Akisy. 44:16 - Ebaibul

¹⁶ Kiŋit Yuda iŋes tema, “Anukiro tokona elimunio isua ekapolon kosi? Anukiro ikirworikini? Alipite elemarere isua ŋileec aneni kosi? Adau Akuj aryamun asecit a ŋiketiyak kon; isua nai tokona lu ŋipi a ekapolon kosi, isua kaapei ka ŋolo aryamunere ekopo.”

Akisy. 44:16 Iomraidhean Croise

Akisy. 37:7

Ayakae iwon lomanikor aeniyanaryo ŋaeneta, atipei tonyou aenet kaŋ towo kitiira; tosodo nai ŋaeneta kus kirimokis ŋina kaŋ kidiŋ, toryediko neni ka aenet kaŋ.”

Akisy. 37:9

Kiruja nabo Yosepu, tolimok ŋikaitotoi keŋ tema, “Kiirasi, abu ayoŋ eruja nabo. Anakiruja a na, apotu akoloŋ ke elap ta ŋikacer ŋitomon ke epei toryediko alokiŋaren kaŋ.”

Akisy. 44:17

Nai tema Yosepu, “Toriwo ŋun aneni kaŋ, ikotere nyetiya ŋun! Ŋolo aryamunio ekopo aneni keŋ bon iŋes eruwor epito kaŋ, nai iyes, toloto kitipeiyosi neni a papa kus a ekisil.”

Akisy. 44:32

Ayoŋ eketiyan kon abu oruwor ŋolo edari edya aŋuna a papa kaŋ. Abu otema, ‘Ani pa kenyaku ayoŋ iŋes neni kon, ayoŋ aruwor ŋolo elamam aneni a papa kaŋ ŋirwa daadaŋ ŋulu ka akiyar kaŋ.’

Akisy. 44:9

Ani kiryamu iyoŋ aneni kosi a idio aloketiyak kon a lu ekopo, emaikina ŋin totwan, ido oruworos isua ŋuluce ŋipi a ekapolon kosi.”

1 Ŋirw. 17:18

Tema apuserut ŋin neni ke Eliya, “Anukiro eya iyoŋ, ŋuna ikitoronitor iyoŋ ayoŋ, okoe ekile ŋolo irae ituŋanan ŋini ka Akuj? Ibu iyoŋ neni kaŋ akitatamun ayoŋ asecit kaŋ ka iyau atwanare neni alokoku kaŋ.”

Esir 9:10

“Tosodi tokona, okoe Akuj kosi, anukiro ikilimuni isua ekaku a ŋakiro a ŋun? Anerae aŋeri isua ŋakiciketa kon

Esir 9:15

Okoe Ekapolon, Akuj a Isirael, iyookino iyoŋ, nai ikideun isua ikirae ŋipiya, lopite ŋolo eyakatar ŋakiro tokona. Ikiya isua kiŋaren kon ikiyakar ekaile, anerae mam ituŋanan epedori akiwo alokiŋaren kon aŋuna a ŋakiro aŋun.”

Yob 40:4

“Kiira, arae ayoŋ ecaryoit koŋin, anukiro akaboŋokini ayoŋ iyoŋ? Abuni ayoŋ akituk kaŋ ka akan.

Ŋakit. 17:15

Ituŋanan ŋini itojokit ŋulu aronok ka ituŋanan ŋini nyitojokit ŋulu iyookino, erae ŋul daadaŋ ŋisiilyanotin aneni a Ekapolon.

Ŋakit. 28:17

Ani keyakar ituŋanan ekaile ŋolo earitor iŋes ituŋanan ŋinice, emaikina ituŋanan ŋin torubak erae ŋini irimit akitodol neni etwania, emaikina nyiŋarak ituŋanan idio iŋes.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 5:3

Iyes ŋituŋa ŋulu iboiyete alo Yerusalem ka iyes ŋituŋa a Yudaya, totyakutu ŋuna a kire ŋuna abu ayoŋ etiya, kori ŋuna abu emanikor kaŋ kitiya.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Luk. 12:2

Emam ibore ŋini erapitae ŋini nyisileereunio ka ŋini imunonitae ŋini nyeyenunio.

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋikis. 25:1

Ani kiburakinosi ŋituŋa ŋiarei, toŋoikinos, ido yaasi ŋakiro kec loikiiko totubo ŋikatubok ŋakiro kec, tolimut atemar iyookinit ipei nai nyiyookinit ŋinice,

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:18

Tonyara iŋes ŋituŋa a ekal a Sabadi aponare kiŋaren a ŋipeipei, tosearae Akan lokoku a Karami a ŋolo arae lokoku a Sabadi a ŋolo arae lokoku a Sera a ŋolo alokabila a Yuda.

Ŋikat. 1:7

Kirworik ekapolon a Besek tema, “Ayakar koloŋ ayoŋ ŋirwosi ŋatomonikanikaarei ŋulu atubonorosi ŋimoyo a ŋakan kec ŋulu apolok ka ŋimoyo a ŋakejen kec ŋulu apolok, ido edepete ŋirwosi ŋul ŋarare alokwap emesa kaŋ. Etiya Akuj neni kaŋ ŋuna abu ayoŋ etiya neni a ŋuluce.” Aponi nai yaarae ekapolon a Besek Yerusalem, ido totwan a nen.