Amos 4:8 - Ebaibul

⁸ aŋun, apotu ŋituŋa ke etaun a epei toloto lotaun ece aryamun ŋakipi ŋuna emasete, nai apotu nyeryamut ŋuna itemokino ikes; nai ipotu iyes nyikiwa.

Amos 4:8 Iomraidhean Croise

1 Ŋirw. 18:5

Tema nai Aab neni ka Obadia, “Apena erimokisi akwap na odolo lolelyan daadaŋ ka nayona daadaŋ; acepaki ikipedori aryamun ŋinya ŋulu iteyarete ŋaŋolei ka ŋaŋolei-sigirya, ikotere nyikitwakiya iwon ŋice a ŋibaren a lu.”

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 23:14

Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 3:7

Abu ayoŋ otam otema, ‘Kedaut ikes akitiya ŋakiro ŋun daadaŋ eboŋunete ikes neni kaŋ,’ nai apotu ikes nyeboŋut ka apotu ŋikaitotoi kec ŋituŋa a Yudaya kiŋolikis ŋakiro ŋun.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Osea 11:5

Eboŋorete ikes nakwap a Ijipit ka ipukae ikes erwosit ŋolo ka Asiriya, anerae awout ikes aboŋun neni kaŋ.

Osea 7:10

Elimorit akituro a ŋituŋa a Isirael ŋuna etubokinere ikes, nai nyemisito ikes aboŋun neni ke Ekapolon Akuj kec, kori daŋ nyiwarito ikes Ekapolon aŋuna a ŋakiro a ŋun a daadaŋ.

Amos 4:6

Torubak Amos irworo tema, “Ebala Ekapolon, ‘Abu ayoŋ ekesican iyes a akoro alotaunio kus a daadaŋ, abu akimuj tomamuun anakiboisyo kus a daadaŋ; nai ipotu iyes nyikiwa.

Mika 6:14

Imujete ŋituŋa kon nai nyimwokete; erubakinete ŋakookyes kec eororete. Iŋadaete ikes, nai mam ibore ideun, anerae ibore ŋini iŋadakinete ikes, etelemari ayoŋ ŋimoe.

Agai 1:6

Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”

Agai 2:17

Abu ayoŋ ekesican iyes, eyakuu ekuwuam ŋolo akusi nooi ka ekurut ŋolo abu kitubuta ŋimomwa kus, abu daŋ eyakuu ŋakako, nai nyekiwa iyes.