Akisy. 6:6 - Ebaibul

⁶ Aŋun, kitilil Ekapolon neni koloŋ kesubunia iŋes ituŋanan, toŋo nooi, tonomosi ŋakiro ŋun iŋes.

Akisy. 6:6 Iomraidhean Croise

Akisy. 6:7

Tema Ekapolon, “Etoŋopiyari ayoŋ anakwap ŋituŋa ŋulu abu osub, akisyakin aneni a ituŋanan tari lotyaŋ ka aneni a ŋinibore elyat tari lokyeny; anerae eketililyata ayoŋ ŋakiro ŋuna koloŋ abunio osubunia ikes.”

2 Sam. 24:16

Ani edikino emalaika emunyari ŋituŋa ŋulu alo Yerusalem, abu Ekapolon kilocok ŋatameta keŋ, ido abu tema neni a emalaika a ŋolo aari ŋituŋa a ŋol, “Etemokin! Kisieŋu akan kon.” Apaki ŋin, ayai emalaika a Ekapolon ŋol nalos ŋina ka Arauna a Eyebusit.

1 Ŋakiro a ŋirwa 21:15

Abu Akuj kiyakiya emalaika amunyar ŋituŋa a Yerusalem. Nai ani edikino emalaika itiyae ŋun, abu Ekapolon kiŋolik ŋun, ido abu kilocok ŋatameta keŋ, tosodi tema neni ke emalaika a ŋolo aari ŋituŋa, “Etemokin! Kisieŋu akan kon.” Apaki ŋin, awoi emalaika a Ekapolon ŋol analos a ŋina ka Orenan a Eyebusit.

Ŋikiru. 106:45

aŋuna kec, abu Akuj totamu acamunet keŋ, ido anamina keŋ a ŋina apolon, a ŋina nyiryaŋiryaŋa, abu Akuj kisyoni ikes.

Ŋikiru. 110:4

Adau Ekapolon akikoŋ, ido nyilocokini nabo ŋatameta keŋ tema, “Irae iyoŋ esacaradoti ŋoloruba, lopite ŋolo ke esacaradoti a ŋolo anyaritae Melekisedek.”

Ŋikiru. 119:158

Ete ayoŋ ŋulu emam anupit eteŋeriyorit anerae nyiwuapito ikes ŋakiciketa kon.

Ŋikiru. 78:40

Apotu ikes toŋero Akuj ŋapakio ŋuna alalak analoŋisat, apotu kitoŋoa Akuj ŋapakio ŋuna alalak analoŋisat.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Ŋikiru. 95:10

Ŋikaru ŋatomoniomwon, abu ayoŋ oŋer ŋituŋa a anyamet a ŋin, abu otema, ‘Okoe, erae ikes ŋituŋa ŋulu nyepupete ŋakiro! Ewounito akiwuap ŋakiro kaŋ.’

Awos. 32:14

Aŋun, abu Ekapolon kilocok ŋatameta keŋ, nyisican ŋituŋa keŋ lopite ŋolo sek acamitor akisicania.

Isa. 48:18

Okoe, kerae ca kiwuapito iyes ŋakiciketa kaŋ, keropiunito ŋarereŋisyo neni kus ikwa ŋakipi ŋuna eleleete anaŋolol a ŋina nyeonene, kikiropikinito iyes akilounun ŋimoe kus lopite ŋolo eropiyoto ŋikaguragurae a ŋakipi ananam.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 18:7

Ani mono kapedori ayoŋ apaki daadaŋ alimun atemar tolemarae, toritakinae kwap ka tomunaarae ŋituŋa a akwap, kori a apukan a adio,

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Mal. 3:6

Arae ayoŋ Ekapolon ŋolo nyeloconokin; a ŋun, iyes ŋiletok a Yakob, eriŋa iyes nyemunyara.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Ŋibur. 3:10

Aŋakiro a ŋun, abu oŋoik ŋituŋa ŋul nooi otema, ‘Eoliyonorete ŋituŋa lu jwi jwi aneni kaŋ, nyeyenuna ikes ŋipitesyo ŋulu emaikina kiwuapa.’

Ŋibur. 3:17

Arae ataŋae koloŋ aŋoikinit Akuj ŋikaru ŋatomoniomwon? Arae ŋituŋa ŋulu asecito, ŋulu apotu totwaka analoŋisat.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 15:29

Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”

1 Sam. 15:35

Ameun akoloŋit ŋin, nyiŋolikina nabo Samuel Saul, mati akoloŋit ŋina atwania Samuel, nai abu Samuel kigwor aŋuna a Saul. Abu Ekapolon toanyu atemar arae adyakaret keŋ akituruwor Saul erwosit a Isirael.