Akisy. 46:2 - Ebaibul

² Kirworik Akuj neni a Isirael nakwaare anakiruja tema, “Yakob! Yakob!” Toboŋok iŋes tema, “Ayai.”

Akisy. 46:2 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 15:13

Kirworik Ekapolon neni ka Aburam tema, “Toyenu nu kire atemar, erikoryo ŋiletok kon nakwap ŋinagela, neni eruworotor ŋipi ka isicanio nooi ŋikaru ŋamiae ŋaomwon.

Akisy. 20:3

Nai, abu Akuj bu neni ka Abimelek anakiruja nakwaare, tolimok iŋes tema, “Kiira, eapi iyoŋ atwanare aŋuna ka aberu a ŋina iya iyoŋ, anerae erae iŋes aberu ŋina iitit.”

Akisy. 22:1

Kelunyar ŋakiro ŋun daadaŋ, kikatak Akuj Aburaam tonyara iŋes tema, “Aburaam,” Tema Aburaam, “Ayai.”

Akisy. 22:11

Nai tonyara emalaika ke Ekapolon Aburaam anakuj tema, “Aburaam, Aburaam.” Tema Aburaam, “Ayai.”

Akisy. 31:11

Okonyar nai emalaika ka Akuj ayoŋ anakiruja tema, “Yakob” eyi ayoŋ otema, “Ayai!”

2 Ŋakiro a ŋirwa 26:5

Abu iŋes kitiyanak Akuj anakikinyomit alorwa a ŋulu a Sakariya a ŋolo abu kitatam iŋes akitopoloorit Akuj; ŋirwa daadaŋ ŋulu etiyanakinia iŋes Ekapolon, abu Akuj kiterereŋ iŋes.

Yob 4:13

Etamatamaete ŋatameta ŋakiro ŋuna a ŋakisileerekineta aŋuna ka akuwar, aŋuna eyakaunun apaki ŋina ejotonorootor ŋituŋa nooi,

Dan. 2:19

Aponi nai kisileerekinoe Daniel anakiruja nakwaare ŋakiro ka abu Daniel kipur Akuj ŋina anakuj.

Sakar 1:8

Abu Sakariya tema, “Abu ayoŋ anakiruja nakwaare eŋolik ekile emyat aŋole ŋina areŋan. Awoi ekile ŋol alokidiŋ ŋikito ŋulu ikwaan ka ŋikamurya, toyai nakadipaalat. Ayakasi kaku keŋ ŋaŋolei ŋuna areŋak, ŋuna oŋora areŋak ka ŋuna akwaŋak.”

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Ekim. 24:4

ŋakiro a ituŋanan a ŋini epupi ŋakiro ŋuna ka Akuj, a ituŋanan a ŋini etoodyanakin Akuj ŋina etiron neni keŋ, a ituŋanan a ŋini eryediki itopoloorit Akuj, ido toŋaara ŋakonyen keŋ.

Ŋitic. 10:13

Tolimok etoil iŋes tema, “Petero, tonyou, toar, tonyam!”

Ŋitic. 10:3

Akoloŋit apei eapikini ŋisaae ŋikanikaomwon ŋulu ka apaaran, toanyuwa iŋes atakanikinet, kiŋolik emalaika ŋolo ka Akuj ileere ebunit neni keŋ, tolimok iŋes tema, “Kornelio!”

Ŋitic. 16:9

Akoloŋit ŋin nakwaare, bu atakanikinet neni a Paulo: awoi ekile ŋolo alo Makedonia edyekit iŋes ebala, “Bua Makedonia, ikiŋarak isua!”

Ŋitic. 9:10

Ayai Damasko ekasyoman a Yesu ŋolo anyaritae Anania. Tonyara Ekapolon iŋes anatakanikinet tema, “Anania!” Toboŋok iŋes tema, “Ekapolon, ayoŋ lo.”

Ŋitic. 9:4

Kimasar iŋes kwap, kiira etoil ebala neni keŋ, “Saulo, Saulo! Kaanukiro ikisicanitor iyoŋ ayoŋ?”

Ŋikat. 7:2

Tolimok Ekapolon Gideon tema, “Elalak nooi aneni kaŋ ŋikilyok ŋulu irukitotor iyoŋ aŋuna ka akilounia Ŋimidian. Epedorete Ŋisirael akiturokin temasi, ‘Agogoŋu kosi iŋes ikilakuni isua.’

Ŋikat. 7:9

Akoloŋit ŋinapei ŋin nakwaare, abu Ekapolon tolimok Gideon tema, “Tonyou, tolot kitijik Ŋimidian anakibois kec, anerae adau ayoŋ akipotokin ikes napedor kon.

1 Sam. 3:10

Abu nai Ekapolon bu towo a nen, tonyara ikwapei sek anyarar ebe, “Samuel, Samuel!” Tema nai Samuel, “Kirworik Ekapolon, anerae apupi ayoŋ ŋolo arae eketiyan kon. ”

1 Sam. 3:4

Tonyara nai Ekapolon Samuel tema, “Samuel, Samuel!” Toboŋok Samuel tema, “Ayai!”