Akisy. 50:21 - Ebaibul

²¹ Aŋun, nyikuryaketa; ayoŋ elope eketani iyes kaapei ka ŋidwe kus ŋulu cicik.” A ŋakiro a ŋun, abu Yosepu tolema akuryanu alotai a ŋikaitotoi keŋ, kirwor neni kec erimaana.

Akisy. 50:21 Iomraidhean Croise

Akisy. 34:3

Tominak Sekem Dina nakoku a Yakob nooi, toruwor apese ŋina amina iŋes, ido isirwori a arimao.

Akisy. 45:5

Tokona, nyiyaloloŋo, kori nyitama ŋace aŋuna ikigyelaryata iyes ayoŋ nakwap na, anerae Akuj abu ekeyakuu ayoŋ ne eriŋa iyes nyepona, ikotere aiuni akiyar a ŋituŋa.

Akisy. 47:12

Inak Yosepu akimuj neni a papa keŋ ka ŋikaitotoi keŋ ta ŋituŋa a ekal a papa keŋ; inak alokimar a ŋituŋa a ŋolokal.

Akisy. 50:22

Aŋun, abu Yosepu kiboi alo Ijipit, iŋes kaapei ka ekal a papa keŋ; todolo ŋikaru keŋ amiat ka ŋitomon.

2 Ŋakiro a ŋirwa 30:22

Kirwor Esekia neni a ŋilepi a daadaŋ ŋakiro ŋuna esimukekinak nooi, anerae etoodiunito ŋilepi ayenut kec nooi etic ŋolo ke Ekapolon. Apotu ŋilepi kimuja ŋirwa ŋikanikaarei ŋinerin a ŋibaren ŋulu ainakinitae ikes, inanakis ŋainakineta ŋuna ke ekisil ka kipuro Ekapolon Akuj atapapaa kec eosi.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Mat. 6:14

“Anerae ani kisyonioto iyes ŋulu eseceneneete neni kus, Papa kus daŋ ŋolo anakuj, ikisyoni iyes.

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

Ŋikat. 19:3

Tolot nai ekile keŋ kiwuapa iŋes, akimaimaun iŋes ka akinyakun iŋes. Arukito iŋes ka eketiyan keŋ epei ta ŋisigirya ŋiarei. Ani edoli iŋes lore a papa a aberu keŋ, kiŋolik papa ka aberu a ŋin ekile ŋol, tolot ka alakara akisiryam iŋes.