Amos 2:4 - Ebaibul

⁴ Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Amos 2:4 Iomraidhean Croise

2 Ŋirw. 17:19

Nai abu atyaketait ŋina a Yudaya daŋ nyiwuap ŋakiciketa ŋuna ke Ekapolon Akuj kec. Apotu ikes kiwuapa ŋipitesyo ŋulu sek arae ŋituŋa a atyaketait a ŋina a Isirael esyakinete.

2 Ŋakiro a ŋirwa 25:14

Ani eboŋuni Amasia aneni aarya Ŋiedomi, abu yau ŋakujo a ŋituŋa a Seir, kituruwo ikes ŋakujo keŋ, ido kilip neni kec ka abu kicuny ekinyate a ŋuna kec.

2 Ŋakiro a ŋirwa 30:7

Nyikwaanikinosi ka atapapaa kus ka ŋiyeneta kus ŋulu apotu tojoŋoto akikinyomit neni ke Ekapolon Akuj atapapaa kec, ido abu Akuj kituruwo ikes ŋulu ikiinakinete aumokin lopite ŋolo iteoto iyes tokona.

Neem. 1:7

Ikitoŋoi isua iyoŋ nooi aŋuna pa ewuapere ŋakiciketa, ŋikisila ka ŋakiro ŋuna itubunit iyoŋ, ŋakiro ŋuna ibu iyoŋ kicik eketiyan kon Moses.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Yer. 16:11

Iboŋokini iyoŋ ikes tema, ‘Erae ŋun, anerae apotu atapapaa kus okoŋero ayoŋ, aloto akiwuap ŋakujo ŋace ka etiyanakis ŋakujo ŋun, elipa neni kec, ido akaŋero ayoŋ ka nyiwuapa ŋikisila kaŋ

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 6:19

Tolimu nai Ekapolon tema, ‘Okoe ŋituŋa a akwap, kiirasi, ayauni ayoŋ ŋican neni a ŋituŋa a lu, ŋakiro ŋuna a eropit aŋuna eyete ikes akitiya, anerae awout ikes akiirar ŋakiro kaŋ ka aŋero akitatam kaŋ.’”

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:18

“Abu ayoŋ olimok ŋidwe kec analoŋisat ebe, ‘Nyiwuapa ŋakiro ŋuna ebasi ŋikauruunak kus, kori nyiwuapa ŋikisila kec, kori nyimunaasi ŋawat kus a ŋakujo kec.

Esek. 20:24

Abu ayoŋ etiya ŋun, anerae apotu ikes toŋero akiwuap ŋuna alimokinit ayoŋ ikes akiwuap, apotu toŋero akiwuap ŋikisila kaŋ ka apotu tojamuwasi akoloŋit kaŋ ŋina a Sabato, toloto akilip ŋakujo atapapaa kec.

Esek. 20:30

Aŋun tolimok Ŋisirael atemar, iŋita Ekapolon Akuj ŋakiro nu, ‘Imunaarete kire iyes ŋawat kus lopite ŋolo aponiata atapapaa kus kitiyaata a? Iwuapete iyes ŋakujo ŋuna apotu ikes kiwuapa a?

Esek. 22:28

Imunonito ŋikadwarak keŋ ŋakiro ŋuna itiyao a nen, elimonokinete ŋituŋa ŋakitoodyanakineta ŋuna ka alyokonu ka edwarete ŋakiro ŋuna erae alyokonu. Ebasi, ‘Ŋakiro ŋuna irworo Ekapolon Akuj ikes nu. Tomam bo ŋuna elimunit Ekapolon.

Esek. 22:8

Ijamuwasi iyes ŋiboro kaŋ ŋulu asegak ka nyeriŋa itamunito ŋirwa ŋulu a Sabato.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 12:3

Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Osea 6:11

Ani eruwor iyes ŋituŋa a Yudaya, etemok ayoŋ apaki ŋinakisicanet iyes daŋ aŋuna ka aronis a ŋina itiyaete iyes. Apaki daadaŋ ŋina enyakakinia ayoŋ ŋuna ajokak neni a ŋituŋa kaŋ,

Amos 1:3

Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Ŋirom. 1:25

Anerae ilokonyete ikes Ŋakiro ka Akuj ŋuna a kire ka alyokonu; ilipete ka itiyanakinete ŋisubuna ŋulu ka Akuj akilo akitiyanakin Akasuban alope, ŋina itemokino kipuroe ŋikaru ka ŋikaru! Amen.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;

Ŋikat. 10:6

Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.