Akisy. 47:6 - Ebaibul

⁶ Eyai akwap na ŋina a Ijipit nakan kon; kitolomu papa kon ka ŋikaitotoi kon nakibois ŋina ejok nooi anakwap a na; kimyek ikes toloma Gosen. Ani kiyeni iyoŋ atemar eya kidiŋ kec ŋulu epedorete akiyok ŋibaren kaŋ, inak ikes kiyoko.”

Akisy. 47:6 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Akisy. 13:9

Iite bo iyoŋ akwap na daadaŋ! Ekelipit ayoŋ iyoŋ otyakas ka ayoŋ. Ani kiseu iyoŋ akiwuot lowae ŋolo alo kedyeny, awuosi ayoŋ lowae ŋolo alo teten; kori ani kiseu iyoŋ akiwuot lowae ŋolo alo teten, awuosi ayoŋ lowae ŋolo alo kedyeny.”

Akisy. 20:15

Tema Abimelek, “Kiŋolik, akwap na daadaŋ ŋina ite iyoŋ, erae ŋina kaŋ, tolom neni ikijoikinit iyoŋ.”

Akisy. 34:10

Eboiyoto kaapei, ido ipasae akwap na aŋuna kus; kiboiyoto ka kicurutata anakwap a na, toryamut ebari.”

Akisy. 45:10

Ani ipote, toloma nakibois ŋina enyaritae Gosen, ikidunyete iyes ayoŋ a nen, iyes ka ŋidwe kus ka ŋidwe a ŋidwe kus kaapei ka ŋakinei kus, ŋaatuk kus ka ibore daadaŋ ŋini iyakatar iyes.

Akisy. 46:34

Toboŋokisi iŋes temasi, ‘Isua ŋiketiyak kon, ikirae ŋikeyokok a ŋibaren ŋinapei anasorokanut kosi tari tokona, isua kaapei ka atapapaa kosi.’ Tolimutu ŋun ikotere ilomete nakwap ŋina a Gosen, anerae aneni a Ŋijipitian, erae ŋikeyokok a ŋamesekin ŋisiilyanotin.”

Akisy. 47:11

Kitolomu Yosepu papa keŋ ka ŋikaitotoi keŋ Ijipit, inak ikes anakwap a ŋin akibois ŋina ajokan nooi ŋina anyaritae Ramases ikwapei alimokinitor Parao iŋes.

Akisy. 47:16

Toboŋok Yosepu ikes tema, “Inakinae ayoŋ ŋibaren kus, okoinak ayoŋ iyes akimuj, erae kedauna ŋisiliŋa aneni kus.”

Akisy. 47:4

Temasi nabo ikes neni a Parao, “Ikiponit isua akiboi anakwap a na ikirae ŋigelae; isua ŋiketiyak kon, ikimamukar ŋinya a ŋamesekin kosi, anerae epol nooi eron anakwap a ŋina a Kanaan. Ikiŋisit tokona isua iyoŋ itocamak isua ŋiketiyak kon tolomae nakwap ŋina a Gosen.”

Akisy. 47:5

Tema nai Parao neni a Yosepu, “Adaut papa kon ka ŋikaitotoi kon aponare neni kon.

1 Ŋirw. 11:28

Arae Yeroboam ekile ŋolo apedorit akitiyaa ejok nooi. Ani iŋolikini Solomon epite ŋolo etiyaa ekile ŋol ejok nooi, abu kiwuak iŋes apolokinit ŋulu areikinitae akitiya etic ŋolo ka akai a Yosepu.

2 Ŋakiro a ŋirwa 26:10

Abu iŋes toduk ŋaduketa ŋuna aoyak naloŋisat, tobokanak ŋakare ŋuna alalak ŋuna apolok nen, anerae ayakar iŋes ŋisipanin a ŋaatuk a ŋuna alalak, ayakasi ŋisipanin ŋul Sepela ka nadipoe a ŋikamukumukui, ayakar iŋes ŋiketak ka ŋikatubok ŋikito ke epiini, eboiyete ŋul alokamukumukui ka aneni eya ŋalup ŋuna ajokak aŋuna ka akitare, anerae amina Usia akitare nooi.

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Awos. 18:25

Toseu iŋes ŋikilyok ŋulu epedorete akitiya alo Isirael a daadaŋ, kituruwo ikes ŋikapolokinitok ŋituŋa ŋalipulipui, ŋamiamiae, ŋatomonikanikani ka ŋitomotomoe.

Awos. 9:10

Aŋun, apotu Moses ka Aron tolemut etulya aneni apurikinit alokenoi, toloto towua alokiŋaren Parao, ido kiela Moses etulya lokuwuam, yau ŋilepunoe ŋulu apotu toruwor ŋabusyo ŋuna arutonorete ŋawat a ŋituŋa ka ŋuna a ŋibaren.

Awos. 9:21

Ŋikapolok ŋulu apotu nyemitakis ŋakiro a Ekapolon, apotu kimyekis ŋipi kec ka ŋibaren kec anenilapat.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Ŋakit. 22:29

Ianyunit mono iyoŋ ituŋanan ŋini epiiryana alotic keŋ a? Eruwor ituŋanan ŋini ikoni nen ŋini itiyae neni a ŋirwosi, nyiruwor ituŋanan ŋini ikoni nen ŋini itiyae neni a ŋituŋa car.

Yer. 40:4

Topupok tokona, adau ayoŋ alacar nakoloŋit na ŋiriko ŋulu aya nakejen kon. Ani kicamit iyoŋ alosit ka ayoŋ Babilon, bua apena, ekericakini ayoŋ iyoŋ ejok, nai ani pa kicamit iyoŋ alosit ka ayoŋ Babilon, nyemaikina ibu, kiŋolik, eyai akwap ŋin daadaŋ kiŋaren kon, tolot neni itami iyoŋ ejok ka iyookino iyoŋ alosit.

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

1 Sam. 21:7

Akoloŋit ŋin, ayai nen eketiyan a Saul epei, ŋolo esidoŋitoe nen akitiya etic a Ekapolon. Anyaritae ekiro keŋ Doeg, ido abunit iŋes alo Edom ka arae iŋes ekapolon a ŋikeyokok ŋibaren a Saul.