Amos 3:9 - Ebaibul

⁹ Kiserakisi ŋulu iboiyete anakais a ŋunajipit a ŋuna alo Acidod ka anakais a ŋunajiet alo Ijipit atemar, Tocunakinos lokamukumukui ŋulu a Samaria, ido kiŋolikis epite ŋolo iŋodiatar ŋituŋa alotaun ka epite ŋolo isicanatar ikes make.”

Amos 3:9 Iomraidhean Croise

2 Sam. 1:20

Nyemaikina ŋakiro nu tolimoroe alo Gas, kori kiserae alorotin a ŋulu ka Asikelon; anerae epedorete ŋidwe a Ŋipilistin ŋulupesur alelyan, epedorete ŋidwe a ŋul a ŋulu nyileŋeritae alakar.

Ŋakit. 1:13

Ikiryamuni iwon ŋiboro daadaŋ ŋulu epol egyelit; ilelebikinio iwon nakais yok ŋiboro ŋulu edemununuyo ŋituŋa.

Ŋakit. 11:16

Eryamuni aberu ŋina erimaana akitopolooro, nai aberu ŋina eremokino ajokis, erae ŋina irumito ŋileec. Ituŋanan ŋini irumito ŋileec, eruwor ŋini a ŋican, nai ituŋanan ŋini eryenyaana, eruwor ŋini ebarit.

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Yer. 31:5

Idupakinete nabo iyes ŋikito a epiini lomoru a Samaria, ŋulu edupakinete ŋikito a epiini, enyamete elelyanete ŋaraito a epiini a ŋolo adupakinete ikes.

Yer. 46:14

“Tolimo ŋakiro nu alo Ijipit, kiserau ikes alo Migidol, kiserau ikes alo Mempis ka alo Tapanes ebe, ‘Tolemutu ŋaŋolei kus, ido totena, anerae emunyaryo a ekileŋ ŋikidunyet kus.’

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Esek. 37:22

Eturuwori ayoŋ ikes apukan apei anakwap alokidiama ŋikamukumukui ŋulu a Isirael. Ipukae ikes daadaŋ erwosit epei bon, mam nabo nyetyakasi ikes toruwor ŋakwapin ŋaarei, kori ŋapukasinei ŋaarei.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Amos 1:8

Amunyari ayoŋ ŋituŋa daadaŋ ŋulu iboiyete alotaun Acidod, kaapei ka erwosit ka Asikelon; esicani ayoŋ ŋituŋa ŋulu iboiyete alotaun Ekiron, emunyar ŋipiya a Ŋipilistin daadaŋ.”

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Amos 6:3

Okoe iyes ŋulu iwounito acamun atemar ebunit akoloŋit ŋina ka akinyasuno, nai ŋuna itiyaete iyes itaapuunete akoloŋit ŋin.

Amos 8:6

ikigyelununui iwon ŋikulyak a esilipa ka ŋituŋa ŋulu a ŋican a egyelit a ŋolo a ŋamuk a ŋaarei, egyelanaryo iwon tari ŋikabinin a ŋaganoi.

Mika 6:10

Ekemuryakinete mono ayoŋ ŋisiliŋa ŋulu emodiununiyo, ŋisiliŋa ŋulu eyakasi nakais a ŋulu aronok a? Ekemuryakinete mono ayoŋ ŋaratilyo ŋuna emodiyanakinere ŋituŋa ŋuna icenen a?

1 Sam. 5:1

Ani kedemasi Ŋipilistin Ŋisirael Asaduku ŋina ka Akuj, apotu yaasi alo Ebenesa yaasi Asidod,