Akisy. 49:8 - Ebaibul

⁸ Yuda, ikipurete iyoŋ ŋikaitotoi kon; ereuni apedor kon ŋimoe kon, eryedikete ŋidwe a papa kon ŋulusapa alokiŋaren kon.

Akisy. 49:8 Iomraidhean Croise

Akisy. 27:29

Ikitiyanakinete ŋituŋa iyoŋ ka eryedikete ŋituŋa a ŋakwapin neni kon. Iruwor iyoŋ ekapolon a ŋikaitotoi kon, ekukonokin ŋisapa ŋulu ke ekal kus aloŋaren kon, ilamam ituŋanan daadaŋ ŋini ikilami iyoŋ ka erereŋ ituŋanan daadaŋ ŋini ikiterereŋi iyoŋ.”

Akisy. 29:35

Topoti nabo Lea, kidou ikoku ŋinisapat, tema, “Epuri ayoŋ Akuj apaki na”; aŋun, abu tolimok ekiro a edya a ŋol Yuda. Ekaku a Yuda, tojoŋo Lea akidounun.

Akisy. 42:6

Arae Yosepu ekapolon anakwap a Ijipit apaki ŋin, arae iŋes agyelanari akimuj neni a ŋituŋa a daadaŋ. Todolut ŋikaitotoi a Yosepu, toryediko alokiŋaren a Yosepu, kijuuroto.

Akisy. 46:12

Ŋidwe a Yuda ŋulusapa lu: Er, Onan, Sela, Peres ka Sera (nai aris Er ka Onan ketwaka alo Kanaan.) Ŋidwe a Peres ŋulusapa lu: Esiron ka Amul.

2 Sam. 22:41

Ibu iyoŋ ikisimanak ayoŋ ŋimoe kaŋ ŋakausinei, ŋimoe kaŋ ŋulu akaremokino ayoŋ, ido abu ayoŋ omunya ikes.

2 Sam. 24:9

Abu nai Yoab ya ekimar a ŋituŋa a ŋulu apotu ikes kigira neni a erwosit. Alo Isirael arae ekimar a ŋikilyok a ŋulu apedorito ajiore a ŋileŋia ŋalipyo ŋamiae ŋakanikauni, ido ŋulu a Yudaya arae ŋalipyo ŋamiae ŋakan.

2 Sam. 5:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ.

1 Ŋakiro a ŋirwa 28:4

Kikote neni daŋ, abu Ekapolon Akuj a Ŋisirael okoseu ayoŋ alotuŋa a ŋulu ke ekal kosi a daadaŋ aruwor erwosit a Ŋisirael ŋikaru ka ŋikaru. Abu Akuj toseu ekabila a Yuda akirik Ŋisirael, ido alotuŋa a Yuda, abu toseu ekal a papa kaŋ, alodwe a papa kaŋ a ŋulusapa, abu tocamak akituruwor ayoŋ erwosit a Ŋisirael a daadaŋ.

1 Ŋakiro a ŋirwa 5:2

tari daŋ ŋina kebunio Yuda toruwor ŋolo egogoŋ nooi akilo ŋikaitotoi keŋ, ido neni keŋ kebu ekepukan tolomunia, Yosepu iŋes keponi inakinae apolou alodwe a Isirael a ŋulusapa.)

2 Ŋakiro a ŋirwa 14:8

Ayakar Asa ŋasigarya ŋalipyo ŋamiae ŋauni Yudaya, ayakatar ŋasigarya ŋun ŋaupala ka ŋakwaaras. Ayakar Asa ŋasigarya ŋace ŋalipyo ŋamiae ŋaarei ka ŋatomonikanikauni Benjamin ŋulu ayakatar ŋaupala ka ŋikaleŋeleŋe. Arae ŋasigarya ŋun daadaŋ ŋuna adedeŋak ka ŋuna ayenete ejie ejok nooi.

2 Ŋakiro a ŋirwa 15:9

Ekaku a ŋun, abu iŋes tocunak ŋituŋa daadaŋ ŋulu a Yudaya ka Benjamin ka ŋulu keponito akiboi Yudaya alo Epuraim ka Manase ta alo Simeon. Kepotu ŋituŋa ŋulu alalak nooi potu alo Isirael akiboi Yudaya, anerae kepotu toanyut atemar erukito Asa ke Ekapolon Akuj keŋ.

