Amos 5:17 - Ebaibul

¹⁷ Eyakaun akiwolol lomanikorin ŋulu ke epiini daadaŋ, anerae abuni ayoŋ akisican iyes.’ ”

Amos 5:17 Iomraidhean Croise

Awos. 11:4

Tema Moses neni a Parao, “Ŋakiro ŋuna irworo Ekapolon ikes nu: Ani takae eapuuni akidil akuwar, erimokini ayoŋ akwap a Ijipit daadaŋ.

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Awos. 12:23

anerae akoloŋit ŋin nakwaare, itori Ekapolon ne eari Ŋijipitian; ani kiŋolik iŋes ŋaokot eya nakito ŋuna a ŋipukei, elunyar iŋes alopukei a ŋul. Nyecamakini iŋes ekamunyaran elomuni nakais kus akiar iyes.

Isa. 16:10

Alemar alakara ka alelyanu aneni a ŋimanikorin a ŋulu araak, ido adaun ituŋanan eriŋa eeo alomanikorin a ŋikito a epiini mam ituŋanan eriŋa ecela a nen, mam ituŋanan eriŋa ecui epiini anacuet, anerae alema ayoŋ ŋulu sek ecelasi a nen.

Yer. 48:33

Alemar alakara ka alelyanu anakwap a Moab a ŋina sek ileleba ŋaraito. Etojoŋo ayoŋ epiini alel anacuet a epiini; mam ŋituŋa ecuyete epiini eosi ka alakara, nyeriŋa ecelet erae ŋolo ka alakara.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Naum 1:12

Tema Ekapolon neni a ŋituŋa keŋ, “Tari kegogoŋ ŋituŋa ka Asiriya ka kelalak daŋ, emunyaryo ikes jik todaunos. Tari kekesicanit ayoŋ iyes ŋituŋa kaŋ, nyekesicani nabo.

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”

Sakar 9:8

Euryari ayoŋ akwap kaŋ, eretakini ŋajorei tojoŋoto akitorunun nen. Nyacamakini ayoŋ ŋiryenyaanotin ebolyatar ŋituŋa kaŋ nabo. Adau ayoŋ akiŋolikin epite ŋolo aponiata ŋituŋa kaŋ toryamuniata ŋican.”