Amos 4:3 - Ebaibul

³ Ikirikoryo iyes ikitorere neni eorori anarwatata a etaun, ŋinituŋanan ka akeŋ, ikimasar Arinon.

Amos 4:3 Iomraidhean Croise

2 Ŋirw. 25:4

Aponi topedoi arwatata ŋina ke etaun, ido toema erwosit ka ŋasigarya daadaŋ nakwaare, kitoro ikes lopuke ŋolo apedokinete ikes kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

2 Ŋirw. 7:15

Torotokis ikes kiwuapa ŋasigarya ka Aram todolo Yorodan, toryamut ŋilowi ecakanakina erot daadaŋ. Arae ŋilowi ŋul ŋulu kimasanarete ŋasigarya aŋuna ka asuronot. Toboŋut nai ŋikilyok ŋulu eyakit erwosit tolimokis eemut neni ke erwosit.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 31:7

Kitiyata ŋun, anerae akoloŋit ŋina ebunio Ekapolon, imasarete iyes daadaŋ ŋitorubei a ŋakujo kus ŋuna itiyaunitae a esilipa ka ŋuna itiyaunitae a egolid, ŋitorubei ŋulu ipotu iyes kitiyaut a ŋakan kus irae ŋikasecak.

Yer. 52:7

Aponi topedoi arwatata ŋina ke etaun, ido apotu ŋasigarya daadaŋ toema nakwaare alotaun, kitoro ikes lopuke ŋolo apedokinitoe kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Esek. 12:12

Eryoŋi aloseketa keŋ erwosit ŋolo ipukat ikes ŋiboro keŋ tolomarya nakiryonut, tosi, kitor loole ŋolo epedokinete ŋituŋa narwatata a ŋuna keŋ. Erapi iŋes ŋakonyen keŋ, ikotere nyiŋolik neni ipudae iŋes.

Esek. 12:5

Topedok eole narwatata iteete ikes, ido kitoryo ŋiboro kon nen.

Amos 6:7

Aŋun, iyes isyaunete arikoro nakwap ŋinagela, ido edaun ŋasuban ka akisaanan kus.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Ŋikat. 5:17

Apotu ŋituŋa a Gilead kidoŋo ekekwaye aŋolol Yorodan. Kaanukiro edoŋioto ŋituŋa a ekabila a Dan iboyete alodiyete ŋameeli? Apotu ŋituŋa a ekabila a Aser kidoŋo iboiyoto alotaunio a ŋulu alodiyete anam.