Akisy. 41:8 - Ebaibul

⁸ Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

Akisy. 41:8 Iomraidhean Croise

Akisy. 40:6

Ani taparacu ebuni Yosepu neni kec, kiŋolik ikes ebulit iyalaara ŋawat.

Akisy. 40:8

Toboŋokis ikes temasi, “Irujatae isua, ido mam ituŋanan ikisileerekini isua apolou a ŋakiro a ŋuna irujatae.” Tema Yosepu neni kec, “Meere mono Akuj epedori akisileerekin apolou a ŋakiro a ŋuna irujatae a? Tolimokinae ayoŋ ŋakiro ŋuna irujato iyes.”

Akisy. 41:15

Tema Parao neni keŋ, “Erujat ayoŋ, ido mam ituŋanan epedori akisileerekin ayoŋ apolou a ŋakiro a ŋuna erujat. Adau ayoŋ akiirar ŋuna ikitapito iyoŋ ebe ani kiira iyoŋ ŋuna irujat ituŋanan, ipedori akisileereun apolou a ŋakiro a ŋuna irujat iŋes.”

Akisy. 41:24

Kilikosi ŋakyes ŋunadiim ŋunakanikaarei ŋuna ajokak. Nai ani alimokini ayoŋ ŋikekukujak, mam ipei daŋ ŋini abu ekesileerek ayoŋ apolou a ŋakiro a ŋuna abu ayoŋ eruja.”

Akisy. 41:7

Kilikosi ŋakyes ŋuna ainiarito ŋunalorok ŋuna eleleba ŋicok. Ani ekyenyuni Parao, toyenu atemar kirujae iŋes.

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Awos. 7:11

Ekaku a ŋun, abu Parao tonyarau ŋikaosok ka ŋikekukujak, ido apotu ŋikekukujak a Ijipit daŋ kitiyata ŋakujuwuanisya ŋuna pei ŋun aloticisyo kec a ŋulu pa apatana ayenun.

Awos. 7:22

Nai apotu ŋikekukujak a Ijipit daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun. Aŋun, abu Parao kitogogoŋ akou keŋ nyepupok ŋakiro ata Moses, lopite ŋolo alimokinitor Ekapolon ikes.

Awos. 8:7

Nai apotu ŋikekukujak daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun; kitolomut ŋakidodoka anakwap a Ijipit.

Awos. 9:11

Apotu ŋikekukujak nyepedosi aponare neni ayai Moses, anerae ayakatar ikes ŋilepunoe, apotu ŋilepunoe kiteryamut ŋikekukujak kaapei ka ŋituŋa a Ijipit daadaŋ ŋican.

Isa. 19:3

Ekadakini Ŋijipitian, ido eruwor ŋakiro ŋuna eyeunete ikes ŋacaryo; elosete ikes akiŋita ŋakiro aneni a ŋitorubei a ŋakujo, aneni a ŋitai a ŋikatwak ka aneni a ŋimurok ta aneni a ŋililae,

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 8:19

Ani tokona ketemasi iyoŋ ŋituŋa ebe, “Kiŋitutu ŋakiro aneni a ŋipyan ka aneni a ŋililae a ŋulu iŋaiŋaasi ka iŋunuŋunosi, nyemaikina mono ŋituŋa kiŋitut ŋakiro aneni a ŋakujo kec aŋuna a ŋituŋa a ŋulu eyarete

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 4:18

Tolimu erwosit Nebukadinesar tema, “Ŋakiro ŋuna abu ayoŋ oanyu anakiruja ikes ŋun. Tokona Belitesasar, tolimokinae ayoŋ apolou kec, anerae mam ipei daŋ alokidiŋ ŋikaosok a apukan kaŋ ŋini abu topedo alimokin ayoŋ, nai ipedori iyoŋ alimokin ayoŋ apolou a akiruja a ŋin, anerae eyai etau a ŋakujo a ŋuna asegak neni kon.”

Dan. 4:19

Abu nai Daniel ŋolo arae ekiro keŋ ece Belitesasar tosiliyo adiouriyen ebulit nooi, apotu ŋatameta keŋ kitubulo iŋes. Tema nai erwosit neni keŋ, “Belitesasar, nyimyek ŋakiro ŋuna ka akiruja a ŋin, kori apolou kec ikitubulo iyoŋ.” Toboŋok Belitesasar tema, “Ekapolon kaŋ, kerae ca topedonor, keruwor ŋakiro ŋuna irujat iyoŋ ŋuna a ŋulu ikimanito iyoŋ ka keruwor apolou kec ŋina a ŋimoe kon.”

Dan. 4:5

Abu ayoŋ eruja ŋakiro ŋuna apotu eketeryaŋakis ayoŋ. Ani aperi ayoŋ alokitaada kaŋ, abu ayoŋ eŋolik anakiruja ŋitorubei ka ŋakisileerekineta ŋuna apotu eketubulo ayoŋ.

Dan. 4:6

Aŋun, abu ayoŋ otub atemar tonyaraunae ŋikilyok ŋulu erae ŋikaosok anakwap a Babilon daadaŋ potu neni kaŋ, ikotere okolimokis ayoŋ apolou a ŋakiro a ŋuna abu ayoŋ eruja.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Ŋilep. 19:31

“‘Nyilot neni a ŋimurok kori nyiwara ŋililae aŋuna ka akitumunaar ikes. Arae ayoŋ Ekapolon Akuj kus.

Ŋilep. 20:6

“‘Ani kelot ituŋanan idio neni a ŋimurok ka neni a ŋililae amalaaniyar akiwuap ikes, aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Mat. 2:1

Kedaun akidoun Yesu alo Betelem anakwap a ŋina a Yudaya, ŋirwa ŋulu araakar Erode erwosit, potu ŋikaosok ŋice alo Kide tari Yerusalem,

Ŋitic. 17:18

Kimocoto daŋ iŋes ka ŋikaosok ŋulu anyaritae Ŋipikuriyae ka Ŋisitoikae. Temasi ŋice, “Inyoni ecamit ekile ŋolo irworo car lo alimun?” Temasi ŋice, “Esibit elimonokini iŋes ŋakiro ŋuna a ŋakujo a ŋuna egelaaka.” Alimunete ikes ŋun, anerae alimonokini Paulo ŋakiro ŋuna a Yesu ka ŋuna ka ayarun alokatwak.

Ŋitic. 7:22

Kitatamae Moses ŋakiro daadaŋ ŋuna ka aosou a ŋina ka akwap a Ijipit, togogoŋior iŋes alorwor ka aloticisyo keŋ.

1 Ŋikor. 1:19

Igiritae Nakigireta atemar, “Amunaari ayoŋ aosou a ŋikaosok ka etoŋopiari ayenut a ŋulu ayenak. ”

1 Sam. 6:2

apotu Ŋipilistin kiyaketa ŋituŋa anyarare ŋisacaradotin ka ŋimurok kiŋita temasi, “Anukiro emaikina iwon etiyata aŋuna ka Asaduku a ŋina ke Ekapolon? Tolimokinae isua ibore ŋini itemokino yae kaapei ka Asaduku neni sek eyai Asaduku.”