Akisy. 41:16 - Ebaibul

¹⁶ Tema Yosepu neni a Parao, “Meere ayoŋ; Akuj iŋes elimokini Parao aboŋokinet ŋina ajokan.”

Akisy. 41:16 Iomraidhean Croise

Akisy. 37:14

Tolimok Isirael Yosepu tema, “Ape tokona toanyu kiboiyete ŋikaitotoi kon ejok kaapei ka ŋakinei; ido kinyaku ŋakiro neni kaŋ.” Kiyaki Isirael iŋes anakadipaalat a ŋina ke Eburon; tolot Yosepu tari Sekem,

Akisy. 40:8

Toboŋokis ikes temasi, “Irujatae isua, ido mam ituŋanan ikisileerekini isua apolou a ŋakiro a ŋuna irujatae.” Tema Yosepu neni kec, “Meere mono Akuj epedori akisileerekin apolou a ŋakiro a ŋuna irujatae a? Tolimokinae ayoŋ ŋakiro ŋuna irujato iyes.”

Akisy. 41:17

Tosodi Parao tema neni a Yosepu, “Anakiruja kaŋ, awoi ayoŋ alokipetot a aŋolol Nile;

Akisy. 41:25

Tema nai Yosepu neni a Parao, “Erae apolou a ŋakiro a ŋuna irujat Parao apei ka ikwaan, adau Akuj akitoodikin Parao ŋuna eapi Akuj akitiyakin.

Akisy. 41:28

Ikwapei sek alimokinitor ayoŋ Parao; adau Akuj akitoodikin Parao ŋuna eapi Akuj akitiyakin.

2 Ŋirw. 6:27

Tolimok erwosit aberu ŋin tema, “Ani pa kikiŋarakinit Ekapolon Akuj, ekokini ayoŋ ekeŋarakini iyoŋ ai? Ayakar ayoŋ alos ŋina eramere a? Kori neni ecuyere epiini a?”

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 4:2

Erae alakara kaŋ alimokin iyes ŋakitoodyanakineta ka ŋaumonokineta ŋuna adau Akuj ŋina alokidiama nooi akitiya aŋuna kaŋ.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Luk. 19:42

tema, “Okoe, kerae ca toyenete iyes nakuwar na ibore ŋini erae ikisilet! Nai tokona iwuaitae anakonyen kus!

Ŋitic. 3:12

Ani iŋolikini Petero ŋun, tolimok ikes tema, “A ŋituŋa a Isirael, nyo ikituumokinitotor iyes ŋun? Nyo ikiteoto iyes isua esibit erae apedor na ŋina kosi, kori esibit erae aŋuna ekeritere isua Akuj iŋes ikitorotokinio isua ekile lo?

Ŋitic. 3:7

Kikamu Petero iŋes akan ŋina aloteten, kitonyou, towo. Togogoŋioto atipei ŋakejen ka ŋitobolae keŋ;

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

2 Ŋikor. 3:5

Emam ibore ŋini ikiyakar isua, ŋini ikitilimuni atemar ikiyakar isua apedor ŋinakitiyaet etic lo. Apedor ŋina ikiyakar isua ebunit aneni ka Akuj.

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”