Akisy. 45:18 - Ebaibul

¹⁸ Yautu papa kus ka ŋikalya kus, ipotu neni kaŋ, akainakini ayoŋ iyes ŋalup ŋuna ajokak anakwap a Ijipit, topedosi aryamun akimuj analup a ŋuna ajokak.’

Akisy. 45:18 Iomraidhean Croise

Akisy. 27:28

Elipi ikiinak Akuj iyoŋ akiru anakuj ŋina isikopi ŋalup ka kitojok ŋalup torata ŋuna etiitiyete, ikiinak iŋes iyoŋ ŋikinyom ŋulu alalak ka epiini ŋolo alalan.

Akisy. 45:17

Tema Parao neni a Yosepu, “Tolimok ŋikaitotoi kon ebe, ‘Kitiyata nu: Toenikisi ŋiboro lobaren kus toboŋosi nakwap a Kanaan.

Akisy. 46:34

Toboŋokisi iŋes temasi, ‘Isua ŋiketiyak kon, ikirae ŋikeyokok a ŋibaren ŋinapei anasorokanut kosi tari tokona, isua kaapei ka atapapaa kosi.’ Tolimutu ŋun ikotere ilomete nakwap ŋina a Gosen, anerae aneni a Ŋijipitian, erae ŋikeyokok a ŋamesekin ŋisiilyanotin.”

Akisy. 47:6

Eyai akwap na ŋina a Ijipit nakan kon; kitolomu papa kon ka ŋikaitotoi kon nakibois ŋina ejok nooi anakwap a na; kimyek ikes toloma Gosen. Ani kiyeni iyoŋ atemar eya kidiŋ kec ŋulu epedorete akiyok ŋibaren kaŋ, inak ikes kiyoko.”

Ŋikiru. 147:14

Ewuak iŋes ekisil lokukorin kon, esimwon iŋes ŋituŋa kon a ŋikinyom a ŋulu esibito erau, a ŋulu ajokak nooi.

Ŋikiru. 81:16

Nai eketani ayoŋ iyes a ŋikinyom a ŋulu ikwaan ka erau, a ŋulu ajokak nooi; ekesimwoni ayoŋ iyes ka ao a ŋina eyai natabab.”

Isa. 28:1

Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Isa. 28:4

ŋulu ecucukaiya akibuses kec ikwa ŋatur ŋuna itanapikinitae neni a ŋikapolok a ŋulu imujete ŋamuja ŋuna ajokak, ikwaanikin ikes ka ŋaboboryo ŋuna ekokete eriŋa akamu, ŋuna elemari ituŋanan ca daadaŋ ŋini iŋolikini.

Ekim. 18:12

Akimyet ŋina ajokan daadaŋ, epiini ŋolo ajokan daadaŋ ka ŋikinyom ŋulu ajokak daadaŋ ta ŋainakineta ŋuna ajokak ŋuna einakinete Ŋisirael neni ke Ekapolon, adau ayoŋ ainakin ikes neni kon.

Ekim. 18:29

Alotooma ŋainakineta daadaŋ ŋuna ijauni iyoŋ, emaikina iyoŋ totyaka ainakinet ŋina emaikina erae ŋina ke Ekapolon, ainakinet ŋina ajokan nooi alotooma ŋainakineta ŋun iŋes emaikina kitaleoroe.’

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.