Amos 4:7 - Ebaibul

⁷ Abu daŋ ayoŋ nyekeyakik iyes akiru apaki ŋina edoŋitor ŋilapyo ŋiuni bon todol apaki ŋina elemere ŋikinyom. Abu ayoŋ eyaku akiru lotaun epei, nai nyeyakik akiru lotaun ece, ayai akiru lomanikor epei nai emanikor ŋolo amam akiru, apotu ŋikinyom keŋ toiniyasi,

Amos 4:7 Iomraidhean Croise

Awos. 10:22

Aŋun, abu Moses kikyaa akan keŋ kidiama, ido abu akiryonut ŋina eryonon cuc, toburusiya akwap a Ijipit daadaŋ todolo ŋirwa ŋiuni iryono cuc.

Awos. 10:23

Mam ituŋanan apedori akiŋolikin ŋinice, kori mam ŋini abu torotok iwace anakibois keŋ alotooma ŋirwa ŋul ŋiuni. Nai ayai akica nakiboisyo daadaŋ ŋuna aya Ŋisirael.

Awos. 8:22

Nai akoloŋit ŋin, nyepete ŋicuc ŋul nakwap a Gosen, neni iboiyoto ŋituŋa kaŋ, ŋun nai ikitoodikinete iyoŋ atemar ayoŋ Ekapolon ayakar apedor anakwap.

Awos. 9:26

Nakibois a Gosen bon neni aya Ŋisirael, iŋes abu akiru ŋina a ŋakako ŋin nyilim.

Awos. 9:4

Nai iwuakini Ekapolon atyakatait kidiŋ ŋibaren a Ŋisirael ka ŋulu a Ŋijipitian; ikotere nai nyetwana ibarasit idio alobaren a Ŋisirael.”

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 14:3

Iyakiyanarete ŋikapolok keŋ ŋiketiyak kec aokun ŋakipi, elosete ŋiketiyak ŋul nakarei toryamut emam ŋakipi, ido toboŋosi eororete ŋiboro kec. Irumito ikes ŋileec ka ekadakinit, ido imukito ŋakyes kec.

Yer. 14:4

Alalata ŋakabaae anakwap, anerae mam akiru ayakaun nakwap, akadaki ŋiketak, aruwor ŋulu imukito ŋakyes kec.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Sakar 14:17

Ani keŋero ŋituŋa ka akwap ka adio akitipeiyor Yerusalem akilip neni ke Erwosit Ekapolon ŋolo etiron, emam akiru eryamunete.

Yoa. 4:35

Meere eminae atemar idoŋit ŋilapyo ŋiomwon tolemikinae a? Nai akalimokini ayoŋ iyes atemar, kireosi lomanikorin; akoko ikes etemokin akilem!

1 Ŋikor. 4:7

Anerae anityaketait mono iyakar iyoŋ aneni a ŋuluce? Akuj iŋes ikiinakinit iyoŋ ŋiboro daadaŋ ŋulu iyakar iyoŋ. Ikokini nai iyoŋ ituro ai esibit nyerae ŋiboro ŋulu iyakar iyoŋ ainakinet?

Ŋikis. 11:17

ani kitiyata iyes ŋun, ikiŋoikini Ekapolon iyes ka nyimyek akiru kilim ka nyepedo akwap akira ŋaraito, tosodi itwakete iyes atipei kimyekis akwap ŋina ajokan ŋina ikiinakinit Ekapolon iyes.

Yak. 5:17

Arae koloŋ Eliya ituŋanan ikwa iwon. Abu iŋes kilip nooi, ikotere nyilim akiru ka emam akiru abu kilim ŋikaru ŋiuni ka ŋilapyo ŋikanikapei.

Akis. 11:6

Eyakatar ikes apedor ŋinagolyet adis, ikotere nyilim akiru apaki ŋina elimonokiniata ikes ŋakiro ŋuna ka Akuj. Eyakatar ikes tari apedor lolelyan ŋulu a ŋakipi akituluwor ikes ŋaokot; eyakatar ikes tari apedor ŋinakisicanet akwap a ŋakisicaneta a daadaŋ ŋapakio daadaŋ ŋuna ecamitotor ikes.