori enyarito ekiro a akuj a ŋina eyai Beeriseba.’ Emunyarosi ŋituŋa ŋul, nyeyarete nabo jik.”

Amos 8:14 Iomraidhean Croise

1 Ŋirw. 12:32

Totub Yeroboam atemar kitiyaeneneetei ŋasuban ŋuna ka akwap keŋ ŋirwa ke elap ŋitomon ka ŋikan elap ŋolo a ŋikanikauni, lopite ŋolo etiyata ŋulu a Yudaya. Ya Yeroboam ŋamuronisya Namuroet ŋina ayai Besel, inak ŋamuronisya ŋun neni a ŋitak a ŋulu abu iŋes kitiyau.

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

1 Ŋirw. 16:24

Abu Omiri togyel emukura ŋolo enyaritae Samaria aneni a Semer a ŋitalentae a ŋiarei a ŋulu a esilipa; toduk iŋes lomukura ŋol ejok, tolimok ekiro ke etaun Samaria, ekiro a Semer a elope emukura.

2 Ŋirw. 10:29

Nai abu iŋes nyeki akitiya ŋasecisya ŋuna ekote ŋuna ke erwosit Yeroboam lokoku a Nebat. Aris Yeroboam kitesec Ŋisirael anakilipenen ka aryedik alokiŋaren ŋitorubei a ŋitak a ŋulu etiyaunitae a egolid, etowoikinitae Besel ka Dan.

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Ŋikiru. 140:10

Kimyek ŋatotol ŋuna eriraete tobukokin neni kec; kimyek ikes kimasakinae, napanya ŋuna nyelomuniata nabo jik.

Ŋikiru. 36:12

Kiŋolik epite ŋolo ileteteoto ŋulu itiyaete aronis, adaun akimasakin ikes kwap, nyepedorete anyoun.

Ŋakit. 24:16

anerae tari daŋ keryamut ŋituŋa ŋulu iyookino ŋican ŋarwa ŋakanikaarei, etenete nabo, nai ereunete ŋican ŋituŋa ŋulu aronok.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Isa. 43:17

Ekapolon ŋolo abu toriko amunyar ŋagaari ka ŋaŋolei, ŋasigarya ka ŋikajiok; eperete ikes alokwap, nyeriŋa eyarunete, adaun ikes akitoŋopiyar jik, adaun akituduŋere ikwa ausi ŋina enoki.

Yer. 25:27

“Ilimokini nai iyoŋ ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar tomata, tomerakinos, toleka, ido kibusokinos nyinyout nabo aŋuna a ejie a ŋolo eyakuunit ayoŋ neni kus.’

Yer. 51:64

ido tolimu tema, ‘Esipori Babilon lopite ŋolo asiporor ekitaabo ŋol, nyetakanuni nabo aŋuna a ŋican a ŋulu ayauni ayoŋ neni keŋ.’” Ŋakiro ŋuna abu Yeremia tolimok Seraia ikes ŋun.

Osea 10:5

Ebuli ŋituŋa ŋulu iboiyete alo Samaria aŋuna a etorube a itaok, a etorube a ŋolo eyai Bes-Apen. Igworete ŋituŋa a Samaria aŋuna a etorube a ŋol igworete ikes kaapei ka ŋisacaradotin ŋulu ilipete ka itopoloorito etorube ŋol, elemaryo iŋes aneni kec yaarae nakwap ace.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Amos 5:1

Tema Amos, “Okoe Ŋisirael, kiirasi ŋakiro nu ŋuna egworor ayoŋ aŋuna kus,

Amos 5:2

amunaar akwap a Isirael, nyejokuni nabo jik, atwanikis ŋituŋa a Isirael nakwap kec pei, mam ituŋanan emitakinit.

Amos 5:5

nai nyiloto Besel akilip, nyilomasi Gilgal, kori nyituborosi Beeriseba, anerae kire jik, erikoryo ŋituŋa a Gilgal nakwap ŋinagela ka emunaaryo Besel toŋopiya jik.’

Mika 1:5

itiyakinosi ŋakiro ŋun daadaŋ, anerae adaut ŋituŋa a Yakob akibil ŋikisila, adaut ŋituŋa a Isirael akisec. Ai mono abilyata ŋituŋa a Yakob ŋikisila? Meere mono Samaria a? Ai mono aseciata ŋituŋa a Yudaya? Meere mono Yerusalem a?

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Ŋitic. 18:25

Kitatamitae iŋes ejok Erot ŋolo ke Ekapolon. Etatami iŋes ŋakiro a Yesu alopite a ŋolo eyookino ka alelakinit nooi; nai ayeni iŋes ebatisimu a Yoana bon.

Ŋitic. 19:23

Arae apaki na ayakar aruruma ŋina apolon Epeso aŋuna ke Erot a ŋolo ke Ekapolon.

Ŋitic. 19:9

Nai esyaaka ŋice jik, nyenupa; ido irworotor Erot ŋolo ke Ekapolon alopite a ŋolo aronon alokiŋaren atukot daadaŋ. Aŋun, toesik Paulo ikes, totyakaros ka ŋikasyomak aneni kec. Anyoun apaki ŋin, erworo iŋes jwi jwi alokai a Tiranus neni a ŋituŋa.

Ŋitic. 24:14

Nai acamunit ayoŋ ŋakiro nu alokiŋaren kon: elipi ayoŋ Akuj atapapaa kosi, anakiwuapit erot ŋolo ke Ekapolon a Ŋikristo, ŋolo ebasi ikes erae alyokonu. Tari kikote nen, anupit ayoŋ ŋakiro daadaŋ ŋuna igiritae tooma Ŋikisila a Moses ka lokitaaboi ŋulu a ŋikadwarak.

Ŋitic. 9:2

akiŋit ŋabaruwae ŋuna itoodiunito atemar ecamakinitae iŋes alosit losinagogae ŋulu alo Damasko, ikotere ani keryamu ituŋanan idio ŋini enupit Kristo, ekile kori aberu, kikama ikes, toen ya Yerusalem. (Anyaritae daŋ ŋikewuapak a Kristo, “Ŋulu ke Erot.”)

Ŋikis. 33:11

Okoe Ekapolon, kiterereŋ apiiryanut kec ka tocamu ŋiticisyo kec, toreu ŋimoe kec daadaŋ, ikotere nyepotu nabo akitijiore ikes.

Ŋikis. 9:21

Abu nai ayoŋ olemu ibore kus ŋin ŋini etesecan, iŋes etorube a itaok, ecuny ka akim, ido obwaŋabwaŋaiya iŋes jik ka eryaa jik tari ŋina aruworor apuwa, eelak apuwa ŋin na ŋolol ŋina alele kwap emoru.