Amos 7:17 - Ebaibul

¹⁷ Aŋun, alimu Ekapolon ŋakiro nu ebe, ‘Eruwor aberu kon amalaat alotaun, ido earyo ŋidwe kon ŋulusapa ka ŋulupesur, ido tokorakinae akwap kon neni a ŋituŋa a ŋulugelae, itwani iyoŋ anakwap a ŋituŋa a ŋulu nyenupito Akuj, kire erikoryo Ŋisirael nakwap ŋinagela.’ ”

Amos 7:17 Iomraidhean Croise

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Isa. 13:16

Enyilinyilaaryo ŋidwe kec ŋulu enakete iteete ikes, eŋataryo ŋiboro anakais kec ka ereikinio ŋaberu kec akiryamakin ka ŋikilyok ŋulu nyerae ŋulu kec.

Isa. 22:18

ikisirimok iyoŋ ŋarwa ŋuna alalak, ido ikicuta iyoŋ nariet nakwap ŋina alalan, itwanikini iyoŋ nen ka idoŋete nen ŋagaari ŋuna sek iruunitor iyoŋ. Okoe iyoŋ ŋolo iyau ŋileec lotuŋa a ekapolon kon!

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 28:12

Kelunyar apaki adio anapaki a ŋina abilya ekadwaran Anania ayokot alomosiriŋ a ekadwaran Yeremia, kirwor Ekapolon neni a Yeremia tema,

Yer. 28:16

Aŋun, alimu Ekapolon ebe, ‘Akalemari ayoŋ iyoŋ anakwap ekaru lopei lo, itwani iyoŋ; anerae irworo iyoŋ itepegit Ekapolon.’ ”

Yer. 29:21

Ŋakiro a Ekapolon a ŋolo a ŋajoresyo, Akuj a Ŋisirael ikes nu aŋuna ka Aab alokoku a Meseia a ŋulu edwarete neni kus ŋuna ka alyokonu alokiro kaŋ, ainakini ayoŋ ikes napedor a erwosit Nebukadinesar a ŋolo a Babilon, eari iŋes ikes iteete iyes.

Yer. 29:25

“Alimu Ekapolon ŋolo a ŋajoresyo, Akuj a Ŋisirael atemar, ibu iyoŋ alokiro kon kiyakiya abaruwa neni a ŋituŋa a daadaŋ a ŋulu eboiyete alo Yerusalem ka neni a esacaradoti Sepania alokoku a Mesaia ka neni a ŋisacaradotin a daadaŋ, igirit iyoŋ nabaruwa ŋin ebe,

Aum. 5:11

Aloma ŋituŋa ŋaberu kosi alo Sion, areikis ŋituŋa ŋapesur alotaunio a Yudaya ŋuna sek nyiryamanakina ka ŋikilyok akiryamakin ka ikes.

Esek. 4:13

Tema Ekapolon, “Itoodiunete ŋun atemar enyamete Ŋisirael anakwapin a ŋace ŋamuja ŋuna nyecamakinit ekisil ikes akinyam. Etakanunete ŋun apaki ŋina eelarya ayoŋ ikes nakwapin ŋunagelae.”

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Amos 6:7

Aŋun, iyes isyaunete arikoro nakwap ŋinagela, ido edaun ŋasuban ka akisaanan kus.

Amos 7:11

anerae alimu iŋes atemar, earyo Yeroboam a ekileŋ, ido erikoryo Ŋisirael nakwap ŋinagela. ”

Amos 8:1

Abu Ekapolon ekesileerek ayoŋ ŋakiro nu: Abu ayoŋ eŋolik Ebukit ŋolo aya ŋaraito ŋuna akonok.

Amos 9:1

Tema Amos, “Abu ayoŋ eŋolik Ekapolon ewoi alodiyete Namuroet.” Okolimok iŋes ayoŋ tema, “Toram nooi ŋakyes a ŋipirin a ŋulu a Akai a ŋina ka Akuj, ikotere tomaranikis ŋalapatui ŋuna a Akai a ŋina ka Akuj; ido ŋulu ebucarosi, aari ayoŋ ke ekileŋ, mam ikes ipei daŋ ŋini eemi, mam ikes ipei daŋ ŋini ebucar.

Amos 9:8

Ekete ayoŋ iyes ŋituŋa a akwap a Isirael ŋulu itiyaete aronis, akamunyari ayoŋ iyes eketoŋopiya anakwap, nai nyamunyari ayoŋ ŋiletok a Yakob daadaŋ.’

Mika 1:16

Iyes ŋituŋa a Yudaya, tobanya ŋitim kus aŋuna a ŋidwe kus a ŋulu iminasi, tobanya ŋakyes kus toŋolyaakiata ikwa ŋuna a ŋataruk, anerae eyayio ŋidwe kus aneni kus, toruwor ŋulu a ŋakwapin a ŋace.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.