Amos 5:6 - Ebaibul

⁶ Toboŋutu neni ke Ekapolon ikotere toyara, ani pa kiboŋut iyes neni keŋ, ebuni iŋes neni a ŋiletok a Yosepu erirae aŋoit ikwa akim, emunaari iŋes Besel, mam ituŋanan ŋini iretakini aŋoit keŋ.

Amos 5:6 Iomraidhean Croise

2 Sam. 19:20

Ayenu ayoŋ eketiyan kon atemar abu ayoŋ osec; aŋun, abu tokona ayoŋ neni kon nakoloŋit na, ayoŋ esyau alotuŋa a ekal a Yosepu a daadaŋ atiyaun ne akisiryam ekapolon kaŋ erwosit.”

1 Ŋirw. 11:28

Arae Yeroboam ekile ŋolo apedorit akitiyaa ejok nooi. Ani iŋolikini Solomon epite ŋolo etiyaa ekile ŋol ejok nooi, abu kiwuak iŋes apolokinit ŋulu areikinitae akitiya etic ŋolo ka akai a Yosepu.

2 Ŋakiro a ŋirwa 34:25

Aŋuna akaŋeryoto ikes ayoŋ ka aŋuna ainakiniata ŋainakineta neni a ŋakujo a ŋace, adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 69:33

anerae epupi Ekapolon ŋulu eyakatar akiitanit, ido nyejamuwarit iŋes ŋituŋa keŋ ŋulu ikamanaritae.

Awos. 22:6

“Ani kicunyak ituŋanan akim topetar tonom ŋamon ka kitoro ŋatukon a ŋikinyom a ŋulu elemitae, kori ŋikinyom ŋulu eriŋa nyelema, kori tonomiya emanikor daadaŋ, emaikina ituŋanan ŋini ecunyakini akim totac ŋikinyom ŋul daadaŋ.

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Yer. 38:20

Tema Yeremia, “Nyitiyakin ŋun, kiwuap iyoŋ ŋakiro ke Ekapolon anakiro a ŋuna akalimok ayoŋ iyoŋ, mam ŋuna aronok itiyakin neni kon, ido eiun akiyar kon.

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Esek. 21:3

tolimok akwap a Isirael atemar alimu Ekapolon ŋakiro nu ebe, ‘Ekemanit ayoŋ iyes, alemuni ayoŋ ekileŋ kaŋ anakuraro, oarya alokidiŋ kus ŋulu iyookino ka ŋulu aronok.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 37:19

Tolimok ikes atemar, alimu Ekapolon Akuj ŋakiro nu ebe, ‘Eapi ayoŋ alemar ebela a Yosepu (ŋolo eyai nakan a Epuraim) ka ŋikabilae a Ŋisirael ŋulu ecamuna ka iŋes, ido emorik ebala ŋol ka ŋolo a Yuda eturuwo ikes ebela epei, ikotere ikes eruwor anakan kaŋ ebela epei.’

Amos 3:14

“Akoloŋit ŋina esicania ayoŋ ŋituŋa a Isirael aŋuna a ŋasecisya kec, amunaari ayoŋ ŋamuroeta ŋuna eya lotaun Besel, atubori ayoŋ ŋamomwar ŋuna eya lokoonae a Ŋamuroeta tocakakin kwap.

Amos 5:14

Kiwara ajokis meere aronis, ikotere iyarete, eyakaun Ekapolon ka iyes, lopite ŋolopei sek iyeniata iyes atemar irukito ka iŋes.

Amos 5:4

Alimu daŋ Ekapolon ebe, ‘Toboŋutu neni kaŋ ikotere toyara,

Amos 6:6

iyes ŋulu imasete epiini a ŋabakulei, ido kiwosas ŋamyeta ŋuna akukunyok nai nyikinomorito ŋakiro ŋuna ka akinyasuno a ŋina ebunit neni a Ŋisirael.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Sakar 10:6

“Eturuwori ayoŋ ŋituŋa a Yuda ŋulu egogoŋ, aiuni ayoŋ ŋituŋa a Isirael. Esyoni ayoŋ ikes, ido enyaku ikes daadaŋ nakwap kec; ikwaanikin ikes ka ŋituŋa ŋulu sek pa aŋerit ayoŋ. Arae ayoŋ Ekapolon Akuj kec; aboŋokini ayoŋ ŋuna iŋitasi ikes.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

Yos. 18:5

Itemokino ikes totyakatyakata akwap ŋatubeta ŋakanikaarei. Kidoŋ ekabila a Yuda nakwap keŋ, lowae ŋolo alo Kwap, kidoŋ ekabila a Yosepu nakwap keŋ, lowae ŋolo alo Kuju.