Akisy. 49:27 - Ebaibul

²⁷ Ikokini Benjamin ededeŋ epeot, taparacu enyami iŋes ibore ŋini eari, ani eboŋ, totyakatyaka ibore ŋini eŋatunit.”

Akisy. 49:27 Iomraidhean Croise

Akisy. 35:18

Ani eriŋa etau keŋ itedukae (aŋuna alosyo akiridakin), abu tolimok ekiro a idya keŋ a ŋin Benoni, nai abu papa a idya tolimok ekiro a idya Benjamin.

Akisy. 46:21

Ŋidwe a Benjamin ŋulusapa lu: Bela, Beker, Asibel, Gera, Naaman, Ei, Ros, Mupim, Upim ka Arid.

Akisy. 49:26

Epolok nooi ŋarereŋisyo ŋuna ikigatakinit iyoŋ papa kon, iloito tari ŋarereŋisyo ŋuna a ŋimoru a ŋulu a ŋikaru ka ŋikaru, iloito tari alalau a ŋiboro a ŋimukura a ŋulu a ŋikaru ka ŋikaru; elipi toryamu Yosepu ŋarereŋisyo ŋun, aŋuna eraakar iŋes aponi tosetarae apolokin ŋikaitotoi keŋ.

Akisy. 49:28

Erae ŋul daadaŋ ŋikabilae ŋitomon ka ŋiarei ŋulu a Ŋisirael, ido ŋakiro ŋun abu Yakob tolimok ŋidwe keŋ apaki ŋina eterereŋio ikes. Inak ŋinituŋanan kec arereŋu ŋina etemokino aŋuna keŋ.

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Ekim. 1:36

Kigirae ŋiletok a Benjamin a ŋikalya, iwuapitae ŋikalya atapapaa kec kigirae ŋikilyok daadaŋ ŋulu arae ŋikaru kec ŋatomoniarei ka adepar, ŋulu apedorito alosit lojie,

Ekim. 23:24

Kiŋolik ŋituŋa ŋulu anyout esibit aŋatuny anyout esibito eŋatuny ŋolo adedeŋan, ŋolo nyeperi akitodol ŋina enyamia etyaŋ ŋolo ikamunit ka ŋina emasya ŋaokot a ŋityaŋ a ŋulu adau iŋes akiar.”

Ekim. 34:21

Alokabila a Benjamin Elidad lokoku a Kisilon.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋitic. 20:29

Ayeni ayoŋ atemar ani karotok ayoŋ, epote ŋipeei ŋulu adedeŋak nooi neni kus ka nyeesikinete akinyasun esipan.

Ŋitic. 8:3

Nai abu Saulo kisyak akinyasun ŋatukon a ŋikanupak; erimit iŋes nakais akiriunun ŋikilyok ka ŋaberu, toen ikes alomabus.

Ŋitic. 9:1

Nai ariŋa Saulo emunikinit akitukuryan ka akiar ŋikasyomak ŋulu ke Ekapolon Yesu. Abu iŋes tolot neni ke Esacaradoti a ŋolo Apolon nooi

Ŋikis. 33:12

Abu Moses kirwor ŋakiro nu aŋuna a ŋituŋa a ekabila a Benjamin: “Erae ŋiletok a Benjamin ŋituŋa ŋulu emina Ekapolon, iyoki Ekapolon ikes apaaran jwi, iboiyete ikes aneni a Ekapolon emam ŋace.”

Ŋipil. 3:5

Aponi ekeleŋeri ayoŋ akoloŋit ŋina a ŋakanikauni kelunyar akidouno kaŋ. Arae ayoŋ Esiraelit ŋolo anateker a Benjamin, ŋolo arae Eburaniyat kire. Alotooma akiwuapit Ŋikisila ŋulu a Ŋiyudayan, arae ayoŋ Eparisayot

Ŋikat. 20:21

Tolomut ŋituŋa a ekabila a Benjamin alo Gibea toara akoloŋit ŋin Ŋisirael ŋalipyo ŋatomoniarei ka ŋaarei.

Ŋikat. 20:25

Tolomut ŋituŋa a ekabila a Benjamin alo Gibea akitijikin Ŋisirael akitijikinet ŋina a ŋaarei, toara ikes apaki ŋin Ŋisirael ŋalipyo ŋatomon ka ŋakanikauni, ŋikilyok ŋulu ayakatar ŋiboro ŋulu ke ejie.