Akisy. 6:3 - Ebaibul

³ Tema Ekapolon, “Nyerubakini etau kaŋ iboi aneni a ŋituŋa ŋikaru ka ŋikaru, anerae etwaneneete ikes. Nyedeparete ŋikaru kec amiat ka ŋatomoniarei.”

Akisy. 6:3 Iomraidhean Croise

Akisy. 6:2

kiŋolikis ŋidwe a Set ŋulusapa ŋidwe ŋulupesur ŋul ibusak, yaasi ŋuna daadaŋ apotu ikes toseut, kituruwosi ŋaberu kec.

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Ŋikiru. 78:39

Abu totamu atemar erae ikes ŋituŋa koŋin, ikwaan ikes ka ekieŋanu, ŋolo nyeboŋuni nabo.

Ŋikiru. 90:10

Ikiyari isua akitodol ŋikaru ŋatomonikanikaarei, kori ŋatomonikanikauni erae kikigogoŋ; tari alokaru a ŋul daŋ, ikiryamunit isua ŋican ka ikiyaloloŋi nooi; edaunun ŋikaru ŋul atipei, ido oŋopiyasi isua jik.

Isa. 5:4

Anibore ice eitana kitiyae lomanikor kaŋ ŋolo a ŋikito a epiini, ŋini abu ayoŋ nyetiya? Ani apaki ŋina eitanitor ayoŋ ŋaraito ŋuna ajokak, kaanukiro araunia iŋes ŋaraito ŋuna aronok?

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 11:11

Aŋun, kire jik abuni ayoŋ ayaun ŋican neni kec ka nyesiyete ikes alocan a ŋul, tari kekekaloikis ikes ayoŋ, nyapupokini ayoŋ ikes.

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Ekim. 11:17

Abuni ayoŋ, ido erworo ka iyoŋ a nen, tosodi alemari ayoŋ etau kaŋ edyo ŋolo sek ainakinit ayoŋ iyoŋ, oinak neni a ŋikasikou a ŋul, ido idaŋidaŋete ikes ŋakiro a ŋituŋa a lu kaapei ka iyoŋ, ikotere nyidaŋidaŋ iyoŋ bon ŋakiro kec.

Yoa. 3:6

Ŋini idounitoe ka akuwan erae akuwan; ŋini idounitoe a Etau a ŋolo ka Akuj, erae etau.

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

1 Ŋites. 5:19

Nyiretakis Etau ŋolo Asegan;