2 Ŋakiro a ŋirwa 17:2

Kiwuak ŋasigarya keŋ lotaunio a Yudaya daadaŋ ŋulu aya ŋaduketa ŋunajiet, kiwuak ŋasigarya nakwap ka lotaunio ŋulu anakwap ke Epuraim ŋulu sek kebu papa keŋ Asa kikama.

2 Ŋakiro a ŋirwa 30:11

Tari ŋina aponiata ikes kitiyata ŋun, apotu ŋituŋa ŋidikudyo ŋulu a ekabila ka Aser, a Manase ka Sebulon kitiditeunos make, toloto Yerusalem.

Ŋikiru. 76:1

Eyenen Akuj alo Yudaya, itopolooritae nooi ekiro keŋ alo Isirael.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Esek. 21:29

Erae ŋakitoodyanakineta ŋuna iteete iyes ŋuna nyiyookino; erae ŋakiro ŋuna edwaryo aŋuna kus amodiyo. Iruworosi iyes ŋulu aronok ŋulu itiyaete aronis, ebunit akoloŋit kus ŋina ikisicanere iyes, ikimunyaryo iyes a ekileŋ.

Ekim. 1:27

arae ekimar a ŋikilyok a ŋulu aponi kigirae alokabila a Yuda ŋalipyo ŋatomonikanikaarei ka ŋaomwon ka ŋamiae ŋakanikapei.

Ekim. 10:14

Arae ŋatuketa a ŋituŋa a ŋulu apolokinit ekabila a Yuda ikes ageunete awotokin a ŋatuketa kec iŋarenikinit abendera, Nason lokoku ka Aminadab iŋes arikit ŋatuketa ŋun.

Ekim. 26:20

Ŋiletok a Yuda a ŋatekerin kec ikes lu: Sela iŋes papaa a ateker a Ŋisela, Peres iŋes papaa a ateker a Ŋiperes, Sera iŋes papaa a ateker a Ŋisera.

Ekim. 26:22

Arae ŋun ŋatekerin a ŋiletok a Yuda; arae ekimar a ŋulu aponi kimarunae a daadaŋ ŋalipyo ŋatomonikanikaarei ka ŋakanikaarei ka ŋamiae ŋakan.

Ŋikis. 33:7

Abu Moses kirwor ŋakiro nu aŋuna a ŋituŋa a ekabila a Yuda: Okoe Ekapolon, kiira ŋakiro a ŋituŋa a ekabila a Yuda ka kinyaku ikes lotuŋa kec, kiŋarak ikes anakitiji ŋimoe kec.

Ŋibur. 10:13

Idarit tokona iŋes aina Akuj kiwuak ŋimoi keŋ kwap ŋakejen keŋ, toreu iŋes ikes.

Ŋibur. 7:14

Eyenio daadaŋ atemar edounio iŋes erae ŋolo anateker a ŋina a Yuda; pa alimunit Moses ateker na apaki ŋina erworor ŋakiro ŋuna a ŋisacaradotin.

Yos. 10:24

Ani eyaunio ŋirwosi ŋul neni a Yosua tonyarau Yosua Ŋisirael daadaŋ, tolimok ŋikatukok a ŋajorei ŋulu arukitotor iŋes tema, “Toapuutu ne, kicaka ŋimosiriŋin a ŋirwosi a lu.” Toapuut nai ikes kicaka ŋimosiriŋin a ŋirwosi a ŋul.

Yos. 15:20

Arae na akwap ŋina apotu ŋituŋa a Yuda toryamut a ŋatekerin kec.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 5:5

Abu epei alokatukok okolimok ayoŋ tema, “Nyigwor, toanyuwa, elou eŋatuny ŋolo anateker a Yuda ŋolo erae eletonit a Daudi. Elou iŋes ka apedor alemar ŋakipuceta ŋunakanikaarei, toŋaa ekitaabo.”

Ŋikat. 20:18

Toloto Ŋisirael kiŋaren kitipeiyosi Besel neni eŋituniata ikes ŋakiro aneni ka Akuj ebasi, “Ŋae alokidiŋ kosi itipeiyori ekiŋaren akitijikin ŋituŋa a ekabila a Benjamin?” Toboŋok Ekapolon tema, “Ŋituŋa ekabila a Yuda ikes itipeiyorete ekiŋaren.”