Amos 1:3 - Ebaibul

³ Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Amos 1:3 Iomraidhean Croise

1 Ŋirw. 19:17

Ituŋanan daadaŋ ŋini ebucar alokileŋ ka Asael, eari Yeu, ido ŋini ebucar alokileŋ a Yeu, eari Elisa ŋin.

2 Ŋirw. 13:3

Abu Ekapolon tolili nooi neni a Ŋisirael, tosodi tocamak Asael erwosit ka Aram ka Benadad lokoku keŋ akilounun Ŋisirael a ŋina paki.

2 Ŋirw. 13:7

Aŋun, aponi tomunyarae ŋasigarya a Yeowas, topuunos ŋasigarya ŋuna ameto ŋaŋolei erae ŋatomonikan ka ŋagaari ŋatomon ta ŋulu alosete a ŋakejen ŋalipyo ŋatomon, ŋul bon apotu topuunos, anerae abu erwosit ka Aram toar ikes nooi kilou.

2 Ŋirw. 16:9

Abu erwosit ŋolo ka Asiriya tocamu ŋakiro ka Aas, tosodi min torem Damasko kikama. Torik ŋituŋa, ya Kir lotaun ŋolo ka akwap keŋ, ido toar Resin ŋolo arae erwosit.

2 Ŋirw. 8:12

Kiŋit Asael iŋes tema, “Kaanukiro igworor iyoŋ Ekapolon?” Toboŋok Elisa iŋes tema, “Egworo ayoŋ anerae ayeni aronis ŋina ilosi iyoŋ akitiyakin Ŋisirael: Icunyakini iyoŋ ŋitaunio kec, iari ka atum ŋisorok kec, iryedanari ŋiŋwea kec, tosodi topuununu ŋidwe anakokyes a ŋaberu a ŋuna epotiyete.”

Yob 19:3

Ŋarwatin tokona ŋatomon ikisitakinito iyes ayoŋ; nyikirumito mono iyes ŋileec akiteryamun ayoŋ ŋican anakiro kus a?

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋakit. 6:16

Eyakasi ŋiboro ŋikanikapei ŋulu nyecamit Ekapolon, eyakasi ŋikanikaarei ŋulu erae asiilyo aneni keŋ.

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Isa. 28:27

Nyeramyo a ekukoŋ ŋicok alodia a ŋolo itoboboe akimuj, kori nyiragao a akokoro a gaari ŋicok alodia a ŋolo itotoboe akimuj, nai eramyo ŋicok a edia a ŋol a ebela, kori a akitoe.

Isa. 41:15

Kiirasi, ekesikwaanikini ayoŋ iyes ka aramet ŋikinyom, aramet ŋikinyom ŋina eriŋa ekitetena erami ejok; iramete iyes ŋamoru kiryaasi kituruwosi apuwa koŋin, iramete iyes ŋikamukumukui kitiditeut kituruwosi ŋamilo koŋin;

Isa. 7:16

Eriŋa ikoku ŋin nyeyenuna akiŋer aronis ka aseun ajokis, eruwor akwap a ŋirwosi a ŋiarei a ŋulu ikerito iyes ekasile.

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Amos 1:13

Alimu Ekapolon ŋakiro nu ebe, “Aŋuna arubakiniata Ŋiamoni itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes apaki ŋina enyasyata akwap kec topunonosi ŋakookyes a ŋaberu a ŋuna apotiyete alo Gilead, aŋuna ka akiyatakin akwap kec.

Amos 1:6

Alimu Ekapolon ŋakiro nu ebe, “Aŋuna arubakiniata ŋituŋa a Gasa itiyaete ŋasecisya ŋuna alaak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom.

Amos 1:9

Alimu Ekapolon ŋakiro nu ebe, “Aŋuna arubakiniata ŋituŋa a Tiro itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom, ido nyiricakina ikes acamunet ŋina emaikina eyai kidiŋ kec ikwapei ŋiyeneta.

Amos 2:1

Alimu Ekapolon ŋakiro nu ebe, “Aŋuna arubakiniata ŋituŋa a Moab itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kicunya ŋakoyo a erwosit ke Edom toruwor ekuron.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Sakar 9:1

Erae nu ŋakiro ke Ekapolon: “Adau iŋes atubun akisican akwap ŋina ka Adirak ka etaun ŋolo a Damasko, anerae etaun ŋolo epol alo Siriya daŋ erae ŋolo ke Ekapolon, lopite ŋolo eraakatar ŋikabilae a Isirael daadaŋ ŋulu ke Ekapolon.

Sakar 9:2

Etaun Amas daŋ ŋolo ikukorosi ka Adirak, erae ŋolo ke Ekapolon. Tiro ka Sidon daŋ tari kerae ikes ŋakwapin ŋuna eosok nooi, erae ŋuna ke Ekapolon.