Amos 7:3 - Ebaibul

³ Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun.”

Amos 7:3 Iomraidhean Croise

Akisy. 6:7

Tema Ekapolon, “Etoŋopiyari ayoŋ anakwap ŋituŋa ŋulu abu osub, akisyakin aneni a ituŋanan tari lotyaŋ ka aneni a ŋinibore elyat tari lokyeny; anerae eketililyata ayoŋ ŋakiro ŋuna koloŋ abunio osubunia ikes.”

1 Ŋakiro a ŋirwa 21:15

Abu Akuj kiyakiya emalaika amunyar ŋituŋa a Yerusalem. Nai ani edikino emalaika itiyae ŋun, abu Ekapolon kiŋolik ŋun, ido abu kilocok ŋatameta keŋ, tosodi tema neni ke emalaika a ŋolo aari ŋituŋa, “Etemokin! Kisieŋu akan kon.” Apaki ŋin, awoi emalaika a Ekapolon ŋol analos a ŋina ka Orenan a Eyebusit.

Ŋikiru. 106:45

aŋuna kec, abu Akuj totamu acamunet keŋ, ido anamina keŋ a ŋina apolon, a ŋina nyiryaŋiryaŋa, abu Akuj kisyoni ikes.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Ŋikiru. 90:13

Okoe Ekapolon, tojoŋo anyunyura! Apaki ŋina etya ai iyai iyoŋ inyunyura? Kisyoni ŋiketiyak kon.

Awos. 32:14

Aŋun, abu Ekapolon kilocok ŋatameta keŋ, nyisican ŋituŋa keŋ lopite ŋolo sek acamitor akisicania.

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Yer. 42:10

‘Ani ca kirubakis iyes iboiyete anakwap a na eketogogoŋi ayoŋ iyes, nyakalemari, akadupakini ayoŋ iyes, nyakamunyari, anerae ekesiyaloloŋ ayoŋ ŋican ŋulu abu ayoŋ oyau neni kus.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Yoel 2:14

Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 7:6

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun daŋ.”

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.