Akisy. 48:5 - Ebaibul

⁵ Aŋun, ŋidwe kon ŋuluarei ŋulusapa ŋul, ŋulu ibu iyoŋ touru alo Ijipit eriŋa ayoŋ nyebuno neni kon nakwap a Ijipit, erae ikes ŋidwe kaŋ. Erae Epuraim ka Manase ŋidwe kaŋ; ikwapei eraakatar Ruben ka Simeon ŋidwe kaŋ.

Akisy. 48:5 Iomraidhean Croise

Akisy. 46:20

Abu Yosepu touru ŋidwe lu anakwap a Ijipit: Manase ka Epraim aneni a Asenat anakoku a Potipera a ŋolo arae esacaradoti a On.

Akisy. 48:1

Kelunyar apaki adio, tolimok ituŋanan ice Yosepu tema, “Edyaka papa kon.” Aŋun, abu Yosepu tolot ya ŋidwe keŋ ŋulusapa ŋiarei: Manase ka Epraim.

Akisy. 48:6

Ŋidwe ŋuluce daadaŋ ŋulu iuri iyoŋ ekaku kec, erae ŋul ŋidwe kon; eyenunio ikes alororwa a ŋikaitotoi kec a Manase ka Epuraim, anakiboisyo a ŋuna eruwor ŋuna kec.

Ŋikiru. 77:16

Okoe Akuj, apaki ŋina ibunio iyoŋ neni aya ŋakipi, apotu ŋakipi tomaranikis, abu kwap ŋakipi neni ecukul tomaranik.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Esek. 47:13

Alimu Ekapolon Akuj atemar, erae lu ŋikukorin ŋulu ityakatyakaata iyes akwap ŋina eruwor ŋina a ŋikabilae a Isirael a ŋulutomon ka ŋiarei. Emaikina ekabila a Yosepu toryamu ŋakiboisyo ŋaarei.

Ŋilep. 20:26

Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Ekim. 1:10

toseu lu alodwe a Yosepu: Alokabila a Epuraim, toseu Elisama lokoku ka Amiud, alokabila a Manase, toseu Gamaliel lokoku ka Pedasur.

2 Ŋikor. 6:18

Abuni ayoŋ oruwor Papa kus ka iruworosi iyes daŋ ŋidwe kaŋ ŋulusapa ka ŋulupesur, adau Ekapolon ŋolo etiron alimun.”

Ŋiep. 1:5

Aŋuna ka amina keŋ, aris Akuj ŋinapei anakisyakinet ketubu akituruwor iwon ŋidwe keŋ aŋuna a Yesu Kristo--arae ŋun alakara ka acamit keŋ.

Ŋibur. 11:21

Anupit iŋes eterereŋio Yakobo ŋidwe a Yosepu ŋulusapa eriŋa iŋes nyetwana. Abu iŋes togwaŋakin lobela keŋ, ido kilip Akuj.

Yos. 13:7

Tokona nai, tokorak akwap lokabilae ŋuluce ŋulukanikaomwon ta atutubet apei a ekabila a Manase.”

Yos. 14:4

anerae atyakitae ŋiletok a Yosepu arae ŋikabilae ŋiarei, ekabila a Manase ka ekabila a Epuraim. Nai ŋituŋa a Lepi aponi nyekorakin adiokwap, mati ŋitaunio bon neni eboiyoto ikes ka neni adakasi ŋibaren kec.