Akisy. 6:9 - Ebaibul

⁹ Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

Akisy. 6:9 Iomraidhean Croise

Akisy. 10:1

Erae lu ŋirorwa a ŋipapae a ŋidwe a Noa a lu: Sem, Am ka Yapes; erae lu ŋidwe ŋulu a potu ikes touruut ekaku ka akalele.

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 2:4

Erae ŋol epite ŋolo asubia Akuj kidiama ta akwap. Akoloŋit ŋina asubia Ekapolon Akuj akwap ka kidiama,

Akisy. 48:15

Kiterereŋ Isirael Yosepu tema, “Elipi ayoŋ Akuj ŋina apotu atapapaa kaŋ Aburaam ka Isaka kiwuapa ŋakiro keŋ, Akuj ŋina erae Ekeyokon kaŋ anakiyar kaŋ a daadaŋ tari nakoloŋit na,

Akisy. 5:1

Erae lu ŋirorwa a ŋipapae ka Adam. Apaki ŋina asubunia Akuj ituŋanan, abu tosub ikwaan ka iŋes.

Akisy. 5:22

Kiboi Enok iwuapit Akuj ŋikaru ŋamiae ŋauni, kedau auruun Metusela, touru ŋisapa ŋice ka ŋapesur.

Akisy. 5:24

Kiboi Enok iwuapit Akuj, nai toŋopiya, anerae abu Akuj ya iŋes nakuj.

Akisy. 6:10

Touru Noa ŋidwe ŋiuni lu: Sem, Am ka Yapes.

Akisy. 7:1

Tolimok Ekapolon Noa tema, “Toloma nataker kaapei ka ekal kon, anerae aanyu ayoŋ atemar iyoŋ bon iyookino alokiŋaren kaŋ ananyamet a na.

2 Sam. 22:24

Mam ŋakiro aronia ayoŋ alokiŋaren keŋ, mam asecit etiyat ayoŋ.

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

2 Ŋakiro a ŋirwa 15:17

Nai abu Asa nyelema ŋaduketa alo Isirael ŋuna aya neni amukur ŋuna elipere ŋakujo. Kikote neni daŋ, ekinyomit Asa alotau keŋ Ekapolon alorwa a daadaŋ a ŋulu ka akiyar keŋ.

2 Ŋakiro a ŋirwa 25:2

Abu Amasia kitiya ŋuna eyookino alokiŋaren Ekapolon, nai meere a etau keŋ a daadaŋ.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 12:4

Aruwor ayoŋ ŋolo akakyenatar ŋikonei kaŋ; ayoŋ ŋolo sek eŋisenene Akuj ekeŋarak, ido abu ekeŋarak ayoŋ ŋolo sek eyookino, ŋolo amam ŋuna eketoroniyaritere, aruwor tokona ŋolo akakyenare.

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Ŋikiru. 37:39

Eiuni Ekapolon ŋulu iyookino ka iyoki ikes anapakio a ŋuna a ŋican.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Ekal. 7:20

Kire jik emam ituŋanan anakwap ipei daŋ ŋini iyookino, ŋini itiyae ŋuna iyookino, ido nyesecenene.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 14:20

alimu Ekapolon Akuj atemar ikwapei kire jik ayarya ayoŋ, kerae tari toriŋa Noa, Daniel ka Yob eyakasi nakwap ŋin, pa keiunito ŋidwe kec ŋulupesur, kori ŋulusapa. Keiun ŋuluuni ŋul aŋuna ka akiyookino kec.

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Luk. 23:50

Ayai nen ekile ŋolo anyaritae Yosepu, ŋolo abunit alotaun a ŋolo anyaritae Arimatea anakwap a Yudaya. Arae iŋes epei a Natukot a ŋina a Ŋiyudayan, ajok ka eyookino.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋigal. 3:11

Ileere nai atemar, nyelimori Akuj atemar iyookino ituŋanan alokiŋaren keŋ aŋuna iricitor Ŋikisila, anerae ebasi Ŋakigireta ebe, “Ituŋanan bon ŋini elimori Akuj atemar iyookino alokiŋaren keŋ aŋuna ka anupit keŋ, iŋes eyari”.

Ŋikis. 18:13

Emaikina iyes torubakis iwuapito ŋuna a Ekapolon Akuj kus.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

2 Pet. 2:5

Pa abu Akuj kimyek ŋituŋa ŋulu koloŋ, nai abu yau ŋakipi ŋuna apotu torapuwasi akwap ŋina a ŋituŋa a ŋulu aŋerete iŋes; ŋulu make abu iŋes tolaku ikes Noa ŋolo etatami akiyookino ka ŋituŋa ŋice ŋikanikaarei.