Akisy. 47:22 - Ebaibul

²² Ŋalup a ŋisacaradotin bon aponi kimyekinae akigyel, anerae a ŋinapaki aryamununeete ŋisacaradotin aneni a Parao akimuj ŋina eriyan etyae. Etemokino ikes akimuj ŋina aryamununeete ikes aneni a Parao ayarya. Ŋakiro ŋun pa agyelaryata ikes ŋalup kec.

Akisy. 47:22 Iomraidhean Croise

Akisy. 14:18

Yau Melekisedek ŋolo arae erwosit ŋolo a Salem ŋamugati ka epiini; arae daŋ Melekisedek esacaradoti ŋolo ka Akuj a ŋina alokidiama nooi.

Akisy. 41:45

Tonyara Parao ekiro a Yosepu ebe, Sapenasipanea, ido inak Asenat nakoku a Potipera a esacaradoti a ŋolo ke etaun a ŋolo enyaritae On, toruwor aberu a Yosepu. Kirimok nai Yosepu akwap a Ijipit daadaŋ.

Akisy. 41:50

Ani eriŋa ŋikaru ŋulu a eron nyepona, aris Yosepu keuruu ŋisapa ŋiarei aneni ka Asenat, anakoku a Potipera a ŋolo arae esacaradoti a On.

Akisy. 47:21

Ani eruwor ŋituŋa, abu Parao kituruwo ŋipi keŋ; anyoun alowae a Ijipit a apei tari ŋoloce.

Akisy. 47:23

Tema Yosepu neni a ŋituŋa, “Aŋuna tokona adaunia ayoŋ agyelun iyes ka ŋalup kus ta ŋiboro kus toruworos ŋulu a Parao, ŋikinyom kus lu; kitata ŋalup.

Akisy. 47:26

Aŋun, abu Yosepu kituruwo ŋakiro ŋun ekisil a akwap a Ijipit, ido eriŋa tari tokona eyai ekisil ŋol ebe, atutubet apei alotooma ŋakan alokinyom a daadaŋ, erae ŋina a Parao. Ŋalup a ŋisacaradotin bon apotu nyeruwor ŋuna a Parao.

2 Sam. 8:18

Benaia lokoku a Yekoiyada iŋes apolokinit Ŋikeresi ka Ŋipelesi; ido arae ŋidwe a Daudi ŋulusapa ŋisacaradotin.

Esir 7:24

Ikilimokinitae daŋ iyes atemar nyemaikina iyes toriekis akitac ocur, kori akijaun ediotacit aneni a ŋisacaradotin, a ŋilepi a ŋikaeok, a ŋiketeok ŋipukei, a ŋiketiyak ka ŋaketiyak ŋulu ka Akai ka Akuj, kori ŋiketiyak ca daadaŋ ŋulu ka Akai a ŋina ka Akuj.

Neem. 13:10

Abu daŋ oryamu atemar keponi nyeinakin ŋilepi akimuj ŋina sek amaikina ikes eryamununeete, ido kepotu ŋilepi ka ŋikaeok ŋulu sek etiyaete alo Kai ka Akuj toloto akitare ŋimanikorin kec aŋuna ka aryamunia akimuj aŋuna kec.

Mat. 10:10

Nyitiŋa ecwee analosit kus kori elou ece, ŋamuk kori ebela. Anerae itemokino eketiyan toryamu akimuj keŋ.

1 Ŋikor. 9:13

Kire, iyenete iyes atemar, ŋikilyok ŋulu itiyaete Kai ka Akuj eryamununeeteakimuj kec alo Kai ka ŋulu itiyaete Namuroet, eryamununeeteakimuj kec anamuronisya a ŋuna einanakinete ikes.

Ŋigal. 6:6

Itemokino ituŋanan ŋini itatamyo ŋakiro ŋuna a Ŋikristo tomora ka eketataman keŋ ŋiboro ŋulu ajokak daadaŋ ŋulu eyakar iŋes anakiyar keŋ.

Ŋikis. 12:19

Tocoito ijamakinete ŋilepi ŋirwa daadaŋ ŋulu iboiyoto iyes anakwap kus.

2 Ŋites. 3:10

Tari ŋina ikirukitor iwon, aponi isua ikicikakin iyes ŋakiro nu, “Ituŋanan daadaŋ ŋini eŋerit etic, nyemaikina iŋes kimuj.”

1 Tim. 5:17

Itemokino ŋikatukok ŋulu idarito ejok atukot a Ŋikristo etacio ŋarwa ŋaarei, akilo nooi ŋulu elimonokinete, kitatamete ka alelakinit.