Amos 4:10 - Ebaibul

¹⁰ Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Amos 4:10 Iomraidhean Croise

2 Ŋirw. 10:32

Alorwa a ŋul, abu Ekapolon kisyak akitiditeun akwap a Isirael. Abu erwosit ŋolo ka Aram ŋolo anyaritae Asael torem ka kilou Isirael daadaŋ;

2 Ŋirw. 13:3

Abu Ekapolon tolili nooi neni a Ŋisirael, tosodi tocamak Asael erwosit ka Aram ka Benadad lokoku keŋ akilounun Ŋisirael a ŋina paki.

2 Ŋirw. 13:7

Aŋun, aponi tomunyarae ŋasigarya a Yeowas, topuunos ŋasigarya ŋuna ameto ŋaŋolei erae ŋatomonikan ka ŋagaari ŋatomon ta ŋulu alosete a ŋakejen ŋalipyo ŋatomon, ŋul bon apotu topuunos, anerae abu erwosit ka Aram toar ikes nooi kilou.

2 Ŋirw. 8:12

Kiŋit Asael iŋes tema, “Kaanukiro igworor iyoŋ Ekapolon?” Toboŋok Elisa iŋes tema, “Egworo ayoŋ anerae ayeni aronis ŋina ilosi iyoŋ akitiyakin Ŋisirael: Icunyakini iyoŋ ŋitaunio kec, iari ka atum ŋisorok kec, iryedanari ŋiŋwea kec, tosodi topuununu ŋidwe anakokyes a ŋaberu a ŋuna epotiyete.”

Awos. 10:27

Nai abu Ekapolon kitogogoŋ akou a Parao, nyecamak Ŋisirael toloto.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 8:19

Temasi ŋikekukujak neni a Parao, “Akuj etiya ŋakiro nu a akan keŋ!” Nai abu Parao torubak itogogoŋit akou keŋ, abu nyepupok ŋakiro ata Moses ka abu kitiya lopite ŋolo sek alimunitor Ekapolon.

Awos. 9:12

Nai abu Ekapolon kitogogoŋ akou a Parao, towou akiirar ŋakiro ata Moses lopite ŋolopei sek alimokinitor Ekapolon Moses.

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Isa. 34:3

Imasaryo kiŋa ŋituŋa kec ŋulu earyo, eremi abosis a ŋawat kec kidiama; elelearete ŋaokot kec alomoru.

Isa. 50:11

Nai irae iyes daadaŋ ŋulu itukosi amunyar ŋuluce, ikimunyarete iyes ŋakiro ŋunapei itukete iyes ŋikulepek. Ŋakiro nu ikes iryamunete aneni kaŋ a Ekapolon; iperete iyes irae ŋulu ikisicanitae nooi.

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 11:22

aŋun, ŋakiro ŋuna alimu Ekapolon ŋolo a ŋajoresyo ikes nu ebe, ‘Esicani ayoŋ ikes oar a ekileŋ. Aari ayoŋ ŋisorok kec a ekileŋ, aari ayoŋ ŋidwe kec ŋulusapa ka ŋulupesur a eron.

Yer. 15:3

“Aseuni ayoŋ aŋuna kec ŋirotin lu ŋiomwon ŋulu emunyarere ikes: Earyo ikes a ekileŋ, iriyarete ŋiŋokwo ikes nariet ka irikarete ŋikyeny ka ŋityaŋ ŋulu ka ariet ikes.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 48:15

Adolu ekenyasunan Moab ka ŋitaunio keŋ ka aari ŋisorok keŋ ŋulu sek eminae nooi, Erwosit ŋolo erae ekiro keŋ Ekapolon ŋolo a ŋajoresyo iŋes alimu ŋun.

Yer. 49:26

Aŋun, earyo ŋisorok keŋ analapatui a etaun ka emunyaryo ŋasigarya keŋ daadaŋ akoloŋit ŋin.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Yer. 9:22

Irworo Ekapolon ebala, ‘Eperete anariet ikwa aoret ŋawat a ŋituŋa a ŋulu etwakito, eyakaun ikes nen ikwaan ka ŋatukon a ŋakasirim ŋuna imyekini ekaleman emanikor, ido mam ituŋanan epedori acunakin iwapei ŋawat a ŋituŋa a ŋul.’

Osea 11:5

Eboŋorete ikes nakwap a Ijipit ka ipukae ikes erwosit ŋolo ka Asiriya, anerae awout ikes aboŋun neni kaŋ.

Yoel 2:20

Alemari ayoŋ emaase ŋolo abuni alo Kuju eteeka aneni kus, eritari ayoŋ iŋes nakalukae ŋuna erae ŋacaryo anakwap, eritari ayoŋ asepic keŋ ŋina iŋareni nanam ŋina alo Kide, ido abusya keŋ nanam ŋina alo To; ebosuni iŋes a nen tul, eremi abosis keŋ kidiama.” Amunyari ayoŋ iŋes a ŋuna a daadaŋ eitiya iŋes neni kus.

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Amos 4:6

Torubak Amos irworo tema, “Ebala Ekapolon, ‘Abu ayoŋ ekesican iyes a akoro alotaunio kus a daadaŋ, abu akimuj tomamuun anakiboisyo kus a daadaŋ; nai ipotu iyes nyikiwa.

Amos 8:3

Akoloŋit ŋin, iwololoete ŋituŋa eeosi alo kai a ŋina ilipyata; ilelebun ŋawat a ŋituŋa ŋiwaetin daadaŋ ŋulu ka akwap, imasaryo ŋawat a ŋituŋa kiŋa ekililiŋat.”

Agai 2:17

Abu ayoŋ ekesican iyes, eyakuu ekuwuam ŋolo akusi nooi ka ekurut ŋolo abu kitubuta ŋimomwa kus, abu daŋ eyakuu ŋakako, nai nyekiwa iyes.

Ŋikis. 28:21

Imyekini Ekapolon edeke torubak aneni kus, tari ŋina ikimunyarya edeke ŋol iyes anakwap a ŋina ilosete iyes alomar akituruwor ŋina kus.

Ŋikis. 28:22

Ikisicani Ekapolon iyes a edeke a ŋolo ikididiiyari, a edeke a ŋolo itomwani akuwan, a edeke a ŋolo itubui akuwan; ikisicani Ekapolon iyes a amwanis ka aonite, a eremonu ka ebuta a ŋimanikorin kus. Erubakinete ŋakisicaneta ŋun aneni kus tari ŋina imunyarotor iyes daadaŋ.

Ŋikis. 28:60

Eyauni iŋes neni kus daŋ ŋidekesyo ŋulu esicanitere ŋituŋa a Ijipit, ŋidekesyo ŋulu apotu ikitubulo iyes ka erubakinete ŋidekesyo ŋul aneni kus.

Ŋikis. 7:15

Itiri Ekapolon aneni kus ŋidekesyo daadaŋ, ŋidekesyo daadaŋ ŋulu etubulok ŋulu ipotu iyes kiŋolikis alo Ijipit, nai imyekini iŋes ŋidekesyo ŋul pena neni a ŋituŋa a ŋulu ikitidiŋito iyes.