Amos 4:13 - Ebaibul

¹³ “‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

Amos 4:13 Iomraidhean Croise

Yob 9:7

Epedori Akuj alimokin akoloŋ nyelomu, ido nyelomuni; epedori Akuj akipucar ŋikacer.

Ŋikiru. 135:7

Eyaununui iŋes ŋidouwon anakisaleta ka akwap; eyaununui iŋes akimilyaa aŋuna ka akiru, ido eyaununui ekuwuam aneni sek eyai.

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋikiru. 147:18

Iyakununui Ekapolon akirot keŋ, ido totalasi ŋakako; itukutununui Ekapolon ekuwuam, ido toleleiyasi ŋakipi.

Ŋikiru. 65:6

anapedor kon, ibu iyoŋ tosub ŋimoru eyai agogoŋu neni kon.

Awos. 10:22

Aŋun, abu Moses kikyaa akan keŋ kidiama, ido abu akiryonut ŋina eryonon cuc, toburusiya akwap a Ijipit daadaŋ todolo ŋirwa ŋiuni iryono cuc.

Awos. 14:20

alokidiŋ ajore a Ŋijipitian ka ŋina a Ŋisirael, akuwar kya abu adis ŋin yau akiryonut lowae ŋolo a Ŋijipitian ka akica lowae ŋolo a Ŋisirael; apotu ŋajorei ŋun nyeapikin akuwar daadaŋ.

Isa. 40:12

Ŋae epedori akipim ŋakipi a anam a akan keŋ, kori akipim kidiama a akan keŋ? Ŋae epedori akiwuakin ŋalup a akwap daadaŋ nakan keŋ, kori akipim apotis a ŋimoru ka ŋikamukumukui a aratil?

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Isa. 47:4

Akuj a Isirael ŋina asegan iŋes ikilakuni isua, erae ekiro keŋ Ekapolon ŋolo a ŋajoresyo.

Isa. 48:2

anerae inyarasi iyes atemar irae ŋituŋa a etaun a ŋolo asegan, ido iyarikinito neni ka Akuj a Isirael a ŋina erae ekiro keŋ Ekapolon ŋolo a ŋajoresyo.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Yer. 10:13

Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 46:18

Ayoŋ Ekapolon, erwosit ŋolo a ŋajoresyo alimu ebe, ‘Ikwapei ayarya ayoŋ, ebunit ipei ŋini ikwaan ka emoru Tabor alokidiŋ ŋimoru ka ŋini ikwaan ka emoru Karimel alodiyete anam.’

Yer. 51:16

Ani irworikini iŋes, kiguryakin ŋakipi alokidiama ido bu ekuno anakisaleta a akwap. Iŋes iwuakini akimilya toyakaun apaki ŋina ka akiru ka iŋes eyaununui ekuwuam tokut aneni sek eyai.

Yer. 51:19

Nyikoni Ekapolon Akuj a Yakob neni, anerae iŋes etiyauni ŋiboro daadaŋ, ido erae Isirael ekabila ŋolo a ŋituŋa keŋ a ŋulu abu iŋes toseu. Erae ekiro keŋ Ekapolon ŋolo a ŋajoresyo.”

Dan. 2:28

nai eyai Akuj ŋina eyai nakuj ŋina isileereuni ŋakiro ŋuna imunono ka adau iŋes akiteyenikin erwosit Nebukadinesar ŋakiro ŋuna itiyakinosi alorwa a ŋulu eponito. Ŋakiro ŋuna ibu iyoŋ kiruja ka ibu iyoŋ kiŋolik anakiruja apaki ŋina iperyo iyoŋ alokitaada kon ikes nu:

Dan. 2:30

Nai ani eruwor ayoŋ, adaun akisileerekin ŋakiro ŋun, meere aŋuna aosyo ayoŋ akilo ŋituŋa daadaŋ anakwap, nai erae ikotere iyenunia iyoŋ okoe erwosit apolou a ŋakiro a ŋun ka ikotere iyenunia iyoŋ ŋuna apotu ŋatameta kon totamatamata.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Amos 3:13

Alimu Ekapolon Akuj ŋina a ŋajoresyo ŋakiro nu aŋuna a ŋiletok a Yakob,

Amos 5:27

ekaku a ŋun, eketirikori ayoŋ iyes ŋituŋa, ikiya iyes nakwap ŋina eyai yaye Damasko.” Alimu Ekapolon ŋolo erae ekiro keŋ Akuj ŋina a ŋajoresyo ŋakiro ŋun.

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’

Amos 8:9

“Alimu Ekapolon ŋakiro nu ebe, ‘Akoloŋit ŋin etoŋopiyari ayoŋ akoloŋ kidiŋ apaaran, ido iryonuni akwap naparan.

Amos 9:6

Eduki iŋes ere keŋ nakuj, kiwuak kidiama toruwor ariwo alokidiama akwap; iŋes einakini ŋakipi a anam toleleiyasi nakwap neni eonit. Erae ekiro keŋ Ekapolon.

Mika 1:3

Kiirasi! Ebunit Ekapolon anakibois keŋ; ebunit iŋes nakwap, ido itori kidiama ŋimoru.

Abak. 3:19

Ekapolon Akuj iŋes erae agogoŋu kaŋ; ekesitori ayoŋ neni nyawanar, ekeuryari nyekegukis ŋamoru alokamukumukui akeri. Egiritae ŋakiro ŋun neni a ŋolo apolokinit ŋiboro ŋulu eeore ŋulu eya ŋaunoi.

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Mat. 9:4

Nai ikwapei ayenia Yesu ŋuna atamete ikes, tolimok ikes tema, “Kaanukiro itamyata iyes ŋuna aronok alotai kus?

Yoa. 2:25

Pa eitanit iŋes idiotuŋanan akiteyenikin iŋes ŋuna a ŋituŋa, anerae ayeni iŋes ŋuna aya tooma lotai kec.

Yoa. 3:8

Ekusi ekuwuam neni ecamit ka iirari iyoŋ akirurum keŋ, nai nyianyuni neni ebunitor kori neni elosi. Ikote nenipei aneni a ŋinituŋanan idounitoe a Etau a ŋolo ka Akuj.”

Ŋikis. 32:13

Abu Ekapolon inak ikes kipukata anakibois a ŋina aoyan, kitanu ikes a ŋikinyom a ŋimanikorin, kitopolou ikes a ao a ŋina ayai natabab ka a akimyet a ŋina a ayai natabab ŋuna idokok.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.