Amos 2:7 - Ebaibul

⁷ iimakinito ikes ŋituŋa kec ŋulu a ŋican, nyecamito ikes akiŋarakin ŋulu eyakatar akiitanit. Ituruworito lokoku ka papa keŋ apese apei aberu kec, aŋun, enyasut ikes ekiro kaŋ ŋolo asegan;

Amos 2:7 Iomraidhean Croise

2 Sam. 12:14

Kikote neni daŋ, aŋuna a ŋakiro a ŋuna itiya iyoŋ, idau iyoŋ ajamuwar Ekapolon nooi, aŋun, etwani ikoku ŋini iuruuni iyoŋ.”

1 Ŋirw. 21:4

Aŋun, abu Aab tolot lore ekililiŋat itiilito ŋakiro ŋuna alimokini Nabos ŋolo arae Eyesirelait iŋes ebe, “Mam nyakainakini ayoŋ iyoŋ ibore ŋini abu ayoŋ erum aneni atapapaa kaŋ.” Toper iŋes alokitaada keŋ akililiŋat, towou akimuj.

Ŋakit. 28:21

Nyejok akitoodiun atemar iriito iyoŋ ka ituŋanan ipei itubi ŋakiro torae bo epedori ituŋanan aruwor ŋini edyakarit tari kerae atap elemarit.

Isa. 10:1

Ekaŋ iyes ŋulu iyeete ŋikisila ŋulu nyiyookino, iyes ŋulu igirete ŋakiro ŋuna isicanere ŋituŋa,

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 3:15

Anukiro ilosikinito iyes isicanito ŋituŋa kaŋ ka itonyorididito ŋireetin a ŋikulyak? Ekapolon Akuj ŋina a ŋajoresyo alimu ŋun.”

Esek. 22:11

Eyakasi tooma kon ŋikilyok ŋulu itiyaete asiilyo neni a ŋaberu a ŋikidunyet kec, itiyaete ŋice aleeco neni a ŋapesur a ŋuna eyenasi ka ŋaberu kec, iryamanakin ŋice alotooma kon ka ŋakaitotoi kec, kori ŋakaipapae kec.

Esek. 36:20

Nai apotu ikes tojamuwasi ekiro kaŋ ŋolo asegan aneni daadaŋ apotu ikes toloto anakwapin, anerae abasi ŋituŋa ikes, ‘Erae lu ŋituŋa ŋulu ke Ekapolon, nai eritar ikes anakwap a Ekapolon.’

Osea 4:14

Nyesicani ayoŋ ŋidwe kus aŋuna itiyaata amalao, kori ŋaterak kus ŋuna elomianeneeta ikes, anerae ŋikilyok ŋikulepek ikes eloseneneete namalaae, einanakinete kaapei ka ŋamalaae ŋuna ka akai ka akuj ŋamuronisya. Aŋun, emunyar ŋituŋa ŋulu emam aosou.

Ŋilep. 18:15

Nyiryamakinosi ka nateran kon, anerae erae iŋes aberu a alokoku kon.

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ŋilep. 18:8

Nyiryamakinosi ka aberu a papa kon ŋinace. Erae ŋun ajamuwar papa kon.

Ŋilep. 20:3

Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan.

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Amos 5:12

Kire, ayeni ayoŋ alalau a ŋasecisya kus ka epite ŋolo iseceneneata iyes a ŋinapaki; isicanete iyes ŋituŋa ŋulu iyookino, ijaanarete ŋakaluŋuluŋui, nyetubonokinio iyes ŋikulyak anakiyookino aloikiikoi kus.

Amos 8:4

Kiirasi ŋakiro nu iyes ŋulu iimakinito ŋulu eyakatar akiitanit, ido icamito akitasalun ŋikulyak anakwap,

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Mika 2:9

Iritanarete iyes ŋaberu a ŋituŋa kaŋ alorerya kec a ŋulu ajokak. Ilemasi iyes jik ŋarereŋisyo ŋuna ainakinit ayoŋ ŋidwe a ŋituŋa kaŋ.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Ŋirom. 2:24

Anerae ikote nen igiritae Nakigireta ebe, “Aŋuna kus Ŋiyudayan, iyanyete ŋituŋa ŋulu nyerae Ŋiyudayan ekiro ka Akuj.”

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!