Amos 5:25 - Ebaibul

²⁵ “Okoe Ŋisirael, ani mono ŋikaru ŋatomoniomwon ŋulu iwuosyata iyes analoŋisat, ipotu mono iyes yaut neni kaŋ ŋamuronisya ka ŋainakineta a?

Amos 5:25 Iomraidhean Croise

Neem. 9:18

Tari apaki ŋina etiyauniata ikes a egolid etorube a itaok aŋuna kec temasi, ‘Erae na akuj kus ŋina ikitipeunio iyes anakwap a Ijipit;’ ido apotu ikes ikiyanya iyoŋ nooi,

Neem. 9:21

Ibu iyoŋ kiteyar ikes analoŋisat ŋikaru ŋatomoniomwon, ikotere nyicanakin idiobore; nyenyamuna ŋilowi kec ka nyebuuno ŋakejen kec.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:24

Abu ayoŋ etiya ŋun, anerae apotu ikes toŋero akiwuap ŋuna alimokinit ayoŋ ikes akiwuap, apotu toŋero akiwuap ŋikisila kaŋ ka apotu tojamuwasi akoloŋit kaŋ ŋina a Sabato, toloto akilip ŋakujo atapapaa kec.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Ŋilep. 17:7

Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.