Akisy. 43:18 - Ebaibul

¹⁸ Tokuryaketa ŋikilyok ŋul, anerae aponi yaarae ikes kai a Yosepu temasi, “Erae ŋakiro a ŋisiliŋa a ŋulu enyakakinitae locweei yok kuwar ekiŋaren, iŋes ikiyaunere iwon tooma ne, ikotere ekapolon eryamuni apaki ŋinakitoroniyaret iwon, ikituruwo ŋipi, ido ya ŋisigirya yok.”

Akisy. 43:18 Iomraidhean Croise

Akisy. 42:21

Kirworikinos ikes make temasi, “Kire jik, ikiboŋokis iwon ŋakiro ŋuna aponi iwon kitiyae neni alokaato yok; ikipotu iwon eŋolikisi epite ŋolo anomoritor iŋes atwanare apaki ŋina ikidyekitor iŋes iwon, nai aponi iwon nyepupokin adyekitoi keŋ. Ŋakiro ŋun nai abunio anomorit na ŋina ka atwanare neni yok.”

Akisy. 42:27

Ani eŋaari epei kec ecwee keŋ, ecamit ainakin esigirya keŋ ŋinya aneni aperete ikes, kiŋolik ŋisiliŋa keŋ eya nakituk a ecwee.

Akisy. 42:28

Tema neni a ŋikaitotoi keŋ, “Kinyakakin ŋisiliŋa kaŋ, elu eya locwee kaŋ!” Aŋakiro a ŋun, abu ikes kiil ŋitai, kiŋolikinos emaranete temasi, “Anukiro nu ŋuna etiya Akuj neni yok?”

Akisy. 42:35

Ani ebukete ikes akimuj alocweei kec, toryamu ŋinituŋanan ŋisiliŋa keŋ alocwee keŋ. Ani iŋolikinete ikes ka papa kec ŋaeneta a ŋisiliŋa, tobul ikes.

Akisy. 43:17

Kitiya eketiyan ŋol ikwapei alimokinitor Yosepu iŋes, ya ŋikilyok ŋul kai a Yosepu.

Akisy. 43:19

Aŋun, toloto ikes neni a ŋolo apolokinit etic alokai a Yosepu, kirworo ka iŋes alopuke a akai.

Akisy. 44:8

Kiira iyoŋ, aponi isua kinyakunae neni kon anakwap a Kanaan ŋisiliŋa ŋulu aryamunio alocweei kosi; nyo nai ikitokokoiyari isua esilipa, kori egolid alokai a ekapolon kon?

Yob 15:21

Epupete ŋiryenyaanotin ŋitoilon ŋulu einakinete ikes ekabule; apaki ŋina eyakatar ikes nalakara, ebuni ekenyasan amunaar alakara kec.

Yob 30:14

Eelun ikes aneni esibit itorunito neni eorori nooi; akaemakin ikes ayoŋ emotuno nooi.

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Ŋikiru. 73:16

Nai ŋinibore abunio ayoŋ otamatama epite ŋoloyenunet ŋakiro a ŋituŋa a ŋul, apotu toruwor aneni kaŋ ŋuna pa apatana ayenun,

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Dan. 6:4

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Mar. 6:16

Nai ŋina eirarya Erode ŋakiro ŋun, abu tema, “Yoana monopei ŋolo atubori ayoŋ akou ayaru a?”

Ŋirom. 7:8

Nai abu asecit toryamu anakiciket a na apaki ŋina kisiguryakinet aneni kaŋ ŋipitesyo daadaŋ ŋulu ka akiŋobel. Anerae ani emam Ŋikisila, etwanit asecit.

Ŋikis. 22:14

tosodi kirwor itoroniyarit iŋes ka emunaarit koŋin ebala, “Abu ayoŋ eit apese na nai ani ikiryamakin ka ayoŋ, abu ayoŋ oryamu atemar nyerae iŋes apese ŋina nyiryamakina ka ekile ece.”

Ŋikis. 22:17

Itoroniyarit ekile lo nakoku kaŋ ebala, ‘Nyeryamuna ayoŋ akitoodikinet ŋina itoodiunit atemar arae nakoku kon apese ŋina pa eryamakina ka ekile.’ Nai akitoodikinet ŋina itoodiunit atemar arae nakoku kaŋ apese ŋina pa eryamakina ka ekile iŋes na.” Epetakinete nai ŋikauruunak a apese a ŋin anaŋga ŋina eyakasi ŋaokot kiŋaren ŋikasikou ŋulu ke etaun.

Ŋikat. 13:22

Tolimok nai Manoa aberu keŋ tema, “Kire jik, ikitwaki iwon, anerae eŋolikin iwon Akuj.”

Ŋikat. 14:4

Pa ayenete papa ka toto a Samuson atemar arae Ekapolon ayeunit ŋakiro ŋun, anerae ewarit Ekapolon epite ŋolo apedorya akitijikin Ŋipilistin. Apaki ŋin, epukato Ŋipilistin Ŋisirael.