Amos 1:1 - Ebaibul

¹ Erae nu ŋakiro ka Amos a ŋolo arae epei a ŋikeyokok alotaun a ŋolo anyaritae Tekoa. Abu Akuj kisileerek Amos aŋuna a Isirael alorwa a ŋulu epukator Usia Yudaya, kipukate Yeroboam lokoku a Yoas Isirael. Esileerekini Akuj Amos ŋakiro nu ŋikaru ŋiarei eriŋa nyeyakauna amaranikinet ka akwap.

Amos 1:1 Iomraidhean Croise

2 Sam. 14:2

Aŋun, abu Yoab kiyakiya ituŋanan ice Tekoa ayaun aberu ŋina aoson a nen. Tema Yoab neni ka aberu a ŋin, “Kiredak, totakan esibit igworo ituŋanan ŋini atwana, tonap ŋilowi ŋulu kigworet, nyiosakin akimyet adio, nai kitoodiu ŋipitesyo daadaŋ ŋulu esibitor kigwor iyoŋ ŋirwa ŋulu alalak aŋuna a ituŋanan a ŋini etwanit.

1 Ŋirw. 19:19

Aŋun, abu Eliya toboŋo a nen, toryamu Elisa lokoku a Capat itae. Aenit Elisa ŋimoŋin ŋatomoniarei ka ŋiomwon ŋulu etaete apaki ŋin amyat Elisa ŋimoŋin ŋulu a emeleku a ŋolo a ŋitomon ka ŋiarei. Tolot Eliya neni ke Elisa, kimasak elou keŋ neni ke Elisa.

2 Ŋirw. 14:21

Apotu nai ŋituŋa a Yudaya daadaŋ kituruwosi Asaria lokoku ka Amasia erwosit. Arae ŋikaru ka Asaria ŋitomon ka ŋikanikapei.

2 Ŋirw. 14:23

Alokaru a ŋolo a ŋitomon ka ŋikan ipukat Amasia lokoku a Yeoas Yudaya, kisyak Yeroboam ŋolo a ŋiarei, lokoku a Yeoas a erwosit a Isirael akipuka Isirael alo Samaria, kipuka iŋes ŋikaru ŋatomoniomwon ka epei.

2 Ŋakiro a ŋirwa 11:6

Ŋitaunio ŋul ikes Betelem, Etam, Tekoa,

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Awos. 3:1

Apei koloŋit etwarit Moses ŋamesekin alokamuran keŋ a Yesiro a ŋolo arae esacaradoti anakwap a Midian, abu iŋes totwara ŋamesekin yaye aloŋisat, todolo lomukura ŋolo enyaritae Oreb, emukura ŋolo ka Akuj.

Isa. 1:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Yudaya ka Yerusalem alorwa a ŋulu epukatotor Usia, Yosan, Aas ka Esekia ŋulu arae ŋirwosi a Yudaya.

Yer. 1:1

Erae nu ŋakiro a Yeremia a lokoku ka Ilikia, arae Yeremia epei a ŋisacaradotin a ŋulu aya Anasos nakwap ŋina a Benjamin.

Yer. 28:8

Apotu ŋikadwarak daadaŋ ŋulu aya ekiŋaren eriŋa iyoŋ ka ayoŋ alorwa a ŋulu a koloŋ todwara ŋuna ke ejie, eron ka edeke aŋuna a ŋakwapin ka aŋuna a ŋapukasinei a ŋuna agogoŋok.

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Yer. 7:27

“Aŋun, Yeremia ilosi iyoŋ akirwor ŋakiro nu daadaŋ neni kec, nai nyecamunete ikes apupokin iyoŋ, inyarae iyoŋ ikes, nai nyikiboŋokinete ikes iyoŋ.

Osea 1:1

Erae nu ŋakiro ŋuna ka Akuj ŋuna abu Ekapolon tolimok Osea lokoku a Beeri, alorwa a ŋulu a ŋirwosi a Yudaya a lu: Usia, Yasam, Aas ka Esekia ka alorwa a ŋulu a Yeroboam a ŋolo a Isirael a ŋolo arae lokoku a Yoas.

Amos 7:14

Toboŋok nai Amos ŋakiro ka Amasia tema, “Pa arae ayoŋ ekadwaran, kori lokoku a ekadwaran, nai arae ayoŋ ekeyokon ka ekepitan ŋikiya,

Mika 1:1

Alorwa a ŋulu araakatar Yosam ka Aas ta Esekia ŋirwosi ŋulu a Yudaya, abu Ekapolon tolimok ŋakiro nu neni a Maika. Arae Maika ŋolo abunit alotaun a ŋolo a Moreses. Abu Ekapolon kisileerek Maika ŋakiro nu daadaŋ aŋuna a Samaria ka Yerusalem.

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Mat. 4:18

Ani itori Yesu diye anam ŋina a Galileya, kiŋolik ŋikaitotoi ŋiarei, Simoni (ŋolo anyaritae Petero) ka lokaato keŋ Anderia, ecakakinete ŋatibae nanam, anerae arae ikes ŋikekamak ŋikolya.

1 Ŋikor. 1:27

Nai abu Akuj toseu ŋulu etami akwap atemar ebaŋaaka, ikotere kisirumia ŋulu aosok ŋileec, abu Akuj toseu ŋulu etami akwap atemar epalag, ikotere kisirumia ŋulu agogoŋok ŋileec.