Amos 6:2 - Ebaibul

² Toloto kiŋolikis etaun Kaline, a nen, toloto Amas lotaun ŋolo apolon, ido totiyaaros a nen, toloto Gas lotaun ŋolo a Ŋipilistin. Itamete iyes atemar igogoŋ iyes akilo ŋituŋa a ŋakwapin a ŋun a? Kori elal akwap kus akilo ŋuna kec a?

Amos 6:2 Iomraidhean Croise

Akisy. 10:10

Abu apukan a Nimirod kisyak alo Babilon, Erek, Akad ka Kaline. Aya ŋakiboisyo ŋun nakwap ŋina a Sinar.

2 Sam. 8:9

Ani iirari Toi erwosit ŋolo ka Amas atemar elou Daudi asigar ka Adadeser daadaŋ,

1 Ŋirw. 8:65

Abu Solomon kitiya ŋasuban ŋun apaki ŋin ka abu atukot a Ŋisirael daadaŋ, ŋituŋa ameun aneni alomarere Amas tari nayonae ŋina alo Ijipit, kitiyata ŋasuban ŋun alokiŋaren Ekapolon Akuj yok. Yaasi ikes ŋirwa ŋikanikaarei, ido kiyatakis ŋirwa ŋice ŋikanikaarei, toruwor ŋirwa daadaŋ ŋitomon ka ŋiomwon.

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋirw. 17:30

Apotu ŋituŋa ŋulu arae Ŋibabiloniyae, kitiyaut akuj ŋina anyaritae Sukos Benos, kitiyaut ŋulu aponito alo Kusa akuj ŋina anyaritae Neregal, ani ŋulu alo Amas, kitiyaut akuj ŋina anyaritae Asima.

2 Ŋirw. 18:34

Ai mono eyakasi ŋakujo ŋuna ka Amas ka Arapad? Ai mono eyakasi ŋakujo a Separabaim ka Ena ta Ipa? Apotu mono ikes tolakut Samaria aneni kaŋ a?

2 Ŋirw. 19:13

Ai eriŋa eyakasi ŋirwosi ŋulu a ŋitaunio a ŋulu anyaritae Amas, Arapad, Separabaim ka Ena ta Ipa?”

2 Ŋakiro a ŋirwa 26:6

Abu Usia tolot akitijikin Ŋipilistin, tobwaŋabwaŋaa ŋarwatatain ŋuna ke etaun Gas ka ŋuna ke etaun Yabine ta ŋuna ke etaun Acidod ka abu todukok ŋitaunio diyete Acidod ka iwace anakwap a Ŋipilistin.

Yer. 49:23

Erae nu ŋakiro ŋuna abu Ekapolon tolimu aŋuna a Damasko ebala, “Iyaloloŋiete ŋituŋa ka Amas ka ŋulu ka Aripad, anerae eirasi ikes ŋakiro ŋuna aronok, einaiya ikes ekabule, emaranete ŋawat kec lopite ŋolo emarania anam ŋina nyepedorete ŋakipi akinapakin.

Naum 3:8

Ninepe, ijok mono iyoŋ akilo Tebes etaun ŋolo adukitoe diyete aŋolol Nile, etaun ŋolo ewuaunito ŋakipi kidiŋ a? Anam iŋes epakarit ŋimoe keŋ, ŋakipi ikes erae arwatata keŋ.

1 Sam. 17:23

Ani eriŋa Daudi irworosi ka ŋikaitotoi keŋ, kikomau kiŋaren ajore a Ŋipilistin ekarwon a Ŋipilistin ŋolo anyaritae Golias, ŋolo abunit alo Gas; kirwor ŋakiro ŋuna aris sek kirwor. Kiira Daudi ŋakiro keŋ.

1 Sam. 17:4

Bu aneni eboiyoto Ŋipilistin ekarwon epei ŋolo anyaritae Golias, ŋolo abunit alo Gas. Arae aoyau keŋ ŋimitae ŋuna aapiyarito ŋauni.

1 Sam. 5:10

Aŋun, apotu ikes kiyakiyasi Asaduku ŋina ka Akuj a Ŋisirael yaasi Ekiron. Nai adolun Asaduku ŋina ka Akuj ŋin Ekiron bon, kikalout ŋituŋa ke Ekiron temasi, “Kaanukiro ayauniata ikes Asaduku ŋina ka Akuj a Ŋisirael neni yok akiar iwon ka ŋituŋa yok?”

1 Sam. 5:8

Aŋun, apotu ikes kiyakiyasi ŋituŋa anyarare ŋikapolok a Ŋipilistin, temasi ikes neni a ŋikapolok, “Nyo emaikina iwon etiyata aŋuna ka Asaduku a ŋina ka Akuj a Ŋisirael?” Toboŋokis ŋituŋa ŋulu a Gas temasi, “Yautu Asaduku ŋina ka Akuj neni kosi.” Aŋun, apotu ikes yaasi Asaduku ŋina ka Akuj a Ŋisirael Gas.