Amos 1:11 - Ebaibul

¹¹ Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Amos 1:11 Iomraidhean Croise

2 Ŋakiro a ŋirwa 20:10

Kiŋolik tokona ŋituŋa lu ŋulu eponito alo Moab, Amon ka lomoru Seir, ŋulu ibu iyoŋ nyicamak Ŋisirael toremo ŋakwapin kec apaki ŋina aponiata Ŋisirael alo Ijipit; apotu Ŋisirael kitoro iwace kimyekis ikes nyemunyasi.

2 Ŋakiro a ŋirwa 20:11

Kiŋolik tokona epite ŋolo eponitotor ikes akitiya ŋuna aronok neni kosi, kitiyatetei bo isua ŋuna ajokak neni kec, anerae eponito ikes ademar isua akwap na ŋina ibu iyoŋ ikiinak isua toruwor ŋina kosi.

2 Ŋakiro a ŋirwa 28:17

anerae kepotu nabo Ŋiedomi toremo ka toreut ŋituŋa a Yudaya, ido torikosi.

Ŋikiru. 137:7

Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

Ŋikiru. 85:5

Irubakini mono iyoŋ ikiŋoikinit isua ŋikaru ka ŋikaru a? Iturubakini mono iyoŋ aŋoit kon ananyameta a daadaŋ a?

Ekal. 7:9

Nyemaikina ituŋanan tema, “Epatana akiŋo, anerae erae neni a ŋibaŋaanotin idasitor aŋoit.”

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Osea 8:3

Nai eŋerito Ŋisirael ŋakiro ŋuna ajokak, ido iwuapete ŋimoe ikes.

Yoel 3:19

“Eruwor Ijipit ereŋorot, eruwor Edom ereŋorot ŋolo erae aloŋisat itiyakin ŋun aŋuna ka aryenyeo kec a ŋina apotu ikes kitiyata lotuŋa a Yudaya, akwap ŋina aponiata ikes toaryata ŋituŋa ŋulu amam aronis itiyato.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

Ŋiep. 5:1

Ikwapei iraakatar iyes ŋidwe ka Akuj ŋuluminan, itemokino iyes kituputo iŋes.

Ŋikis. 23:7

Nyijamuwasi Ŋiedomi, anerae erae ikes ŋiyeneta kus. Nyijamuwasi Ŋijipitian, anerae irae iyes ŋigelaanotin apaki ŋina iboiyoto anakwap kec.