Akisy. 47:26 - Ebaibul

²⁶ Aŋun, abu Yosepu kituruwo ŋakiro ŋun ekisil a akwap a Ijipit, ido eriŋa tari tokona eyai ekisil ŋol ebe, atutubet apei alotooma ŋakan alokinyom a daadaŋ, erae ŋina a Parao. Ŋalup a ŋisacaradotin bon apotu nyeruwor ŋuna a Parao.

Akisy. 47:26 Iomraidhean Croise

Akisy. 14:20

Erereŋ Akuj ŋina alokidiama nooi, ŋina abu tobuko ŋimoe kon, ido ibu iyoŋ kilou ikes.” Inak Aburam iŋes atutubet apei anatomon aloboro a daadaŋ a ŋulu enyakuni iŋes.

Akisy. 28:22

Tosodi eruwor amoru na ŋina etowoik ayoŋ ne neni ilipere Akuj; ibore daadaŋ ŋini ikiinakini iyoŋ ayoŋ Akuj, akainakini ayoŋ iyoŋ atutubet apei anatomon.”

Akisy. 41:34

Emaikina Parao kitiya nu: Toseu ŋikapolok ŋulu ka akwap ŋulu ijaununuyete atutubet apei alotooma ŋakan, alokinyom a ŋulu elemunio alokaru a ŋulukanikaarei a ŋulu elalaa akimuj.

Akisy. 47:22

Ŋalup a ŋisacaradotin bon aponi kimyekinae akigyel, anerae a ŋinapaki aryamununeete ŋisacaradotin aneni a Parao akimuj ŋina eriyan etyae. Etemokino ikes akimuj ŋina aryamununeete ikes aneni a Parao ayarya. Ŋakiro ŋun pa agyelaryata ikes ŋalup kec.

Akisy. 47:25

Temasi ŋituŋa, “Iiu iyoŋ akiyar kosi; ikilipi kitalakasi ŋun ekapolon kosi, ikiruwor isua ŋipi a Parao.”

Esir 7:24

Ikilimokinitae daŋ iyes atemar nyemaikina iyes toriekis akitac ocur, kori akijaun ediotacit aneni a ŋisacaradotin, a ŋilepi a ŋikaeok, a ŋiketeok ŋipukei, a ŋiketiyak ka ŋaketiyak ŋulu ka Akai ka Akuj, kori ŋiketiyak ca daadaŋ ŋulu ka Akai a ŋina ka Akuj.

Esek. 7:24

Ayauni ayoŋ ŋituŋa a ŋakwapin ŋulu aronok nooi itodemasi iyes ŋakais kus. Etasaluni ayoŋ akituro a ŋikagogoŋok kus, emunaaryo ŋakiboisyo kus ŋuna ilipyata iyes.

Ŋilep. 27:30

“‘Ŋainakineta ŋuna ilemete iyes anakwap daadaŋ aŋuna ke Ekapolon, kerae ŋikinyom kori ŋaraito a ŋikito, erae ŋuna ke Ekapolon; esegak ikes aneni ke Ekapolon.

Ekim. 18:21

“Ainak ayoŋ ŋilepi atutubet apei alotooma ŋitomon a ŋinibore daadaŋ alo Isirael aruwor ŋini kec totacere ikes aŋuna ke etic a ŋolo itiyaete ikes alotooma eema ŋolokilipet.

Ŋikis. 14:22

Totyakasi atutubet apei alotooma ŋitomon a ŋaraito a ŋikinyom kus a daadaŋ a ŋulu elemununiyete iyes a ŋolokaru alomanikorin kus.

Ŋikis. 26:12

Ani kidaut iyes alemun ŋatutubeta ŋapeipei alotooma ŋitomon a ŋikinyom kus alokaru a ŋolo a ŋiuni (a ŋolo erae ekaru ŋolo elemununuyere atutubet apei alotooma ŋitomon) ka kidaut ainakin neni a ŋilepi, a ŋigelaanotin, a ŋikokyok ka neni a ŋapuseru ikotere, imujete ikes daŋ akimuj ŋina itemokino alotaunio kus,