Amos 7:10 - Ebaibul

¹⁰ Ekaku a ŋun, kiyakiya Amasia ŋolo arae esacaradoti alo Besel ŋituŋa neni a Yeroboam a erwosit a Isirael tema, “Atuku Amos ŋuna aronok aŋuna kon anepei a ne alokidiŋ Ŋisirael. Nyepedorete ŋituŋa akidaŋidaŋ ŋakiro keŋ daadaŋ,

Amos 7:10 Iomraidhean Croise

Akisy. 37:8

Kiŋita ŋikaitotoi keŋ iŋes temasi, “Ikipukae mono kire iyoŋ isua a?” Aŋun, toremokinos ikes Yosepu nooi akilo neni sek, aŋuna a ŋakirujaeta keŋ ka ŋakiro ŋuna erworo iŋes.

1 Ŋirw. 13:33

Tari ŋina aponiata ŋakiro ŋun kitiyakin, pa abu Yeroboam toesik akitiya aronis aŋuna a ŋakiboisyo nai abu torubak iwuanakini ŋisacaradotin alotuŋa ca a daadaŋ aŋuna ayakasi nenimukur. Ituŋanan daadaŋ ŋini acamit aruwor esacaradoti, abu iŋes kituruwo, kiwuak nakiboisyo ŋuna ayakasi nenimukur.

1 Ŋirw. 18:17

Ani iŋolikini Aab Eliya, tema neni keŋ, “Iyoŋ bare ca lo Eliya nolo iyaunit ŋican Isirael!”

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 36:16

Ani iirarete ŋikapolok ŋakiro ŋun daadaŋ, kiŋolikinosi make ebulit temasi neni a Baruk, “Kire jik, emaikina isua olimokisi ŋakiro nu daadaŋ neni a erwosit.”

Yer. 38:4

Tolimokis nai ŋikapolok erwosit temasi, “Emaikina ekile lo toarae, anerae nyisimukekinit iŋes ŋasigarya ŋuna idoŋito lotaun kaapei ka ŋituŋa daadaŋ anakiro a ŋuna irworo iŋes neni kec. Nyemitakinit ekile lo akiyar a ŋituŋa, nai ecamit iŋes tomunyarae ŋituŋa.”

Amos 1:1

Erae nu ŋakiro ka Amos a ŋolo arae epei a ŋikeyokok alotaun a ŋolo anyaritae Tekoa. Abu Akuj kisileerek Amos aŋuna a Isirael alorwa a ŋulu epukator Usia Yudaya, kipukate Yeroboam lokoku a Yoas Isirael. Esileerekini Akuj Amos ŋakiro nu ŋikaru ŋiarei eriŋa nyeyakauna amaranikinet ka akwap.

Amos 3:14

“Akoloŋit ŋina esicania ayoŋ ŋituŋa a Isirael aŋuna a ŋasecisya kec, amunaari ayoŋ ŋamuroeta ŋuna eya lotaun Besel, atubori ayoŋ ŋamomwar ŋuna eya lokoonae a Ŋamuroeta tocakakin kwap.

Amos 5:10

Iyes ŋulu itidiŋito ituŋanan ŋini isitakini ekasecan, iyes ŋulu iŋerito ituŋanan ŋini irworo ŋakiro ŋuna a kire,

Amos 5:5

nai nyiloto Besel akilip, nyilomasi Gilgal, kori nyituborosi Beeriseba, anerae kire jik, erikoryo ŋituŋa a Gilgal nakwap ŋinagela ka emunaaryo Besel toŋopiya jik.’

Amos 7:11

anerae alimu iŋes atemar, earyo Yeroboam a ekileŋ, ido erikoryo Ŋisirael nakwap ŋinagela. ”

Mat. 21:23

Ani elomari Yesu Kai ka Akuj, potu ŋisacaradotin ŋulu apolok ka ŋikatukok neni keŋ apaki ŋina etatamya iŋes, kiŋita temasi, “Anipedor iyakar iyoŋ, ŋina itiyaa ŋakiro nu? Ŋae ikiinakinit iyoŋ apedor na?”

Luk. 23:2

Togeut ikes akisitakin iŋes a nen ebasi, “Ikiryamuni isua ekile lo icocoi ŋituŋa ŋulu ka akwap kosi ka ikiteŋerit isua akibuk ocur neni ke ekepukan a Roma, ebala nabo arae iŋes Kristo--erwosit.”

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

Ŋitic. 5:28

“Ikicikit paaran isua iyes nooi atemar, toesikisi akitatam alokiro a lo, nai isiryam iyes ŋakiro ŋuna itatamete Yerusalem daadaŋ ka icamito daŋ areeun atemar pena ŋaokot keŋ nakyes kosi!”

Ŋitic. 7:54

Ani iirarete ŋituŋa ŋulu ka Atukot ŋakiro a Stepano, toŋoa ikes nooi, tonyoridido ŋireetin kec aŋuna keŋ.