Amos 3:11 - Ebaibul

¹¹ Aŋun, alimu Ekapolon ŋakiro nu ebe, “Irikaunete ŋimoe akwap kus kirimokis kidiŋ, eritakinete kwap ŋaduketa kus ŋunajiet, ido toŋatasi ŋiboro daadaŋ anakais kus a ŋuna ka apukan.”

Amos 3:11 Iomraidhean Croise

Akisy. 34:27

Potu ŋidwe a Yakob ŋuluce ŋulusapa lotaun, toryamut ŋalyalin, tolema ŋiboro alotaun, anerae nen aponare kinyasunere nakaato kec.

2 Ŋirw. 15:19

Bu erwosit Pul ŋolo ka Asiriya torem akwap a Ŋisirael. Inak Menaem ŋolo arae erwosit a Isirael ŋitalantae aliput ŋulu a esilipa neni a Pul, ikotere kiŋarakinia Pul iŋes, torubak ipukat.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Yob 20:21

Emam ibore apiyanununeete ikes kedaut akimuj, aŋun, nyerubakini abaru kec eyai.

Amos 2:5

Aŋun, emyekini ayoŋ akim tonom Yudaya, enomiyari akim ŋaduketa a Yerusalem ŋunajiet.’ ”

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Amos 3:15

Enyasuni ayoŋ ŋakais kec ŋuna edukitoe lotaunio ka ŋuna edukitoe lorerya, edaunosi ŋakais ŋuna edukitoe a ŋikyal a ŋitome, edaunosi ŋakais ŋuna apolok nooi.”

Amos 6:14

Alimu Ekapolon Akuj ŋina Etiron ŋakiro nu ebe, ‘Okoe Ŋisirael, ekesimani ayoŋ iyes ŋituŋa ŋulu ikitijikinete iyes, ikireunete ka ikisicanete ikes iyes ŋinapei alo Lebo-Amas tari nayonae ŋina eyai Araba.’ ”

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’