Akisy. 41:42 - Ebaibul

⁴² Tosodi nai Parao tolacu ekaboboot keŋ ŋolo a etal alokimoin keŋ, kitanapik lokimoin a Yosepu. Kitanap ŋilowi ŋulu aoyak ŋulu amilimilak, kitanapik lodokole a Yosepu erikot ŋolo a egolid.

Akisy. 41:42 Iomraidhean Croise

Akisy. 38:18

Kiŋit Yuda Tamar tema, “Anibore icamit iyoŋ okoinak ayoŋ iyoŋ?” Toboŋok Tamar tema, “Ekaboboot kon ŋolo a etal ka anapet a ekaboboot ta ebela ŋolo eyai nakan kon ŋol.” Inak nai Yuda Tamar ŋiboro ŋul, tosodi kiryamakinos ka iŋes, kitopoti Yuda Tamar.

Akisy. 41:43

Kitemyaa Parao Yosepu agaari keŋ ŋina erito ŋaŋolei erae ŋolo etupit iŋes anapolou. Tocelasi ŋituŋa alokiŋaren Yosepu ebasi, “Toryediko!” Aŋun, abu Parao kituruwo Yosepu ekapolon a akwap a Ijipit a daadaŋ.

Esta 10:3

Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.

Esta 3:10

Aŋun, abu erwosit tolemu ekaboboot keŋ ŋolo ka apolou anakan keŋ, ido inak Aman lokoku ka Amedasa a ŋolo arae Egagitait, emoit a Ŋiyudayan.

Esta 3:12

Aponi nai tonyaraunae ŋikegirigirak a erwosit elap ŋolo ke epei ŋirwa ke elap ŋitomon ka ŋiuni. Apotu ŋul kigira ŋakiro daadaŋ ŋuna abu Aman kicikak ŋulu awoikinito erwosit anakwapin a ŋuna epukat iŋes ka ŋulu epukato ŋakiboisyo daadaŋ akwap a ŋin ta neni a ŋikapolok a ŋituŋa a daadaŋ. Kigirakis ikes a ŋinakibois ŋakiro lopite ŋolo igiryata ŋituŋa anakibois a ŋin ka kigirakis ŋulutuŋa ŋakiro a ŋajep kec. Egiritae ŋakiro ŋun alokiro a erwosit Ausero, ido ekoŋokinitoe emacar a ekaboboot a erwosit neni agolokinitere ŋakiro ŋun.

Esta 8:10

Kigir Moridekai ŋabaruwae alokiro a erwosit Ausero, ido toenik ekaboboot a erwosit neni egolokinitere ŋakiro ŋun. Kiyakiya iŋes ŋabaruwae ŋun yaasi ŋikametok ŋaŋolei ŋuna apiranak ŋuna auritae alosipan a ŋolo ka apukan.

Esta 8:15

Torotok nai Moridekai alokiŋaren erwosit enapit ŋilowi ŋulu ka apolou ŋulupusiyek ka ŋulu akwaŋak. Tonapite ebokot ŋolo apolon ŋolo a egolid ka elou ŋolo amilimilan ka ŋolopus areŋan. Tolakaros ka tolelyana a ŋun ŋituŋa ŋulu a Susa.

Esta 8:2

Abu nai erwosit tolemu ekaboboot keŋ ŋolo ka apolou ŋolo keris sek iŋes kelacu aneni ka Aman, ido abu inak Moridekai. Aŋun, abu Esta inak Moridekai apolokin akai ka Aman.

Esta 8:8

Ipedorete iyes akigir ŋakior ŋun lopite ŋolo italakarit Ŋiyudayan, kigira alokiro a erwosit, ido kiwuanakis emacar ŋolo ke ekaboboot a erwosit neni egolokinitere ŋakiro ŋun; mam ituŋanan eŋeri kinyaku.”

Ŋikiru. 73:6

Aŋun, ileere akituro kec ikwa aciloit ŋina ke edokole, ileere aryenyeo kec ikwa ekaaso enapitae.

Ŋakit. 1:9

anerae ejokak ŋakiro ŋun aŋuna kon, ikwaan ka akopiya ŋina ikimukunit iyoŋ, kori ibore ŋini inapit iyoŋ alodokole ŋini ikisibusit iyoŋ.

Ŋakit. 31:22

Edonyununui iŋes ŋanaŋgae ŋuna epesi lokitaada keŋ, enapit iŋes ŋilowi ŋulu amilimilak ŋulu kipura-areŋak.

Ŋakit. 31:24

Itiyaununui iŋes ŋilowi ŋulu amilimilak, ido togyelana, egyelanari iŋes ŋarokobae neni a ŋimucurus.

Eete a Ŋie. 1:10

Ibusak nooi ŋikelyo kon ŋulu etapakina ŋikayeliyel a ŋaki, ibus nooi edokole kon ŋolo ileleba ŋinapen.

Eete a Ŋie. 4:9

Isupa iyoŋ etau kaŋ, iyoŋ nakaato kaŋ ka ateran kaŋ, isupa iyoŋ etau kaŋ alopite a ŋolo itakania iyoŋ ka a erikot a ŋolo inapit iyoŋ alodokole kon.

Isa. 3:23

ŋilowi kec ŋulu ecayete, ŋilowi ŋulu amilimilak, ŋakitambarae ŋuna enapitae alodokolei ka ŋakitambarae ŋuna itukitukitae nakyes.

Yer. 52:33

Aŋun abu Yeoiakin tolaca tari ŋilowi keŋ ŋulu sek alomabus ka abu toruwor ŋolo emujenene alokai ke erwosit jwi jwi anakiyar keŋ a daadaŋ.

Esek. 27:7

Arae Ijipit iryamunitor iyoŋ ŋanaŋgae ŋuna esibusitae ŋuna amilimilak ŋuna emetor ekuwuam atuba ananam, etoodiunito ŋanaŋgae ŋun atemar ŋatubae a Tiro ŋun. Arae nakwapin ŋuna eya Elisa diyete anam, iyaununuya iyoŋ ŋiraŋgi lu: ŋolopus ka ŋolo kipurat-areŋan, ŋulu alimorito ŋakiro kon.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:29

Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Luk. 15:22

Nai tolimok papa keŋ ŋiketiyak keŋ tema, ‘Apesi atipei yautu elou ŋolo ajokan kitanapa. Kiwuakisi ekaboboot lokimoin keŋ ka kitanapa ŋamuk.

1 Sam. 18:4

Tolacu Yonasan ekaaso ŋolo anapit, inak Daudi, inak tari ŋiboro keŋ ŋulu ke ejie, ekileŋ keŋ ka ŋikaleŋeleŋe ta arokoba keŋ.