Amos 5:10 - Ebaibul

¹⁰ Iyes ŋulu itidiŋito ituŋanan ŋini isitakini ekasecan, iyes ŋulu iŋerito ituŋanan ŋini irworo ŋakiro ŋuna a kire,

Amos 5:10 Iomraidhean Croise

1 Ŋirw. 18:17

Ani iŋolikini Aab Eliya, tema neni keŋ, “Iyoŋ bare ca lo Eliya nolo iyaunit ŋican Isirael!”

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

1 Ŋirw. 22:8

Toboŋok erwosit a Isirael Yeosapat tema, “Eyai ekile epei ŋolo ikipedorya iwon akiŋitunia ŋuna ebala Ekapolon, erae ekiro keŋ Mikaia, lokoku a Imela. Nai nyacamit ayoŋ ekile ŋol, anerae nyedwarenene iŋes ŋakiro ŋuna eketalakarito ayoŋ, edwari ŋuna a ŋican bon.” Tema Yeosapat, “Nyemaikina erwosit irworo ŋakiro ŋuna ikote ŋun.”

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Ŋakit. 15:12

Nyecamununeete ŋituŋa ŋulu ejamuwarito ŋuluce alimokino atemar eroko ŋuna itiyaete ikes, nyecamunete tari alosit neni a ŋulu aosok.

Isa. 29:21

Emunyaryo ŋulu imyeanakinete ŋikaronok nyisicana, ŋulu edapito alopukei ŋikatubok ŋakiro ka ŋulu etubonokinete ŋulu emam aronis itiyato.

Isa. 59:15

Emam ŋakiro ŋuna a kire, isicaneneo ituŋanan daadaŋ ŋini nyimyekini akitiya aronis. Adau Ekapolon akiŋolikin ŋakiro ŋun, ido abu nyelakar iŋolikini atemar nyetubio ŋakiro anakiyookino.

Yer. 38:7

Kebu Ebed-Melek Esiopiait ŋolo arae ekolup alokai a erwosit kiira atemar keponi kiwuakinae Yeremia tooma akare. Apaki ŋin eboi erwosit alopuke a Benjamin,

Osea 4:4

Kikote neni daŋ nyemaikina idiotuŋanan yau asitan, nyisitak idiotuŋanan ŋinice, anerae ekesitakinit ayoŋ iyes, okoe ŋisacaradotin.

Ŋilep. 13:10

Isyeme esacaradoti ituŋanan ŋin, ido ani keyai neni ekwaŋ neni ebuunit anamuny ka akuwan keŋ, neni kitokwaŋia ŋajul aneni elomunitor edeke ŋol ka keyai neni ilebulebunit a nen,

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Yoa. 15:19

Kerae toraakas iyes ŋituŋa ŋulu ka akwap a na, kikiminak iyes akwap na, anarakau ŋulu keŋ. Nai akaseu ayoŋ iyes anakwap a na, ka nyirae iyes ŋulu keŋ. Iŋes nai ikitidiŋitor iyes akwap na.

Yoa. 3:20

Ituŋanan ŋini itiyae aronis itidiŋit akica ka nyebuni nakica, anerae ekuryanit atemar isileereunio ŋiticisyo keŋ ŋulu aronok.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

Ŋigal. 4:16

Aruwor mono tokona ayoŋ emoit kus aŋuna ka alimokin iyes ŋuna a kire a?

Akis. 11:10

Elakarosi ŋituŋa a ŋakwapin aŋuna ka atwanare a ŋuluarei a ŋul. Imomworete ikes ka kiyakiyanakinos ŋainakineta, anerae apotu ŋikadwarak ŋul yaut ŋican lotuŋa.