Amos 5:18 - Ebaibul

¹⁸ “Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Amos 5:18 Iomraidhean Croise

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 24:18

Ŋini daadaŋ eemi aŋuna ke ekabule, ibusokin nakipany, ŋini daadaŋ edokuni anakipany, ikamaryo; anerae eŋaara ŋirotin daadaŋ ŋulu ebuneneo akiru ka emaranikinete ŋawoeta ŋuna ka akwap.

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Isa. 8:22

kori ijuuruyete nai iŋolikinete ikes ŋican ka akiryonut, enyorididete ŋireetin kec ka eryebakinosi ikes, ido iritaryo ikes nakiryonut ŋinakiryonon cuc.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 17:15

Kiira, epite ŋolo irworotor ikes neni kaŋ ebe, “Ai eyai akirot a Ekapolon? Kimyek akirot ŋin bu!”

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Esek. 12:22

“Lokoku a ituŋanan, anikitadapet na ŋina irworosi ŋituŋa aŋuna ka akwap a Isirael ebasi, ‘Elosete ŋirwa kiŋaren, ido eruwor ŋuna itoodiunitae daadaŋ ŋakoŋinae?’

Esek. 12:27

“Lokoku a ituŋanan, ebasi Ŋisirael ebe, ‘Erae akitoodikinet ŋina ite iŋes ŋina a ŋikaru a ŋulu alalak a ŋulu eponito ameun tokona, ido edwari iŋes ŋakiro ŋuna a momit.’

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Yoel 2:10

Iryaŋiryaŋakin akwap eapuuni iŋes, emaranikini kidiama, iryokiata akoloŋ ke elap, nyecaunete nabo ŋikacer.

Yoel 2:11

Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Obad. 1:15

“Eapi akoloŋit ŋina ke Ekapolon, aŋuna a ŋakwapin a daadaŋ. Epite ŋolo itiya iyoŋ Edom, itiyakinio neni kon daŋ ikwaŋinapei. Ikiboŋokinete iyoŋ ŋiticisyo kon a alope.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Ŋikis. 32:24

ididiyari akoro ikes, emunyarete ŋidekesyo ŋulu aryabak ikes. Eyakikini ayoŋ ikes ŋityaŋ ŋulu anyamak ŋituŋa, eyakikini ayoŋ ikes ŋimuno ŋulu aarak.

2 Pet. 3:10

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.

2 Pet. 3:4

Temasi, “Aabala bo iŋes anakiikinet aboŋuni! Ŋinapei koloŋ atwakiata atapapaa yok, ikote ŋiboro daadaŋ nenipei koloŋ ekote anasubunet akwap.”