Amos 6:11 - Ebaibul

¹¹ Ŋina elimunio Ekapolon akirot keŋ, ielielaar ŋakais ŋuna apolok, inyaadiarosi ŋakais ŋuna cicik.

Amos 6:11 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Ŋikiru. 105:16

Abu Ekapolon yau eron nakwap kec, togolo ŋirotin daadaŋ ŋulu eryamununuyata ikes akimuj.

Ŋikiru. 105:31

Abu Akuj kirworik, ido apotu ŋicuc ŋulu alalak nooi ka ŋikamicirwa kilelebun nakwap ŋin daadaŋ.

Ŋikiru. 105:34

Abu Akuj kirworik, ido abu emaase bu, kilelebun nakwap kec emaase ŋolo alalan nooi;

Ekal. 10:18

Ani kekalanyana ituŋanan asubakin neni emunaara alokai keŋ, eritakin atoto a akai. Ani kejamaana ituŋanan agolonokin neni eorori alokidiama akai keŋ, eouni akai.

Isa. 13:3

Adau ayoŋ akicik ŋasigarya kaŋ ŋunaseuna, adau ayoŋ anyaraun ŋikajiok kaŋ kisiyookis anyunyura kaŋ, ŋikajiok kaŋ ŋulu elelyanete aŋuna ka akiloun.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Amos 3:15

Enyasuni ayoŋ ŋakais kec ŋuna edukitoe lotaunio ka ŋuna edukitoe lorerya, edaunosi ŋakais ŋuna edukitoe a ŋikyal a ŋitome, edaunosi ŋakais ŋuna apolok nooi.”

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’

Amos 9:1

Tema Amos, “Abu ayoŋ eŋolik Ekapolon ewoi alodiyete Namuroet.” Okolimok iŋes ayoŋ tema, “Toram nooi ŋakyes a ŋipirin a ŋulu a Akai a ŋina ka Akuj, ikotere tomaranikis ŋalapatui ŋuna a Akai a ŋina ka Akuj; ido ŋulu ebucarosi, aari ayoŋ ke ekileŋ, mam ikes ipei daŋ ŋini eemi, mam ikes ipei daŋ ŋini ebucar.

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Naum 1:14

Alimu Ekapolon nu aŋuna kus a ŋituŋa keŋ ebe, “Imamukaunotor iyes ŋiletok ŋulu itorubakinete ŋirorwa kus. Amunaari ayoŋ ŋitorubei a ŋakujo kus ŋulu eyakasi nakais a ŋakujo kus. Asubakini ayoŋ neni ikinukio iyes, anerae mam ajokis eyai neni kus.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”