Amos 7:2 - Ebaibul

² Ŋina adaunia emaase ŋol akirikar ŋakwii a ŋikito ka ŋinya anakwap a ŋin, abu ayoŋ ekalou otema, “Okoe Ekapolon, ekelipit, kisyoni ŋituŋa kon. Alipite eyaryata ŋiletok a Yakob? Epalag ikes.”

Amos 7:2 Iomraidhean Croise

Ŋikiru. 12:1

Okoe Ekapolon, kiŋarakinae ayoŋ, anerae mam nabo ituŋanan eriŋa ikikinyomit iyoŋ; adaunosi alotuŋa ŋulu ikikinyomito iyoŋ.

Awos. 10:15

Abu emaase ŋol toburusiya akwap ŋin daadaŋ, kiryoniar akwap cuc; kirika emaase ibore ŋini alomunit anakwap a Ijipit daadaŋ kaapei ka ŋaraito daadaŋ ŋuna sek kepotu ŋakako kimyekis. Mam ibore abu kidoŋ elib alokito, kori anibore a ŋini alomunit anakwap a Ijipit a daadaŋ.

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Isa. 51:19

Ikidolokis iyes ŋakiro nu ŋaarei: Ŋinyas ka amunyaro, aronis ka ejie, ŋae iyaloloŋi kaapei ka iyes? Ŋae ikisirworiuni iyes?

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Esek. 11:13

Ani eriŋa ayoŋ adwari ŋakiro ŋun, kiridak Pelatia lokoku a Benaia. Abu nai oramakin kwap ejuuru, eorou nooi otema, “Mam, Ekapolon Akuj! Imunyari kire iyoŋ ŋipiya ŋulu eyakasi Isirael a?”

Esek. 9:8

Apaki ŋina aaryata ŋikilyok ŋul ŋituŋa, ayai ayoŋ neni kaŋ bon, abu ayoŋ oper alokwap obuburiyar, ekalou otema, “Okoe Ekapolon Akuj! Imunyari kire iyoŋ ŋipiya a Ŋisirael daadaŋ ananyunyura kon a ŋina iyau iyoŋ lotuŋa a Yerusalem a?”

Dan. 9:19

Okoe Ekapolon, kiirarae isua, okoe Ekapolon kisyoni isua, okoe Ekapolon, topupokinae, ido kitiya ŋuna ikiŋita, okoe Akuj kaŋ aŋuna ka akipuryo iyoŋ, Nyidid akitiya ŋun! Anerae enyaritae etaun kon ka enyaritae ŋituŋa kon a ekiro kon.”

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Amos 4:9

“‘Abu ayoŋ eyakuu ekuwuam ŋolo amwanan ka ekurut ŋolo eremi ŋikinyom alomanikorin kus, abu ayoŋ etoon ŋimanikorin kus ŋulu a ŋikinyom ka ŋulu a epiini, abu emaase kirika ŋikito kus ŋulu a ŋiboboryo ka ŋulu ka Olipa, nai ipotu iyes nyikiwa.

Amos 7:5

Abu nai ayoŋ ekalou otema, “Okoe Ekapolon, ekelipit, tojoŋo kareca! Alipite eyaryata ŋiletok a Yakob?”

Sakar 4:10

Nyelakara ikes tokona, anerae edit ibore ŋini etiyakin. Nai iŋolikinete ikes Serubabel erubakinit eduki Akai ka Akuj, ido elakarosi ikes.” Abu emalaika tema neni kaŋ, “Erae ŋitaae ŋulukanikaarei ŋul ŋakonyen ŋakanikaarei ŋuna ke Ekapolon ŋuna iteete akwap daadaŋ.”

Akis. 9:4

Aponi tolimokinae ikes nyewan ŋinya kori ŋikito kori ŋinibore erupunit alokwap daadaŋ; nai mati ŋituŋa daadaŋ ŋulu emam emacar ŋolo ka Akuj aloreetin kec.