Akisy. 50:24 - Ebaibul

²⁴ Tema nai Yosepu neni a ŋikaitotoi keŋ, “Aapuu ayoŋ atwanare; nai kire ebuni Akuj neni kus akiŋarakin iyes, ikiyai iŋes iyes kitipeiyosi anakwap a na, toloto nakwap ŋina abu iŋes kikoŋ ainakin neni ka Aburaam, Isaka ka Yakob.”

Akisy. 50:24 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 13:15

Akainakini ayoŋ iyoŋ ka ŋiletok kon akwap na daadaŋ ŋina ite iyoŋ toruwor ŋina kus jik.

Akisy. 13:17

Tonyou! Kirimok akwap ŋin daadaŋ etya neni etya, anerae abuni ayoŋ ainakin iŋes neni kon.”

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 15:7

Tolimok Ekapolon Aburam tema, “Arae ayoŋ Ekapolon ŋolo abu okoyau iyoŋ alo Ur anakwap a ŋina a Ŋibabiloniyae; aŋuna ka ainakin iyoŋ akwap na toruwor ŋina kon.”

Akisy. 15:8

Kiŋit Aburam Ekapolon tema, “Okoe, Ekapolon Akuj kaŋ, inyoni eketaanyuni ayoŋ atemar eruwor akwap na ŋina kaŋ?”

Akisy. 17:8

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Akisy. 21:1

Abu Ekapolon kiterereŋ Sara ikwapei sek eikinitor, ido abu kitiyak neni a Sara ŋuna aris kiik iŋes.

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

Akisy. 28:13

Towo Ekapolon alodiyete keŋ tema, “Arae ayoŋ Ekapolon, Akuj ŋina ka Aburaam a papaa kon, Akuj ŋina ka Isaka. Akwap na ŋina iperyo iyoŋ, akainakini ayoŋ iyoŋ ka ŋiletok kon;

Akisy. 3:19

Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

Akisy. 35:12

Akainakini ayoŋ iyoŋ akwap ŋina abu oinak Aburaam ka Isaka, ainakini neni a ŋiletok kon ekaku kon.”

Akisy. 46:4

Ikitiyaar ayoŋ ka iyoŋ Ijipit, ido ekenyakuni ayoŋ iyoŋ ne; ikidari iyoŋ Yosepu akitodol natwanare kon.”

Akisy. 47:29

Ani eapuuni Isirael atwanare, tonyarau lokoku keŋ Yosepu, tema neni keŋ, “Ani karae ayoŋ ŋolo ajok aneni kon, kiwuak akan kon kwap amuro kaŋ, ido kikoŋ akitiya ikitopoloorit ayoŋ ka iyookino aneni kaŋ. Nyinuka akuwan kaŋ Ijipit.

Akisy. 48:21

Tema nai Isirael neni a Yosepu, “Aapuu ayoŋ atwanare, nai eyakaun Akuj kaapei ka iyoŋ, ikiyai iŋes iyoŋ nabo nakwap atapapaa kon.

Akisy. 50:5

Abu papa kaŋ ekesikoŋ ayoŋ; tema, ‘Aapuu ayoŋ atwanare. Tonukae ayoŋ nalyal ŋina abu ayoŋ obok nakwap a Kanaan.’ Aŋun, ekelipit ayoŋ iyoŋ ikimyek ayoŋ etipeiyo inaa, ikotere anuki papa kaŋ, ido nai oboŋu.”

Yob 30:23

Ayeni ayoŋ atemar ikiyait iyoŋ ayoŋ natwanare, neni eloseneneete ŋituŋa ŋulu tokona eyarete daadaŋ.

Awos. 12:41

Ani edaun ŋikaru ŋul, akoloŋit ŋina jik aŋetakinotor, apotu ŋatukon ŋuna asibito ŋajoresyo ŋuna ke Ekapolon torotokis anakwap a Ijipit.

Awos. 12:51

Abu nai Ekapolon yau Ŋisirael a ŋatukon a ŋuna asibito ŋajoresyo akoloŋit ŋinapei anakwap a Ijipit.

Awos. 13:19

Ya Moses ŋakoyo a Yosepu alo Ijipit, anerae aris Yosepu kisikoŋ Ŋisirael kitiyata ŋun. Aris ketema neni kec, “ Kire jik, ikiŋarakini iyes Akuj, ido emaikina iyes yaa ŋakoyo kaŋ itipeiyorete anakibois a na.”

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Awos. 33:1

Tema Ekapolon neni a Moses, “Towotok anakibois a na, iyoŋ kaapei ka ŋituŋa ŋulu ibu iyoŋ kitipeunio anakwap a Ijipit, towoto nakwap ŋina abu ayoŋ ekoŋ ainakin Aburaam, Isaka ka Yakob abala, ‘Ainakini ayoŋ akwap ŋin neni a ŋiletok kus.’

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Ekal. 12:5

Ikitimi iyes apaki ŋin adokanar nakiboisyo ŋuna aoyak, ikuryaketa iyes alosit make alorotin. Apaki ŋin ekwaŋunete ŋitim anakyes kus, ilosete iyes itiŋaarito ŋawat kus alosit, ido edaun ekibure eyai neni kus. Erae ŋun, anerae emaikina ŋituŋa daadaŋ toloto lore apolon, ido kisyakis nai ŋituŋa akiŋaiŋaa alorotin aŋuna a ŋini alot lore apolon.

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Ekim. 32:11

‘Kire mam ituŋanan alotuŋa a ŋulu etipeunete alo Ijipit ŋini erae ŋikaru ŋatomoniarei ka ŋikan ka adepar ŋini epedori akiŋolikin akwap ŋina abu ayoŋ ekoŋ ainakin Aburam, Isaka ka Yakob, anerae nyiwuapa ikes ŋuna kaŋ a acamit kec a daadaŋ,

Ŋirom. 5:12

Abu asecit bu nakwap alotooma ipeituŋanan ka anerae abu iŋes tosec, etemokino iŋes totwan ka aŋun, akeikin atwanare lotuŋa daadaŋ, anerae aseca daadaŋ.

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 6:10

Ani ikiyauni iyes Ekapolon nakwap ŋina abu iŋes kikoŋ neni atapapaa kus Aburaam, Isaka ka Yakob, atemar ikiinakini iyes, akwap ŋina eya ŋitaunio ŋulu ajokak ka topolok, akwap ŋina a ŋitaunio a ŋulu pa arae iyes idukete,

Ŋibur. 11:22

Anupit iŋes alimunio Yosepu apaki ŋina aapikinia atwanare atemar erotokinete rwanu Ŋisirael alo Ijipit ka tolimok Ŋisirael ŋuna etemokino ikes kitiyata aŋuna ka akuwan keŋ.

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.

Yos. 24:32

Aponi tonukae ŋakoyo a Yosepu ŋuna sek keyaunete Ŋisirael anakwap a Ijipit nakwap ŋina kegyeli Yakob a ŋisilipae a amiat alodwe ka Amor a papa keŋ a Sekem. Abu akwap ŋina toruwor ŋina a ŋituŋa a Yosepu.