Amos 1:6 - Ebaibul

⁶ Alimu Ekapolon ŋakiro nu ebe, “Aŋuna arubakiniata ŋituŋa a Gasa itiyaete ŋasecisya ŋuna alaak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom.

Amos 1:6 Iomraidhean Croise

2 Ŋakiro a ŋirwa 28:18

Kepotu daŋ Ŋipilistin tomemoto ŋitaunio a Yudaya ŋulu ayakasi Sepela ka Negeb, ido keris kikamasi ŋitaunio lu: Bes-Semes, Aijalon, Gederos, Soko ka ŋirerya keŋ, Timina ka ŋirerya keŋ ka Gimiso ka ŋirerya keŋ ka kepotu Ŋipilistin kiboikinos lotaunio ŋul.

Yer. 47:1

Ani eriŋa erwosit Parao nyeremo Gasa, kirwor Ekapolon neni a ekadwaran Yeremia aŋuna a Ŋipilistin tema,

Esek. 35:5

Aŋuna ibunio iyoŋ toruwor emoit ŋolo ibu tonipo Ŋisirael a ŋinapaki, kielak ikes lokileŋ toarae apaki ŋina aponiata ŋican kec toroketa nooi adepar neni sek;

Yoel 3:4

“Nyo ikimanitotor iyes ayoŋ okoe Tiro ka Sidon ta ŋakiboisyo ŋuna a Ŋipilistin daadaŋ, inyaŋete iyes ŋadi neni kaŋ itiyaete ŋun a? Ani kinyaŋete ŋadi, eburuburakini ayoŋ akinyakakin iyes atipei pena nakyes kus ŋuna itiyaete iyes.

Yoel 3:6

Igyelasi iyes ŋituŋa a Yudaya ka ŋulu a Yerusalem neni a Ŋigirik, iteakasi ikes anakwap kec.

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Amos 1:3

Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Amos 1:7

Aŋun, emyekini ayoŋ akim tonom ŋarwatatain a Gasa, enomiyari akim ŋaduketa keŋ ŋunajiet.

Amos 1:9

Alimu Ekapolon ŋakiro nu ebe, “Aŋuna arubakiniata ŋituŋa a Tiro itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom, ido nyiricakina ikes acamunet ŋina emaikina eyai kidiŋ kec ikwapei ŋiyeneta.

Obad. 1:11

“Akoloŋit ŋina ekamaryata ŋituŋa ŋulugelae ŋajorei a Yakob erae ŋirikon, ibu iyoŋ nyiŋarak ikes, akoloŋit ŋina alomaryata ŋituŋa ŋulugelae lotaun kilamilama aŋuna ka aŋatar Yerusalem, ibu iyoŋ nyiŋarak ikes. Aŋun, ibu iyoŋ daŋ kikwaanikin ka ŋimoe ŋul apaki ŋin.

Sakar 9:5

Iŋolikinete ŋituŋa ŋulu eyakasi lotaun Asikelon ŋakiro ŋun, ido ekuryakyarosi. Ŋituŋa a Gasa daŋ, iŋolikinete ŋun, toryamut aryeba ŋina apipilan nooi. Ŋituŋa ka Ekiron daŋ, iŋolikinete ŋakiro ŋun, ido epuripuryaar akigeno kec. Etwani erwosit ŋolo a Gasa, imyekinio Asikelon erae ereŋorot koŋin.

Ŋitic. 8:26

Apeikoloŋit, tolimok emalaika ŋolo ke Ekapolon Pilipo tema, “Tonyou tolot nakan ŋina alo Kwap, lorot ŋolo etiyaar alo Yerusalem, ŋolo itori naloŋisat tari Gasa.”

1 Sam. 6:17

Ŋitorubei ŋulu etiyaunitae a egolid ŋulu ekwaan ka ŋabusyo ŋulu apotu Ŋipilistin yaasi neni ke Ekapolon erae ainakinet ŋina a ekaile a ŋolo ka asecit kec ikes nu: Ayaunitae apei aŋuna ka Asidod, apei aŋuna a Gasa, apei aŋuna ka Asikelon, apei aŋuna a Gas ka apei aŋuna ka Ekiron.