Amos 5:16 - Ebaibul

¹⁶ Aŋun, alimu Ekapolon Akuj ŋina a ŋajoresyo, Ekapolon ŋakiro nu ebe, ‘Iwololoete ŋituŋa analapatui a daadaŋ a ŋuna ke etaun ka alorotin a daadaŋ a ŋulu ke etaun ebasi, oitakoi, oitakoi! Enyaraunete ŋituŋa ŋul ŋiketak kigworo ka ikes, enyaraunete daŋ ŋulu eyenete akiwolol, potu kiwololoto.

Amos 5:16 Iomraidhean Croise

2 Ŋakiro a ŋirwa 35:25

Abu Yeremia toe ŋieosyo ŋulu kigworet aŋuna a Yosia ka akitodol akoloŋit na, eosi ŋikilyok ka ŋaberu ŋulu eyenete aeo ŋieosyo ŋul etamunito Yosia, apotu kituruwosi ŋun etal alo Isirael ka igiritae lokitaabo ŋolo a ŋieosyo a ŋulu ka akiwolol.

Isa. 15:8

Itiyaete ikes ŋun, anerae eryam akigworo kec akwap a Moab daadaŋ, adol akiwolol kec Egilaim, adol aumen kec Berelim

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Yer. 30:5

Abu Ekapolon tema, “Adau akiirar akigworo ŋina ka amaran, ŋina a ekabule ka mam ekisil.

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Yoel 1:11

Kiyaloloŋo, iyes ŋiketak, kiwololoto, iyes ŋiketak ŋikito ke epiini; kiyaloloŋo aŋuna a ŋaganoi ka ŋikinyom ŋulu ikote erau anerae erikar ŋikinyom alomanikorin.

Yoel 1:14

Tolimutu akoloŋit ŋina asegan, ŋina iredakiniata akiron; Tonyarautu atukot ŋina italeuno. Tonyarautu ŋikasikou ka ŋituŋa daadaŋ ŋulu iboiyete anakwap kus ipotu Kai ke Ekapolon Akuj kus, kikaloikisi Ekapolon.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Yoel 1:8

Kigworo inapito ŋiguniyae, ikwa igworor apese ekile keŋ ŋolo ariŋa iitari iŋes.

Amos 3:13

Alimu Ekapolon Akuj ŋina a ŋajoresyo ŋakiro nu aŋuna a ŋiletok a Yakob,

Amos 5:27

ekaku a ŋun, eketirikori ayoŋ iyes ŋituŋa, ikiya iyes nakwap ŋina eyai yaye Damasko.” Alimu Ekapolon ŋolo erae ekiro keŋ Akuj ŋina a ŋajoresyo ŋakiro ŋun.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Amos 8:3

Akoloŋit ŋin, iwololoete ŋituŋa eeosi alo kai a ŋina ilipyata; ilelebun ŋawat a ŋituŋa ŋiwaetin daadaŋ ŋulu ka akwap, imasaryo ŋawat a ŋituŋa kiŋa ekililiŋat.”

Mika 1:8

Tolimu nai Maika atemar, aŋakiro a nu, egwori ka eololoe; arotokini emam ŋamuk ka aleri. Arui ikwa ekwee, arui ikwa etula.

Mika 2:4

Ŋina edolunio apaki ŋin, isitiyate ŋituŋa ŋatyokisyo ŋuna ipotu iyes toryamut, ikikyenatar iyes eosi, etemarete, ‘Ikimunaar isua jik, alema Ekapolon akwap kosi, ainaki neni a ŋulu apotu itorikosi isua ikirae ŋirikon.’ ”

Akis. 18:10

Ewuoete ikes aneni alwanan aŋuna ekeritotor aryamun ŋican kaapei ka iŋes, temasi, “Oitakoi! Oitakoi! Iyoŋ Babilon, etaun ŋolo apolon nooi! Alotooma epeisaa bon adolu atubokino kon!”

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”