Akisy. 47:12 - Ebaibul

¹² Inak Yosepu akimuj neni a papa keŋ ka ŋikaitotoi keŋ ta ŋituŋa a ekal a papa keŋ; inak alokimar a ŋituŋa a ŋolokal.

Akisy. 47:12 Iomraidhean Croise

Akisy. 45:10

Ani ipote, toloma nakibois ŋina enyaritae Gosen, ikidunyete iyes ayoŋ a nen, iyes ka ŋidwe kus ka ŋidwe a ŋidwe kus kaapei ka ŋakinei kus, ŋaatuk kus ka ibore daadaŋ ŋini iyakatar iyes.

Akisy. 45:11

Eketani ayoŋ iyes a nen, ikwapei eriŋaakatar ŋikaru ŋikan ŋulu a eron eya kiŋaren; ikotere nai iyes ka ŋikalya kus ta daadaŋ ŋulu irukitotor iyes nyiruworosi ŋikulyak.’

Akisy. 45:7

Abu Akuj ekeyakuu ayoŋ ne eriŋa iyes nyepona, aiun ŋipiya anakwap aŋuna kus ka akiturubakin ŋikalalak eyarete aŋuna kus.

Akisy. 47:1

Aŋun, abu Yosepu tolot tolimok Parao tema, “Adaut papa kaŋ ka ŋikaitotoi kaŋ ta ŋamesekin ka ŋaatuk kec ta ŋiboro kec daadaŋ adolun anakwap a Kanaan. Elomito tokona ikes nakwap ŋina a Gosen.”

Akisy. 47:21

Ani eruwor ŋituŋa, abu Parao kituruwo ŋipi keŋ; anyoun alowae a Ijipit a apei tari ŋoloce.

Akisy. 47:24

Ani edoli apaki ŋina ilemyata iyes, itemokino inakis Parao atutubet apei alotooma ŋakan, kidoŋo ŋatutubeta ŋaomwon alotooma ŋakan neni kus ikwapei ŋikinyom ŋulu eekinio ka akimuj ŋina inyamete iyes ka ŋikalya kus ta ŋidwe kus ŋulu cicik.”

Akisy. 50:21

Aŋun, nyikuryaketa; ayoŋ elope eketani iyes kaapei ka ŋidwe kus ŋulu cicik.” A ŋakiro a ŋun, abu Yosepu tolema akuryanu alotai a ŋikaitotoi keŋ, kirwor neni kec erimaana.

Awos. 20:12

“Tokerite ŋinituŋanan papa keŋ ka toto keŋ, ikotere tolalata ŋirwa ŋulu iboiyoto iyes anakwap a ŋina ikiini Ekapolon Akuj kus.

Isa. 22:24

Idaŋidaŋi iŋes ŋakiro a ŋiletok apapa keŋ, ŋakiro a ŋidwe keŋ ka ŋuna a ŋituŋa a ŋuluce a ŋulu iboiyoto iŋes. Irici iŋes ŋiboro kec daadaŋ ameun anabakuli alokopoi tari namoti daadaŋ.’

1 Ŋites. 2:7

Ikwapei ikiraakar isua Ŋikiyakia a Kristo, kepedoritae akisiyaloloŋ iyes aŋuna ka aryamun akiŋarakinet adio aneni kus. Nai ikiyapara isua apaki ŋina ikirukitor iwon; ikikoni isua aberu iricit ŋidwe keŋ.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

1 Tim. 5:4

Nai ani keyakar apuserut ŋidwe kori ŋitatae, itemokino mono ŋidwe toyenut akitiya ŋiticisyo kec ŋulu ke edin alokalya kec a ŋilopeyek, ido alopite a lo, etacakinete ikes ŋikauruunak kec, atapapaa kec ka atatata kec, anerae ŋun ikes italakarito Akuj.

1 Tim. 5:8

Nai ani pa kidarit ituŋanan ŋiyeneta keŋ, akilo nooi ŋituŋa ŋulu ke ekal keŋ, adau iŋes akiŋer anupit Kristo ka aroniar nooi akilo ŋini nyenupit.

Rus. 4:15

Ikigasi daŋ toruwor iŋes ŋini eiuni akiyar kon ka ŋini ikidari iyoŋ alorwa a ŋulu ka amojoŋu kon, anerae adau nateran kon, ŋina ikimina iyoŋ akidoun isapat ŋini ejok nooi aneni kon akilo tari ŋisapa ŋulu alalak.