Akisy. 41:30 - Ebaibul

³⁰ Ekaku a ŋikaru a ŋul, epote ŋikaru ŋikanikaarei ŋulu a eron, imuryakin ŋikaru daadaŋ ŋulu alalaa akimuj anakwap a Ijipit; irikari eron akwap.

Akisy. 41:30 Iomraidhean Croise

Akisy. 41:21

Kedaut akirikar, mam ituŋanan abu toanyu atemar anyama ŋaatuk ŋun ŋunace, anerae apotu ŋaatuk ŋun torubakis esilok ŋajul ikwa ŋinapei sek. Okyenyu nai ayoŋ a nen.

Akisy. 41:27

Ŋaatuk ŋunakanikaarei ŋuna asenyak tosilok ŋajul ŋuna apote ekaku a ŋuna aya kaku a ŋuna ajokak, erae ŋikaru ŋikanikaarei, ikote nenipei ŋuna a ŋakyes a ŋuna amam ŋikinyom ka enapapakinit ekuwuam ŋolo ekutunit alo Kide. Erae ŋikaru ŋikanikaarei ŋulu a eron.

Akisy. 41:31

Mam ŋini etamuni ŋuna alalaa akimuj anakwap, aŋuna a eron a ŋolo etupakin ŋun, anerae eroniar eron ŋol nooi.

Akisy. 41:51

Tolimok Yosepu ekiro alokoku keŋ a ŋolokiyae Manase; anerae abu iŋes tema, “Ekesimuryak Akuj ayoŋ ŋican kaŋ daadaŋ ka ŋituŋa a ekal a papa kaŋ daadaŋ.”

Akisy. 41:54

Kisyakis ŋikaru ŋulukanikaarei ŋulu a eron aponare ikwapei sek alimunitor Yosepu. Toyakaun eron nakwapin daadaŋ, nai ayai akimuj ŋina sek edyasyo nakwap a Ijipit daadaŋ.

Akisy. 41:56

Aŋuna arisyo eron kelomu nakwap ŋin daadaŋ, toŋaa Yosepu ŋakais daadaŋ ŋuna ayai akimuj, togyelanak akimuj neni a ŋituŋa a Ijipit, anerae arono nooi eron anakwap a Ijipit;

Akisy. 47:13

Todaun akimuj anakwap a Ijipit a daadaŋ, anerae abu eron toroniar nooi. Kikar ŋituŋa a Ijipit ka ŋulu a Kanaan, aŋuna a eron.

2 Sam. 24:13

Aŋun, abu Gad tolot neni a Daudi kiŋit iŋes tema, “Emaikina mono yaunae ŋikaru ŋiuni ŋulu a eron nakwap kon a? Kori emaikina iyoŋ iemi anakwap kon ŋilapyo ŋiuni ikiwuapito ŋimoe kon a? Kori emaikina edeke eyakaun nakwap kon ŋirwa ŋiuni a? Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

2 Ŋirw. 8:1

Alimokinit sek Elisa aberu ŋina abu iŋes kiteyaru lokoku keŋ tema, “Tonyoutu ka ekal kon, tolomiyasi neni daadaŋ icamito; enyaraunit Ekapolon eron abunore nakwap na, eron ŋolo eropari ŋikaru ŋikanikaarei.”

Ŋikiru. 105:16

Abu Ekapolon yau eron nakwap kec, togolo ŋirotin daadaŋ ŋulu eryamununuyata ikes akimuj.

Ŋakit. 31:7

emaikina ikes tomata, ikotere kimuryak akulyako kec, emaikina ikes tomata, ikotere kimuryak aryeba kec.

Isa. 65:16

Ituŋanan daadaŋ ŋini egatanakini arereŋu nakwap, emaikina togatak alokiro ka Akuj a ŋina ikinyoma; ituŋanan daadaŋ ŋini ikoŋi anakwap, emaikina kikoŋ alokiro ka Akuj a ŋina ka akikinyoma; anerae emuryakin ŋican ŋulu koloŋ ka nyeriŋa ayoŋ ete ŋican ŋul.”

Luk. 4:25

“Nai akalimokini ayoŋ iyes atemar, alalak ŋapuseru alo Isirael ŋirwa ŋulu ke Eliya, ŋina aŋopiyarya akiru ŋikaru ŋiuni ka ŋilapyo ŋikanikapei, bu eron ŋolo aronon nooi nakwap ŋin daadaŋ.

Yak. 5:17

Arae koloŋ Eliya ituŋanan ikwa iwon. Abu iŋes kilip nooi, ikotere nyilim akiru ka emam akiru abu kilim ŋikaru ŋiuni ka ŋilapyo ŋikanikapei.