Amos 1:2 - Ebaibul

² Tema Amos, “Ipopolae Ekapolon alo Sion, egiro etoil keŋ alo Yerusalem; aoko ŋinya aneni edakasi ŋibaren. aoko alomoru Karimel.”

Amos 1:2 Iomraidhean Croise

Ŋikiru. 29:4

Ikilya nooi etoil ŋolo ke Ekapolon; eyai apedor ŋina ailiilon lotoil ke Ekapolon.

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Ŋakit. 20:2

Ikoni anyunyura a erwosit neni irurumaa eŋatuny, ituŋanan daadaŋ ŋini einakini erwosit akiŋo, etwaniyari akiyar keŋ.

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 42:13

Elosi Ekapolon ajiore iŋarenit ikwa ekajion, isimukekini iŋes alelakinit keŋ ejie ikwa ekajion; eceluni iŋes, eceluni iŋes nooi, itoodiun iŋes erae ŋolo etiron eremokino ŋimoe keŋ.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 25:30

“Aŋun, idwari iyoŋ neni kec ŋakiro nu daadaŋ, ido tolimok ikes ebe, ‘Egirokini Ekapolon alokidiama ka irworikini anakibois keŋ a ŋina asegan, egirokini iŋes nooi imanit ŋituŋa keŋ, eceluni lopite ŋolo ecelatar ŋituŋa ŋulu ecuyete epiini, eceluni imanit ŋituŋa ŋulu iboiyete anakwap.

Yer. 28:8

Apotu ŋikadwarak daadaŋ ŋulu aya ekiŋaren eriŋa iyoŋ ka ayoŋ alorwa a ŋulu a koloŋ todwara ŋuna ke ejie, eron ka edeke aŋuna a ŋakwapin ka aŋuna a ŋapukasinei a ŋuna agogoŋok.

Yer. 50:19

Enyakuni ayoŋ Ŋisirael nakwap kec, eryamunete ikes akimuj alo Karimel, alo Basan ka alokamukumukui a Epuraim, imwokete ikes alo Gilead.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Osea 13:8

Agirakin ayoŋ ikes lopite ŋolo egirakinor etyaŋ ŋolo adedeŋan ituŋanan, kori etyaŋ ece ŋolo ecamit ademar iŋes ŋitak keŋ ka apunori ayoŋ ŋakookyes kec, erikari ayoŋ ikes lopite ŋolo irikarya eŋatuny etyaŋ ŋolo eari, kori lopite ŋolo enyilinyiliyarya etyaŋ ŋolo adedeŋan ityaŋ ŋini earit.

Yoel 1:19

Egworo ayoŋ neni kon, okoe Ekapolon anerae anomiya akim ŋinya anadakar, ka anomiya arira ŋikito daadaŋ alomanikor.

Yoel 2:11

Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Amos 9:3

Tari keŋopa ikes alokidiama emoru Karimel, ewaruni ayoŋ ikes aina ekamu, tari keŋopa ikes anakonyen kaŋ, todoiyosi tooma anam, alimokini ayoŋ emun ŋolo ka anam tokony ikes.

Naum 1:4

Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

1 Sam. 25:2

Ayai Maon ekile ece ŋolo ayakar ebari keŋ neni anyaritae Karimel. Abarit ekile ŋol nooi; ayakar iŋes ŋamee aliput ka ŋamesekin ŋalipyo ŋauni. Apaki ŋin, atubi iŋes ŋajul a ŋamesekin keŋ alo Karimel.