Amos 5:15 - Ebaibul

¹⁵ Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 5:15 Iomraidhean Croise

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

1 Ŋirw. 20:31

Tolimok epei a ŋiketiyak keŋ iŋes tema, “Topupok, adaun isua akiirar atemar isyonioko ŋirwosi ŋulu a Isirael, tocamakinae isua oloto neni a erwosit a Isirael ikinapit ŋiguniyae anacirin ka ŋaunoi anakyes. Acepakinyikiari iŋes iyoŋ.”

2 Ŋirw. 13:7

Aŋun, aponi tomunyarae ŋasigarya a Yeowas, topuunos ŋasigarya ŋuna ameto ŋaŋolei erae ŋatomonikan ka ŋagaari ŋatomon ta ŋulu alosete a ŋakejen ŋalipyo ŋatomon, ŋul bon apotu topuunos, anerae abu erwosit ka Aram toar ikes nooi kilou.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

Ŋikiru. 119:104

Aryamunit ayoŋ apiiryanut anakiciketa kon; aŋun, aŋerit ayoŋ ŋipitesyo ŋulu aronok daadaŋ.

Ŋikiru. 34:14

itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

Ŋikiru. 36:4

Etuki iŋes eriŋa eperi akitiya ŋuna aronok; ŋuna aronok bon emina iŋes akitiya nyeŋerit iŋes akitiya ŋuna aronok.

Ŋikiru. 37:27

Toŋero aronis, kitiyata ajokis; ido erubakinete ŋiletok kus iboiyete anakwap kus,

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Ŋikiru. 97:10

Emina Ekapolon ŋulu eŋerito aronis, iyokit iŋes akiyar a ŋikanupak keŋ; eiununui iŋes ikes anapedor a ŋulu aronok.

Awos. 32:30

Akoloŋit ŋina atupakini ŋin, abu Moses tema neni a ŋituŋa, “Iseca iyes nooi. Nai aboŋori ayoŋ tokona kidiama emoru neni ke Ekapolon, acepaki epedori iŋes akisyon asecit kus kadyek ayoŋ iŋes.”

Yer. 18:8

ani kimyekis ŋituŋa a akwap a ŋin akitiya aronis, ekaku kalimok ayoŋ ikes akimyekin, emyekini ayoŋ akisican ikes nyedolokis ikes ŋican ŋulu sek atubunit ayoŋ atemar toryamut ikes.

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 31:7

anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Dan. 2:49

Abu Daniel kiŋitak erwosit aŋuna a ŋikonei keŋ a ŋuluuni, abu nai erwosit kituruwo Sadirak, Mesak ka Abedinego ŋikapolok ŋulu ewuapito Daniel ka towoikinito ŋakiro ŋuna ka akwap a Babilon, nai abu Daniel torubak iboi alokai a erwosit.

Yoel 2:14

Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Amos 5:10

Iyes ŋulu itidiŋito ituŋanan ŋini isitakini ekasecan, iyes ŋulu iŋerito ituŋanan ŋini irworo ŋakiro ŋuna a kire,

Amos 5:24

Nai, torubakisi itiyaete ŋuna ajokak jwi jwi ka ŋuna iyookino jwi jwi.

Amos 5:6

Toboŋutu neni ke Ekapolon ikotere toyara, ani pa kiboŋut iyes neni keŋ, ebuni iŋes neni a ŋiletok a Yosepu erirae aŋoit ikwa akim, emunaari iŋes Besel, mam ituŋanan ŋini iretakini aŋoit keŋ.

Amos 6:12

Epedorete mono ŋaŋolei akiker alomukura a? Epedori mono ituŋanan akitare nanam a? Nai ilocokis iyes akitub ŋakiro anakiyookino, ituruwosi ibore ŋini aaran, ituruwosi iyes akiyookino ibore ŋini nyejok,

Amos 7:3

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun.”

Yona 1:6

Bu ekapolon ameeli neni a Yona kiŋit iŋes tema, “Nyo ijotoo iyoŋ kona? Tonyou, tonyara akuj kon! Ŋarukwa ikiŋarakini iŋes iwon, nyikitwaka.”

Yona 3:9

Ŋae eyeni! Acepaki isili Akuj, ikisyon iwon kimyek anyunyura keŋ, ikotere iwon nyikitwaka.”

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 3:2

nai iremokino iyes ajokis, ido kitojokito aronis, iryetasi iyes ŋawat a ŋituŋa kaŋ, imyekis ikes erae ŋakoyo bon.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋirom. 7:22

Elakara ekaatau nooi aŋuna a Ŋikisila a ŋulu eponito aneni ka Akuj.

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

3 Yoa. 1:11

Ekaakone ŋolo minat, nyiroku ŋuna aronok, nai toroku ŋuna ajokak. Ituŋanan ŋini itiyae ŋuna ajokak, erae ŋini ka Akuj, ituŋanan ŋini itiyae ŋuna aronok, nyeanyuna iŋes Akuj.