Akisy. 43:9 - Ebaibul

⁹ Ayoŋ elope edari edya; keya ŋuna etakanunete neni keŋ, kimarak nakou kaŋ. Ani pa kenyaku ayoŋ iŋes, ewuak kiŋaren kon, kicenoi ayoŋ toruwor asecenu ŋina kaŋ ŋikaru ka ŋikaru.

Akisy. 43:9 Iomraidhean Croise

Akisy. 31:39

Nyeyauna ayoŋ neni kon ibarasit idio ŋini enyamito ŋityaŋ, nai atacenene ayoŋ elope ŋul. Ikitatacenene iyoŋ ayoŋ ŋibaren kon ŋulu akokoiyanaryo naparan, kori nakwaare.

Akisy. 42:37

Tema nai Ruben neni a papa keŋ, “Ipedori iyoŋ akiar ŋidwe kaŋ ŋulusapa ŋiarei, erae pa kenyaku ayoŋ Benjamin neni kon. Kicikakinae iyoŋ ayoŋ iŋes, ido enyakuni ayoŋ iŋes neni kon.”

Akisy. 43:10

Ani kerae nyeŋelitae, ketinen isua keboŋor ama ŋaboŋoret ŋaarei.”

Akisy. 9:5

Nai kire, ŋini ebukori ŋaokot kon, eŋisi ayoŋ ŋuna kebukorya. Eŋisi ayoŋ ŋun ŋolotyaŋ ka ŋinituŋanan. Eŋisi ayoŋ ituŋanan kirwor ŋuna kebukorya iŋes ŋaokot a ŋinice.

2 Sam. 14:9

Tema Atekoat ŋin neni a erwosit, “Ekapolon kaŋ erwosit, kimyek ŋakiro daadaŋ ŋuna itiyakini iyoŋ pena nakou kaŋ ka nakyes a ŋituŋa a ekal a papa kaŋ, nyemaikina ŋakiro ŋun pena neni kon erwosit, kori napukan kon.”

1 Ŋirw. 1:21

Ani pa kisubak iyoŋ ŋun, epedorio ayoŋ ka lokoku kaŋ Solomon akituruwor ŋikasecak apaki ŋinapei ikinukakinere iyoŋ ekapolon kaŋ erwosit neni eya atapapaa kon.”

Yob 17:3

“Okoe Akuj, toruwor ekalakunan ayoŋ anakitac ibore idio ŋini alakunor ayoŋ; ŋae ituŋanan ice epedori akitac ibore idio aŋuna ka alakun ayoŋ?

Ŋikiru. 119:122

Kiikinae ayoŋ eketiyan kon atemar ikiŋarakini iyoŋ ayoŋ; nyicamak ŋiketurok ekesicanete ayoŋ.

Esek. 3:18

Ani kalimok ayoŋ ŋulu aronok ebe, ‘Itwakete iyes kire jik, ido towou iyoŋ alimokin ikes acoikin aronis kec, kori towou iyoŋ akirwor ŋakiro ŋuna iteesikinete ikes aronis kec ikotere eiunete akiyar kec, etwakete kire jik ŋikaronok ŋul aŋuna ka asecit kec, ido emarakini ayoŋ atwanare kec erae nakou kon.

Esek. 3:20

Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Esek. 33:6

Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Esek. 33:8

Ani kalimok ayoŋ ŋulu itiyaete aronis ebe, ‘Okoe iyes ŋulu itiyaete aronis! Itwakete iyes kire jik,’ ido towou iyoŋ alimokin ikes akiŋer akiwuapit aronis kec, etwakete ŋikaronok ŋul aŋuna ka asecit kec, nai emarakini ayoŋ atwanare kec erae nakou kon.

Luk. 11:50

Nai isicanio ŋituŋa ŋulu ka anyamet a na aŋuna a ŋaokot a ŋikadwarak ŋinapei anakisyakinet akwap,

Ŋibur. 7:22

Alotooma ŋakiro ŋuna egelegelya ŋun, ikiinak Yesu iwon ŋuna itoodiunito atemar erae na Acamunet ŋina ejok adepar.