Akisy. 49:9 - Ebaibul

⁹ Ikwaanikin iyoŋ Yuda ka itaok a eŋatuny, iboŋuni iyoŋ ikoku kaŋ, anibore a ŋini iari iyoŋ. Ikwaanikin iyoŋ ka eŋatuny, iriyori iyoŋ akuwan toper; ikwaanikin iyoŋ ka aŋatuny, emam ŋini ikatakini akitoŋo iyoŋ.

Akisy. 49:9 Iomraidhean Croise

1 Ŋirw. 10:20

Awuasi daŋ ŋitorubei a ŋiŋatunyo ŋitomon ka ŋiarei anadoketa a ekicoloŋ a ŋol, epei ŋatuny epeiwae neni isalya ŋinadoket alotooma ŋadoketa ŋunakanikapei. Mam ibore etiyatae anakwap ka adio ŋini ekwaan ka ekicoloŋ ŋol.

2 Ŋakiro a ŋirwa 9:18

Ayakasi lokicoloŋ ŋol ŋadoketa ŋakanikapei. Ayai lokicoloŋ neni etiyaunitae a egolid neni edokonokinio ŋakejen, atapakina nen lokicoloŋ, ido ayai ŋolowae a ekicoloŋ a ŋol neni epete ŋakan a ituŋanan iboi. Diyete neni apeneneete ŋakan a ituŋanan iboi a lokicoloŋ a ŋol, ayakasi ŋitorubei a ŋiŋatunyo ŋiarei ŋulu awuasi.

Esek. 19:5

Ani eanyuni aŋatuny ŋin atemar kedaun akikinyoma aneni keŋ ka kedaun akigeno aneni keŋ, abu tolemu ice alotak keŋ, kituruwo eŋatuny ŋolo agogoŋon.

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.

Osea 5:4

Nyepedorete ŋiticisyo kec akitoboŋor ikes neni ka Akuj kec, anerae ileleba neni kec etau ŋolo ka amalao ka nyeyenete ikes Ekapolon.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Ekim. 23:24

Kiŋolik ŋituŋa ŋulu anyout esibit aŋatuny anyout esibito eŋatuny ŋolo adedeŋan, ŋolo nyeperi akitodol ŋina enyamia etyaŋ ŋolo ikamunit ka ŋina emasya ŋaokot a ŋityaŋ a ŋulu adau iŋes akiar.”

Ekim. 24:9

Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”

1 Ŋikor. 15:24

Todolu nai asalunet ŋina ka akwap; apaki ŋin, ilouni Kristo ŋapukasinei ka ŋapolon ka ŋapedorosyo daadaŋ, ido inak Apukan neni ka Akuj a Papa.

Ŋikis. 33:20

Kirwor Moses ŋakiro nu aŋuna a ŋituŋa a ekabila a Gad: Kipuroe Akuj ŋina abu inak ŋituŋa a ekabila a Gad akwap ŋina alalan. Eperete ŋiletok a Gad a nen, ikwa eŋatuny, inyasete a nen ŋimoe kec.

Akis. 5:5

Abu epei alokatukok okolimok ayoŋ tema, “Nyigwor, toanyuwa, elou eŋatuny ŋolo anateker a Yuda ŋolo erae eletonit a Daudi. Elou iŋes ka apedor alemar ŋakipuceta ŋunakanikaarei, toŋaa ekitaabo.”